2 Timoti 1:4 - Godido Vua Maeje

⁴ Ro maza ije na a nujana vakoga a nimeno nido one fu arima ije nane vierafei ijadufuo na maza boeje naka a gakiro vierafe. Ijadufuo na una vua a gakuva na vierafe naka ma ireobo oemadiedufuo.

2 Timoti 1:4 ပူးပေါင်းရင်းမြစ်များ

Joni 16:22

Ijadufuo jadua ja vame besu ijiege redufuo. Iviama jaka oefiane abeve rove rade na una ja biediakuva jaka oemaredufuo. Ro ije ja ijiege oemarevo ije fu erare bijukuriakuma baki ro fune maza boeje ijiege navake.

Joni 16:24

Ja isuibe ja naebe ire binofuo Asoe none ije ive none ijia kuarae. Rove iviama ja ive none ijia kuakuva fuka ifejiaga ja maza boeje oemarekinu karivake.

Ekisi 20:19

Na E Ireobo ijadufuo i ije na menoeva ije naka kabuaekabuaekigia nimenoekinu menoe. Ro maza ijia naka ire ise boeje biediana isejavae. Ijadufuo maeje e Jiusi ijiebe mauike na kaniekuae renoevo ijadufuo na ijiege renoe.

Ekisi 20:31

Ijadufuo nika mukoreigia joe samuanamikinu oenoefo. Ro ni izege na juaevasia inokubeke mumaza nidokuma oenoekinu izege ja joe samuanamidufuo na kuariaeva ije vierafedufuo.

Romeni 1:11

Na ireobo vierafe naka una vua ja ifejiana Godi kuaga fu Kavene Akae ijadufuo daro maeje bino vajiaekina ja daro abedufuo.

Firifiani 1:8

Rove naka ma kuariave none izege na ja oetuavo ije fune Godire fuonukua giena vierafega izege na ja oetuavo ije funeka Jesu Kuraesido oe ijia ruae.

Firifiani 2:26

Ro e Ifafurodaetasi fuka ja giakiro uruke vierafe. Ro kuke fuka oefiaeme ijadufuo maeje ja adame ireobo ije fu abema ije jane fie.

1 Tesaroniasi 2:17

Ro erafano jaeje no maza sibaneke ijia no naebe una ja biediae. Ijadufuo oe nuvuone noka una ja giakuae ireobo vierafei. Ro Foru naeje naka maza boeje una ja giakiro vierafeve. Rove no jone vuakuvega Setani fuka vame nuvuone bijukurame.

2 Timoti 4:21

Ro Timoti ve ije fuka ireobo dakuveno ijadufuo ni migegire ruake fu rade dane. Ro e Iuburusikina Fudenisi ro Rinasikina Kurodiakiro e Godi ma vierafevo are igia karijo ije bu a anadae.

2 Timoti 4:9

Ro Timoti, ni koro rade giriesana migegire vuane.

1 Joni 1:4

Ro vua ige no isoena ja nijiavo ijadufuo maeje ja vua ijia dana oemarekinu karinoeke. Ro kuke no izege ije ja oemarevo ije fiekuva nodua noka ijiege oemarekinu karinoedufuo.

Revaresoni 21:4

Ro fure nido buone ijefikorejiake ro kuke rade bube una oeke. Ro vajae fiane ijiakiro oefiane ije rade bube una biediake. Ro vame isuiko ije funeka mukoreigia bakire vaemano kumei.

Revaresoni 7:17

Ijadufuo maeje Mave-Sifi Ame ije fu fata ukua ijia fino ijare bu samuagiake. Ro fure kaenamiana do maeje bu ina ijia karivadufuo ijia uniake. Ro Godi Asoe ijare maza boeje oefiane buone ije dasumiake.