2 Fita 1:2 - Godido Vua Maeje

² Ijadufuo na baname isoega ja Godikiro Jesu Kuraesi E Ireobo nuvuone ijiebuo vame ije mukoreigia gana vierafeke. Ja ijiege rekuva Godi fu maza boeje ja ma rejiana mukoreigia ifejiakinu samuagiaga ja kafaena karinoedufuo.

2 Fita 1:2 ပူးပေါင်းရင်းမြစ်များ

Ruki 10:22

Ro Asoeno are ire boeje ige na samuagiadufuo ijene vajie. Ro kuke fu erare na mukoe giena vierafema baki ro ane are osukua na giena vierafei. Ijiegero fu erare a gana vierafeva baki ro nane nare nosukua a gana vierafei. Ro kuke na e ije na keva ije a e izeki ije nane kuariakinu nijasiaevano kuae.

Joni 17:3

Ro vame izege ma karivako ije abedufuo ijeja, e buka vierafero aeje aka Godi maeje besu ro Jesu Kuraesi naeje are kiemo na ruae. Ijadufuo bu osiki no ijiege ma vierafekuva bu vame ma karivako ije abeke.

Romeni 1:7

Ijadufuo na fasi ige isoena e ije Godi fu oetuamo ja are Romu ijia kariva ije nijiave. Na vierafe naka Godi Asoe nuvuone ro E Ireobo Jesu Kuraesi baname isoena kiaga bu maza boeje ja marejiakinu ifejiaga ja kafaena karinoeke.

2 Koriniti 4:6

Ro Godi fu iko zinume ijia vua be ijiege kuae, Sanaema none ije fu are ije fuka titutema ijia sanakono kuae. Ijadufuo Godi besu ijare vua fuone maeje abena oe nuvuone ijia nijaedo fu maza boeje ijia na vake. Ro ijiege fu remo ije fu no ifejuoga no fu e izeki ije samadukua gana vierafeke. Fu sanaema fuone ijia fu e izeki ije fu Kuraesido nikubae ijia nijasuomo none gae.

Firifiani 3:8

Ijadufuo iviama vame binobino ro ire boeje na ude kenoeva ije naneka totei. Ijadufuo maeje na vierafe naka Jesu Kuraesi E Ireobo none ije mukoreigia gana vierafeke. Ijadufuo na fuefuo ire boeje na ude vierafena renoeva ije naneka ire muture igege ijuegafiae. Na vierafe na ijiege rekina naka Kuraesi abekiro na ijadufuo ijiege rei.

1 Fita 1:2

Godi fu uria iko zinume ijia ja vierafe ijadufuo fu kena uniae. Ijadufuo maeje fu vierafega jaeje fune Godido Kavene Akae ijare ja kena e akae redo ja Jesu Kuraesi irinake. Ro kuke fune Jesu Kuraesire kavuane fuone ije kurosi ijia joefuo usiaena ise jone fikorejiae. Ro na vierafe Godi fuka maza boeje ma rejiana mukoreigia ifejiakinu samuagiaga ja kafaena karinoedufuo.

2 Fita 1:3

No Godi ma vierafeva ijadufuo fu daro fuone ijia ire boeje no kena ume igia ma karinoedufuo ijene vajue. Ro kuke fu vame izege no Godi oemaedufuo ijia karinoedufuo ije kena vajue. Ro fune fure no kumemado no sanaema fuone ijiakiro vame fuone maeje ije akaegue abekinu karive.

2 Fita 1:5

Ijadufuo janika giriesana fu ma vierafekinu mukoreigia e akae rena karinoekinu Godi izege fu kemo ije vierafefo. Ro kuke janika vajae jone fu oemaekiro ja vierafena renoejo ijia mukoreigia samuanamifo. Ro maza oe fiaegi bino ja biediakuva ije nika giriesana ma vierafekinu karinoefo. Ro kairafa jone bu Godi ma vierafevo ije oetuakinu marejafo.

2 Fita 1:8

Ja ire boeje na kuariaeva ije mukoreigia maza boeje mimata renoekuva kavene jone buka daro abeke. Ro ire boeje ja E Ireobo Jesu Kuraesido ive ijia renoejo ije jaka mukoreigia renoedufuo.

2 Fita 2:20

Ro e bino bu ude vame ise bino renoejo ije bune arena una Jesu Kuraesi ma vierafe. Ijadufuo fune ume igadufuo ise ije bu kame uti faradiaeva ijia soejia areme karauniae. Rove bu rade una ise renoekuva ije Godido nidua ijia buje buneka ise ije bu ude reva ije ma asina ireobo ise reke.

2 Fita 3:18

Ro na joefuo Godido baname isoega fu fuone maeje miaga ja giriesana E Ireobo Jesudo vua ije jone nijaenamike. Ja ijiege renoekuva jone ja ma vierafevo ije fuka daroki rena vadufuo. Ro na baname isoega e boeje buka maza boeje Jesu Kuraesi E Ireobo nuvuone ije dabe aroena oemarejakinu vake. Marei.

Judi 1:2

Ro na baname isoega Godi fu maza boeje jone oefiane abena ma rejiakinu ifejiaga ja kafaena oetuanamikinu karinoedufuo.

Revaresoni 1:4

Joni nare vua ige isoena e Jesu ma vierafevo bu sidove seveni aesakae Esia guove sosi ijia afuina baname isoevo ije nijiave. Na baname isoega Godi e ije fu isuibe ijia fina ruaema ro kuke fu uria fido fu rade ruadufuo ije fu maza boeje ja ma rejiana mukoreigia ifejiakinu samuagiaga ja kafaena karinoedufuo. Ro kuke na vierafe Kavene Akae ije Godido fata maeje ijadufuo nidua ijia i seveni meno ije fudua ja ijiege samuagiadufuo.