1 Timoti 5:7 - Godido Vua Maeje

⁷ Ijadufuo na vierafe a e ije Godi ma vierafevo ije kuariaga bu agane buone ije buina gire besu karivo ije mukoreigia samuagiadufuo. Bu ijiege samuagiaekina e bino bube vua ise bino bara amune ijiebuo kuaedufuo.

1 Timoti 5:7 ပူးပေါင်းရင်းမြစ်များ

1 Timoti 4:11

Ijadufuo Timoti vua ije na kuaravo ije abena e ije nijasiakinu ro soesoena ejafiaga buka vua ije nuvedufuo.

Taetasi 2:15

Ro Taetasi, anika vua ige na isoena kuaravo ije e boeje nijasiaga bu ijia kenoedufuo. Ro a nijasiakuma nika daromena ejafiaga bu vame ma ijiaru kenoene. Ro vame ise buone bu kenoejo ije nika kuriaerekiro ade mamoega e bu a nese gavo.

Taetasi 1:13

Ro vua irere fu kuaema ije fu ma kuae. Ijadufuo nika urukeigia darokuma kuariaga bu una vame ma ijia Kuraesi ma vierafene.

2 Timoti 4:1

Na Godikiro Jesu Kuraesi e ije fu maza rade e boeje igiebuo vame ise ro ma bu renoeva ije ke mazie giadufuo ijadufuo ive ijia kuavono nika vua ige no kuaravo ijiege renoene.

1 Timoti 6:17

Ro eranebe ume igadufuo sinuome ijia uruvana zaraeva ije ni kiaga bude aroekarana sinuome buone ijadufuo ireobo vierafenoevo. Ro kuke bube ma vierafero bu sinuome buone ijiebe ifejiaga bu ma karivako ije abekiro ijiege vierafevo. Ijadufuo maeje bu maza veze sinuome buone boeje bu bakiredufuo ije buka naebe vierafei. Ijadufuo kiaga bu Godi e ije fu maza boeje ire ije no oemarekinu karidufuo vajuomo ije ma vierafenoedufuo.

1 Timoti 1:3

Ro Timoti na maza ije na ude sakae Mesedonia vaeva ije naka vua be kuarana vae. Ro iviama na una soesoena kuaravo fiene. A ni sidove Efesasi ijia fikina e ije eranebe bu vua ni be Godido vua maeje ijieki baki ije nijasiavo ije kuriaerega buka arene.

Firifiani 2:15

Ja ijiege kenoekuva jaka maturaena oenoeke ro e bube vua bino kena una ja namiake. Ro janika maturaena Godido anafa ijiege renoega e ije bu maza boeje ume igadufuo ise ijiaru renoekuae vierafevo ije bu giake. Ro kuke janika raete ije no kena titutema ijia sana vako ijiege ja e ise revo ijiebuo kafare ijia karikuva ni raete ijiege sanafo. Ja ijiege rekinu Godido vua maeje fu bu karauniadufuo ije nijasiafo. Ro ja ijiege rekuva na maza ije Jesu Kuraesi fu una ruomo ijia naka ma ijadufuo joefuo aroekarake. Ijadufuo maeje na vierafega daro none boeje na akoena imenoeva ije na naebe nisei.