1 Timoti 1:3 - Godido Vua Maeje

³ Ro Timoti na maza ije na ude sakae Mesedonia vaeva ije naka vua be kuarana vae. Ro iviama na una soesoena kuaravo fiene. A ni sidove Efesasi ijia fikina e ije eranebe bu vua ni be Godido vua maeje ijieki baki ije nijasiavo ije kuriaerega buka arene.

1 Timoti 1:3 ပူးပေါင်းရင်းမြစ်များ

Ekisi 18:19

Areme bune ruoma are Efesasi ijia usiae areme Foru fune e Akuirakiro bara Firisira ijene ijia uniae. Fu ijia uniana fune e Jiusi ijiebuo are bu afuina vua kuaevo ijia vae. Fu va ijia kekena e Jiusi ijena vua kuae. Areme bu urina kuae, No vierafe anika maza uruvana noena igia fino kuae. Bu ijiege kuarae rove fu naebe ijia fikiro vierafei. Ijadufuo fu kia, Na vaga Godire kiekuma na sone una giake ruakono kiana fune sisime abena aesakae Judia ijia vae.

Romeni 16:17

Ro erafano ja isekie, nika mukoreigia jone samuanamikinu karinoefo. Ijadufuo maeje e ise gue jaena ijia karinoejo ije buka vame jone ja agane besu rena afui karinoejo ije kame atasena binobino renoeve. E ije buka vua maeje ja fieva ije kame arafiriakinu una vua buone kufui ije nijasiave. Ijadufuo ni mukoreigia e ijieki ije giana akariakinu oenoefo.

2 Koriniti 11:4

Ro vua ije na ijiege kuariavo ijadufuo maeje maza boeje jaka oemarekinu karina e binobino vua kufui bino bu kuariavo ije faziavo. Rove e ije vua buone bu kuariavo ije bu Jesudo vua na kuariaeva ijafiki ije kuariavo baki. Ro bu kavene ni be ro vua ni be ijene kuariavone jaka fiena ijia nuvediave.

Ifisiani 4:14

Ro nobe una kuke ame isesina igege vierafeke. Ro nobe ire vanage ije bu davare ado ijia naoga majaufi fu ufina abe vame binobino ijia oenoejo ijiege reke. Ro kuke nobe karina e iti kufuiki ijiebuo vua kufui ije bu nijasuovo ije fiejiake. Ijadufuo maeje e ijieki ije bu e biesiriako buka vame ma ijiaru kenoevo baki.

Firifiani 2:24

Ro na E Ireobo ijare ijiege vierafejiekuma na sone rade kono vua giake.

1 Timoti 4:11

Ijadufuo Timoti vua ije na kuaravo ije abena e ije nijasiakinu ro soesoena ejafiaga buka vua ije nuvedufuo.

1 Timoti 4:6

Ro Timoti a vua ije na kuaravo ije kena uviarafa nuvuone ije nijasiakuma ije ane ma Jesu Kuraesido imeno. Ro Godido vua ije a ma vierafena nijasiamo ije buka a ifejaga a e damuiki redufuo.

1 Timoti 5:7

Ijadufuo na vierafe a e ije Godi ma vierafevo ije kuariaga bu agane buone ije buina gire besu karivo ije mukoreigia samuagiadufuo. Bu ijiege samuagiaekina e bino bube vua ise bino bara amune ijiebuo kuaedufuo.

1 Timoti 6:10

Ijadufuo no moni uruvana oetuakuva noka vame ise uruvana biediadufuo. Ro e gue eranebe bu sinuome zaraekuae ireobo vierafevo ije bune buone izege bu ma vierafevo ije bune arei. Ijadufuo bune vame isejavaevo uruvana kena una vajae buone ijia ruae.

1 Timoti 6:17

Ro eranebe ume igadufuo sinuome ijia uruvana zaraeva ije ni kiaga bude aroekarana sinuome buone ijadufuo ireobo vierafenoevo. Ro kuke bube ma vierafero bu sinuome buone ijiebe ifejiaga bu ma karivako ije abekiro ijiege vierafevo. Ijadufuo maeje bu maza veze sinuome buone boeje bu bakiredufuo ije buka naebe vierafei. Ijadufuo kiaga bu Godi e ije fu maza boeje ire ije no oemarekinu karidufuo vajuomo ije ma vierafenoedufuo.

1 Timoti 6:3

E gue buka vua kufui bino nijasiakinu vua maeje E Ireobo nuvuone Jesu Kuraesido ije no nijasiavo ije bu ijuoneve. E ijiege renoejo ije buka ire aroekaravo ijiebe oe buone ijia iritoeje ijadufuo bu ire bino buka naebe vierafeve. Ro bu vua isesina ro mamekanu baki ijia mijumana ijadufuo madinamikinu e binobuo oe ije kame kuderiaga bu zienamivo. Ro buka besu afuina karijo baki ro bu vua ise binobino bue kuaekinu ro e bino bu ire gue revo ijene buesina oe isema vierafevo.

2 Timoti 1:18

Ijadufuo na vierafe naka fu iseko fuefuo baname isoega E Ireobo fu maza ije fu una ruomo ijia e ije fuone oefiane abena ma rejadufuo. Ijadufuo maeje a izege fu are Efesasi ijia na ifejiema ije ane mukoreigia vierafei.

2 Joni 1:7

Ro e uruvana buka ume igia e gue biesiriana ruae. Bu usiaena e gue kiavo, Jesu fu ma ema bakino kiave. Ro e vua ijiege kuaenoevo ije buka e gue biesirianoevo ijadufuo buje buka Jesu ijuonevo.

Revaresoni 2:14

Rove na ise jone bino ja kuariako ni fiefo. E ije ja kariva ijia e gue jaka e Beramedo vua ije ma vierafena nuveve. E Berame fu e Beraki vame nijaega fu e Isureroko ije kaenamiaga bu ise rekuae fu ije vierafei. Ro ise ijeja e Isureroko bu fanuve ije bu kena kavene ise ije zinone ifaejiavo ije una ikinu ro maza gue bu una barubara bue fudaenamivo ijene.

Revaresoni 2:20

Rove na ise jone be nijasiako ni fiefo. Ja bara Jezebero irere fu vierafena nijasiamo ije ja kuriaerevo baki. Fu kia fu Godido vua e nijasianoeno kiana fu e none ije kaenamiana una vame ise ijia nijasiame. Fu nijasiana kia fune maremano kiaga bu barubara fudaenamikinu fanu bu kavene ise ije zinone ifaejiavo ije inoeve.