1 Joni 4:2 - Godido Vua Maeje

² Ro ja vame izege e ije bu Godido kavene abeva ije giake? Ro vame ije ja izege giadufuo ije ijiege. Erare fu kuaeko Jesu Kuraesi fu Godido ruae ro fu ma emano kuaemo ije ni vierafero e ije fune ma Godido Kavene abemaro ijiege vierafefo.

1 Joni 4:2 ပူးပေါင်းရင်းမြစ်များ

1 Koriniti 12:3

Ijadufuo ja vame izeki ijia e ije bu Godido Kavene maeje abena vua kuaevo ije mukoe giana vierafeke? Ro vame ije ja e ije giana vierafedufuo ije fu ijiege. E ije fu Godido Kavene maeje ijare niroko fu oenoeno ije fube kuaeko, Jesu fuka e buzeno kuaeke. Ro kuke e mujue be fu erare kuaeko Jesu fu E Ireobono kuaekuma baki ro fune e ije fu Godido Kavene abema ijare ijiege kuaedufuo.

Joni 1:14

Areme Vua Ije fune una ema rena maza aokube noena besu ume igia oenoe. Jesu fu Asoe fuone kave gufe fino ijadufuo Fari besu ijene. Ro kuke fuone sanaema ije Asoefuo fu abe maema ije none gae. Jesu fuje fu vame maeje ijene ro kuke fuka e boeje ifejiakinu ka marejianoeno.

1 Timoti 3:16

Ro Godi ma vierafedufuo ijadufuo zinume maeje ijeja, Kuraesi fu ema igege ume igia ruae. Ro Kavene Akae ijare nijasuona kuo, Jesu Kuraesi fu ma Godido Farino kue. Ro kuke anera boeje bu fuone maeje sanaema ijene gae. Ro e ije bu fu nuvenoeva ijiebe vua fuone dabe are irore boegia kuariae. Ro e boeje ume igia kariva ije buka fu ma vierafei. Areme fu una saove ije Godi Asoe fuone fu samuamo ijia vae.

1 Joni 5:1

E be erare fu ma vierafero Jesu fu ma Godire kuamo fu ume igia e boeje karauniakiro ari ruaemaro fu ijiege vierafemo e ije fune ma Godido e. Ro erare fu Godi mukore oetuamo e ije fune kuke Fari fuone Jesu mukoreigia oetuame.

1 Joni 4:3

Ro ja fiega bu kuaevo, Jesu fu ma ema bakino kuaevoga ni vierafero e ije bu kavene ise ije abevaro ijiege vierafefo. Ijadufuo maeje vua buone bu kuaevo ije fu kavene ise ijare kuariaga bu ije kuaeve. Ijadufuo ja ijia vierafero e ije Jesuki nigaraenoeno ije fu ume igia ruakono kuaeva ije fune ruaemaro ja ijiege vierafeke. Ijadufuo fune kavene ise ijare e ijiebuo oe ijia ariga bu ije kuaevo, Jesu Kuraesi fu ma ema bakino kuaeve.

1 Joni 2:23

Ro erare fu Fari fuone ije ijuonemo e ije fu kuke Godi Asoe fuone ije ijuoneme. Ro erare fu Fari fuone mukoreigia oetuana mesirimo ije fu kuke Asoe fuone ije oetuana mesirime.

1 Joni 1:2

Ro E Ije fu vua ije ma karivako ijadufuo vua ije fune abena e boegiebuo nidua ijia romoga none gae. Ijadufuo no vua fuone abena e boeje kuarianoekinu ro ja kuariave. No ijiege kuariaga ja vua ijene mukoreigia fiena vierafero E Ije fu vua ma karivako ije abe ruaema ije fune isuibe Asoe fuone ijiaki fina ruae. Ro iviama fu nuvuone ruaemaro ja ijiege vierafeke.

1 Joni 4:15

Ro erare fu kuaeko Jesu fu Godido farino kuaemo e ije fu maza boeje Godiki finoene ro Godi fu fuosiki finoene.

2 Joni 1:7

Ro e uruvana buka ume igia e gue biesiriana ruae. Bu usiaena e gue kiavo, Jesu fu ma ema bakino kiave. Ro e vua ijiege kuaenoevo ije buka e gue biesirianoevo ijadufuo buje buka Jesu ijuonevo.