Zozie 8:33 - NYANMIƐN NDƐ'N 1998

³³ Izraɛlfuɛ be kwlaa nin be kpɛnngbɛn mun, be sunianfuɛ nin be jɔlɛ difuɛ mun, ɔ nin aofuɛ nga be o be afiɛn'n be jrannin Anannganman i alaka'n i bue nnyɔn'n su. Bé nyin ta Nyanmiɛn nyrun jranfuɛ nga be sua alaka'n. Izraɛlfuɛ'm be bue o Garizim oka'n i bo lɔ, yɛ be bue kusu o Ebal oka'n i bo lɔ. Moiz waan i sɔ yɛ be yo nan b'a yra Izraɛl nvle'n i nguan-an.

Zozie 8:33 ပူးပေါင်းရင်းမြစ်များ

Ezipt Lɔ Tulɛ'n 12:49

Mmla sɔ'm be ti amun Izraɛlfuɛ mun amun liɛ, yɛ be ti aofuɛ nga be tran amun mɛn'n nun be liɛ wie kusu.»

Saun Yolɛ 24:22

Aofuɛ mun o, amun Izraɛlfuɛ mun amun bɔbɔ o, amun kwlaa amun mmla'n ɔ ti kunngba. Afin min yɛ n ti Anannganman amun Nyanmiɛn'n nin-ɔn.› »

Kalɛ 15:15

Mmla kunngba nga Izraɛlfuɛ'm be kwlaa be di su'n, yɛ aofuɛ'm be kusu be `di su-ɔ. M bɔbɔ min Anannganman n kpa-man sran'm be nun. Wafa nga n fa bu Izraɛlfuɛ mun'n yɛ n fa bu aofuɛ mun-ɔn.

Kalɛ 15:16

Mmla nga amun `di su'n, i kunngba'n yɛ be di su wie-ɔ.»

Kalɛ 15:29

Sran kwlaa bɔ sanvuɛsa nyɛn i b'ɔ yo sa tɛ'n, mmla kunngba'n nga su yɛ be `di-ɔ, i ɔnvuɛ o, i aofuɛ o.

Jean 4:20

E nannan'm be sɔli Nyanmiɛn oka nga su wa, sanngɛ amun Zuif mun amun waan san Zerizalɛm yɛ be ´sɔ Nyanmiɛn-ɔn.»

Mmla'n 11:29

Kɛ Anannganman amun Nyanmiɛn'n ko fa amun ko wɔ mɛn nga amun su ko fa'n nun lɔ'n, amun `jran Garizim oka'n su amun `kan muae ndɛ mun, yɛ amun `jran Ebal oka'n su kusu, amun `kan sokpalɛ ndɛ mun .

Mmla'n 31:12

Amun `yiayia sran mun, i yasua mun o, i bla mun o, i bakan mun o, ɔ nin aofuɛ nga amun sike be'n, man be ti. Amun `kle be kɛ be `sro Anannganman amun Nyanmiɛn'n, yɛ be `fa mmla'n nun ndɛ'm be sie be klun, yɛ be `nian su be `nanti.

Mmla'n 31:25

ɔ seli Levifuɛ nga be sua Anannganman i alaka'n be kɛ:

Mmla'n 31:9

Moiz klɛli Nyanmiɛn i mmla'n, ɔ fa mannin Nyanmiɛn nyrun jranfuɛ'm bɔ be ti Levifuɛ'n, bɔ be sua Anannganman i alaka'n. Ɔ fa mannin be ɔ nin Izraɛl kpɛnngbɛn'm be kwlaa.

Zozie 23:2

Ɔ flɛli Izraɛlfuɛ'm be kpɛnngbɛn mun, nin be jɔlɛ difuɛ mun, ɔ nin sonja'm bé su kpɛn mun nan ɔ'a sɛ be kɛ: «Min yɛ m'an yo oke yɛ.

Zozie 24:1

Zozie yiali Izraɛl akpasua'm be kwlakwla Sisɛm lɔ. Ɔ flɛli kpɛnngbɛn mun, nin jɔlɛ difuɛ mun, ɔ nin Izraɛl sonja'm be kpɛnngbɛn mun nan b'a ba Nyanmiɛn nyrun.

Zozie 3:14

Izraɛlfuɛ'm be fɛli i ngblaliɛ nun lɛ be ɔli Zurdɛn'n i kpɛlɛ. Nyanmiɛn nyrun jranfuɛ nga be sua Nyanmiɛn i alaka'n be o be nyrun.

Zozie 3:3

Be seli sran mun kɛ: «Kɛ amun wun kɛ Nyanmiɛn nyrun jranfuɛ bɔ be ti Levi akpasua sufuɛ mun b'a sua Anannganman amun Nyanmiɛn'n i alaka'n, amun `fɛ i kan amun wo lɛ'n be `su bé su,

Zozie 3:6

Kɛ i aliɛ cɛnnin'n, Zozie seli Nyanmiɛn nyrun jranfuɛ mun kɛ be `sua Anannganman i alaka'n nan be `dun sran'm be nyrun mmua. Yɛ be suali alaka'n nan b'a dun mmua.

Zozie 4:10

Nyanmiɛn nyrun jranfuɛ nga be sua Nyanmiɛn i alaka'n, be jrannin Zurdɛn ba'n i afiɛn lele san ndɛ nga Anannganman fa wlali Zozie nuan kɛ ɔ `kan kle nzrafuɛ mun'n, be niannin i kwlaa su yoli. Ɔ man Zozie fali ndɛ nga Moiz kan kleli i'n su. Izraɛlfuɛ'm be kannin bé wun be kpɛli Zurdɛn'n.

Zozie 4:18

Kɛ Nyanmiɛn nyrun jranfuɛ'm be fuli cenje'n cɛ'n, kpɛkuun yɛ Zurdɛn'n yi sinnin i osu-ɔ, ɔ su sonji kɛ laa'n sa.

Zozie 6:6

Nɛn i wa Zozie flɛli Nyanmiɛn nyrun jranfuɛ mun nan ɔ'a se be kɛ: «Amun `sua Anannganman i alaka'n amun wati su. Man amun nun sran nso be fa awɛ nso be dun mmua alaka'n i nyrun!»