Zozie 7:6 - NYANMIƐN NDƐ'N 1998

⁶ Zozie nin Izraɛl kpɛnngbɛn'm be titili be wun tralɛ'm be nun, be fali ndutre guali be ti'n su yɛ be kotoli, be utuli bé nyin ase Anannganman i alaka'n nyrun lele nnɔsua, bé wla b'ɔ boli'n ti.

Zozie 7:6 ပူးပေါင်းရင်းမြစ်များ

Bo Bolɛ 37:29

Ribɛn ko nian gbo'n nun-ɔn, vlein, Zozɛf nun-man nun kun, yɛ ɔ titili i wun tralɛ'n nun-ɔn.

Bo Bolɛ 37:34

Yɛ Zakɔb ´titi i tralɛ'n nun yɛ ɔ ´wla bajɛ tralɛ-ɔ. Ɔ yoli i wa'n i sɛ'n cɛli lɔun kpa.

2 Samiɛl 1:11

Yɛ David sɔli i wun tralɛ'm bé nun yɛ ɔ titi be nun-ɔn. Be nga be o i wun lɛ'n be kusu be titili be liɛ'm be nun.

2 Samiɛl 1:12

Sail nin i wa Zonatan, ɔ nin Izraɛlfuɛ'm bɔ be ti Anannganman i nvle'n nun sran'm bɔ be wuli alɛ nun'n ti, David nin sran nga be o i wun lɛ sɔ'n be trannin awlaboɛ tranlɛ, be sunnin, b'a di-man like lele nnɔsua.

2 Samiɛl 1:2

I le nsan su'n, sran kun fin Sail i alɛ ngblaliɛ'n nun lɔ bali. Kɛ ɔ ´ba'n ɔ titili i wun tralɛ'm be nun, ɔ yoli i wun kɛ sɛnvuɛ sa, ndutre o i ti'n su. Kɛ ɔ juli David wun lɛ'n, ɔ kotoli nan ɔ'a utu i nyin ase.

2 Samiɛl 12:16

David srɛli Nyanmiɛn mannin bakan'n. Ɔ cili nglɛmun. Kɔnguɛ kɛ ɔ ju i sua lɔ'n, ɔ la asiɛ wun.

2 Samiɛl 13:19

Tamar fali nzuɛn guɛli i ti'n su. Ɔ titili i tralɛ tɛnndɛn jaja nun'n nun, kpɛkuun ɔ fɛ i sa guɛli i ti, ɔ ´kɔ'n, wuun ɔ ´sun.

2 Samiɛl 13:31

Yɛ famiɛn'n jasoli-ɔ, ɔ titili i wun tralɛ'm be nun, kpɛkuun yɛ ɔ lali asiɛ wun-ɔn. I mantanfuɛ'm be kwlaa be o i wun lɛ. Be titili be wun tralɛ'm be nun wie.

2 Famiɛn Mun 22:11

Kɛ famiɛn'n tili mmla fluwa'n i nun ndɛ'n, ɔ titili i wun tralɛ'm be nun.

2 Be Nyoliɛ 34:19

Kɛ famiɛn'n tili mmla fluwa'n i nun ndɛ'n, ɔ titili i wun tralɛ'm be nun.

Ɛsdras 10:1

Kɛ Ɛsdras kotoli Nyanmiɛn i sua'n nyrun lɛ b'ɔ ´srɛ Nyanmiɛn'n, b'ɔ ´kpɛtɛ i, wuun ɔ ´sun. Izraɛlfuɛ kpanngban kpa, yasua nin bla, nin ba kanngan'm be wa yiɛli i wun lɛ. Be kwlaa be sunnin kpa.

Neemi 9:1

Anglo kunngba'n i le ablaɔn-nin-nnan'n su, Izraɛlfuɛ'm be yiali kɛ be ´ci nglɛmun. Be wlali bajɛ tralɛ, be fali ndutre utuli bé ti'n su.

Ɛstɛr 4:1

Kɛ Mardose tili ndɛ sɔ'n cɛ'n, ɔ titili i wun tralɛ'm be nun. Ɔ wlali bajɛ tralɛ b'ɔ ti sa yalɛ tralɛ'n, kpɛkuun ɔ guɛli i ti su nzuɛn. Kɛ ɔ ´kpaci klɔ'n nun kɔ'n, wuun ɔ ´sun kɔ.

Ɛstɛr 4:3

Kan Asieris sie ju lɛ'n, i akpasua kwlaa nun'n, kɛ Zuif'm be ko ti sa nga famiɛn'n waan be `yo be'n cɛ'n, wuun be akunndan'n ɔ'a sanngan, wuun be su sun, wuun be ´yi ngwlɛ, kpɛkuun be ci i wun nglɛmun. Be nun kpanngban be wlali bajɛ tralɛ yɛ be lali nzuɛn nun.

Zɔb I Nyrɛnnɛn Wunlɛ 1:20

Yɛ Zɔb jasoli-ɔ. Ɔ titili i wun tralɛ'm be nun. I sin, ɔ kpuli i ti'n su, yɛ ɔ bubu guali asiɛ wun gblo! Ɔ kotoli,

Zɔb I Nyrɛnnɛn Wunlɛ 2:12

Kɛ be wunnin i mmua lɔ'n, b'a wun-mɛn i sran wlɛ. Yɛ be tɔli sunlɛ'n wun-ɔn. Be titili be wun tralɛ'm be nun, yɛ be fali ndutre guali bé ti'n su.

Zɔb I Nyrɛnnɛn Wunlɛ 42:6

Ɔ man nga n kannin'n, m'an se-man sɔ kun. N ´tran ndutre nin nzuɛn'n nun, n ´kan min wun ase.»

Ngwlɛ Yilɛ 2:10

Siɔn kpɛnngbɛn'm be titi asiɛ ba kpa'n su. Be si-man wie se kun. B'a gua bé ti su ndutre. B'a wla bé bajɛ tralɛ mun. Zerizalɛm talua'm be kwla-man bé ti su man kun.

Kalɛ 14:6

Yɛ be nga be ko kplali lika'n be niannin'n be nun nnyɔn: Nɛn i wa Zozie nin Zɛfine i wa Kalɛb, be titili bé wun tralɛ'm be nun,

Kalɛ 16:22

Moiz nin Aarɔn be tɔli asiɛ wun, bé utuli be nyin ase, yɛ be sun flɛli Anannganman kɛ: «?Ee Nyanmiɛn, wɔ bɔ a mannin ninnge nga a yili be'm be nguan'n, sran kunngba b'ɔ yoli sa tɛ'n, i ti a ´fa ya sran'm be kwlakwla bé wun?»

Sa nga bé yôli'n 14:14

Kɛ Barnabas nin Pɔl bɔ Jésus sunmannin be'n be tili ndɛ sɔ'n, be titili bé wun tralɛ'm be nun, kpɛkuun be wanndi wluli sran'm be nun, be kpan be su kɛ:

Zozie 7:7

Yɛ Zozie waan: «Ee! Anannganman, min Min! ?A kunndɛ kɛ a ´fa e wlɛ Amɔrfuɛ'm bé sa nun nan be kun ye? Aa! Sɛ e si sɔ'n, wuun e kali nzue'n sin lɔ!

Sa nglô yile 18:19

Be to ndutre'n guali bé ti'n su, be sunnin, be boli awuyomo, yɛ be seli kɛ: ‹?Eee, nzu nyrɛnnɛn sa yɛlɛ nga? ?Nzu nyrɛnnɛn sa yɛlɛ nga? Klɔ dan nga bɔ be kwlaa nga be lɛ mmeli jenvie'n su'n be nyan bé wun i anyanbeun'n ti'n, dɔ kunngba su ɔ'a kaci kɛ aawlɛ flɛnnɛn wie sa !

Jɔlɛ Difuɛ Mun 11:35

Kɛ ɔ wunnin i cɛ'n, ɔ titili i tralɛ'n nun. I waan: «Ee! Mín wa, w'a kun min, w'a kun min! Amun ngba yɛ amun sanngan min akunndan nin-ɔn. M'an ta nda Anannganman i nyrun. N lɛ-mɛn i yowlɛ fi kun.»

Jɔlɛ Difuɛ Mun 20:23

Izraɛlfuɛ'm be dun mmua be ko sunnin Anannganman nyrun lele nnɔsua, be usali Anannganman sa. Be usɛli i kɛ: «?E nin e niaan Bɛnzamɛn i akpasua'n su sran mun e `kun ekun?» Anannganman tɛli be su kɛ: «Amun nin be `ko kun ekun.»

Jɔlɛ Difuɛ Mun 20:26

Kɛ ɔ yoli sɔ'n, Izraɛlfuɛ'm be kwlakwla be ɔli Betɛl nan b'a sun. Be cili nglɛmun, be trannin Anannganman nyrun lɛ lele nnɔsua. Be yili tɛ nga be yra be nnɛn'n kɔlikɔli'n, ɔ nin bo kun yolɛ i su tɛ mun be mannin Anannganman.

Jɔlɛ Difuɛ Mun 21:2

Izraɛlfuɛ'm be wa yiali Betɛl, be bo yoli kun be srɛli Nyanmiɛn lɛ lele nnɔsua. Be sunnin sunlɛ kpa, yɛ be seli kɛ:

1 Samiɛl 4:12

Bɛnzamɛn akpasua su sran kun fin alɛ kunwlɛ lɔ juli Silo lɛ le kunngba'n nun. Ɔ wanndi yɛ ɔ ba-a, ɔ ba'n, ɔ'a titi i wun tralɛ'm be nun, ɔ'a guɛ i ti su ndutre.