Zozie 6:6 - NYANMIƐN NDƐ'N 1998

⁶ Nɛn i wa Zozie flɛli Nyanmiɛn nyrun jranfuɛ mun nan ɔ'a se be kɛ: «Amun `sua Anannganman i alaka'n amun wati su. Man amun nun sran nso be fa awɛ nso be dun mmua alaka'n i nyrun!»

Zozie 6:6 ပူးပေါင်းရင်းမြစ်များ

Ezipt Lɔ Tulɛ'n 25:14

Man be fa waka sɔ'm be wlɛ i like kukluuklu'm be nun, man kun trɛn i bue kun su, yɛ man kun kusu trɛn i bue kun ekun'n su, kɛ ɔ ´yo nan b'a kwla sua Nyanmiɛn i alaka'n ti.

Sa nga bé yôli'n 9:1

Kɛ ɔ ´yo sɔ'n, wuun Sɔl tɛ wla e Min'n i sɔnnzɔnfuɛ'm be srɛ kɛ ɔ ´kun be, i sɔ'n ti'n, ɔ ɔli Nyanmiɛn nyrun jranfuɛ'm be su kpɛn'n i wun lɔ

Zozie 24:11

Amun kpɛli Zurdɛn'n be bali Zeriko. Zerikofuɛ'm be nin amun kunnin. Amɔrfuɛ nin Ferezfuɛ, nin Kanaanfuɛ, nin Ɛtfuɛ, nin Girgazfuɛ, nin Evfuɛ, ɔ nin Zɛbisfuɛ mun be kusu be nin amun kunnin. N fali be kwlaa m mannin amun.

Zozie 3:3

Be seli sran mun kɛ: «Kɛ amun wun kɛ Nyanmiɛn nyrun jranfuɛ bɔ be ti Levi akpasua sufuɛ mun b'a sua Anannganman amun Nyanmiɛn'n i alaka'n, amun `fɛ i kan amun wo lɛ'n be `su bé su,

Zozie 3:6

Kɛ i aliɛ cɛnnin'n, Zozie seli Nyanmiɛn nyrun jranfuɛ mun kɛ be `sua Anannganman i alaka'n nan be `dun sran'm be nyrun mmua. Yɛ be suali alaka'n nan b'a dun mmua.

Zozie 6:13

Nyanmiɛn nyrun jranfuɛ nso nga awɛ'n wo bé sa nun'n be sinnin Nyanmiɛn i alaka nyrun. Kɛ be ´kɔ'n, wuun be ´fita awɛ'n nun. Sran wie'm be dun mmua be nyrun, yɛ be wie'm be su alaka'n su. Kɛ be ´nanti kɔ'n, wuun awɛ'n ´tɛ.

Zozie 6:5

Sɛ be fita nun cuɛn i bo'n, man sran'm be kpan alɛ kpanlɛ kekle kpa! Kpɛkuun talɛ ng'ɔ sin yia klɔ'n ɔ ´bu gua. Kɛ ɔ ko bu'n, man Izraɛlfuɛ'm be wlu klɔ'n nun, sran kun `wɔ i nyrun ndɛnman su, sran kun `wɔ i nyrun ndɛnman su!»

Zozie 6:7

Yɛ ɔ seli nzrafuɛ'm be kɛ: «Amun `sin! Amun `bo sin yia klɔ'n, man be nga be fa mmua'n be sin Nyanmiɛn i alaka'n nyrun!»

Zozie 6:8

Be niannin ndɛ nga Zozie kan kleli be'n su be yoli. Nyanmiɛn nyrun jranfuɛ nso nga awɛ'n wo be sa nun'n be sinnin Nyanmiɛn i alaka'n i nyrun. Kɛ be ´nanti kɔ'n, wuun be ´bo awɛ'n.

1 Samiɛl 4:3

Be nga be kali lɛ'n be sali be sin nanmue nun lɔ. Izraɛl kpɛnngbɛn'm be waan: «?Ɔ yo sɛ ti yɛ Anannganman man Filistifuɛ'm be kwlali ye sɔ-ɔ? E `ko fa Anannganman i alaka'n e bla. Sɛ ɔ o wa'n, ɔ ´de e e kpɔfuɛ'm bé sa nun.»