Zozie 6:5 - NYANMIƐN NDƐ'N 1998

⁵ Sɛ be fita nun cuɛn i bo'n, man sran'm be kpan alɛ kpanlɛ kekle kpa! Kpɛkuun talɛ ng'ɔ sin yia klɔ'n ɔ ´bu gua. Kɛ ɔ ko bu'n, man Izraɛlfuɛ'm be wlu klɔ'n nun, sran kun `wɔ i nyrun ndɛnman su, sran kun `wɔ i nyrun ndɛnman su!»

Zozie 6:5 ပူးပေါင်းရင်းမြစ်များ

Ezipt Lɔ Tulɛ'n 19:19

Awɛ'n i tɛlɛ ng'ɔ su tɛ ba siɛn'n, laa li wuun ɔ'a tɛ-man. Kɛ Moiz ´ijɔ'n, wuun Anannganman tɛ su, ɔ tɛ su kekle kpa, wuun nyanmiɛn'n kpla.

Ezai 25:12

Moabfuɛ mun, amun klɔ'm bé wun talɛ'm bɔ be ti kekleke'n, bɔ be ti nglo-nglo'n, Anannganman ɔ wa bubu be guɛ i asiɛ wun ndutre nun.

Ezai 30:25

Sran'm be kunlɛ cɛn dan nun nin klɔ'm be sasawlɛ sua'm be bubulɛ blɛ nun'n, nzue ba wie'm be ´sonji oka kendenglein'm be kwlaa su nin kpɔlɛ nglo-nglo'm be kwlaa su.

Zeremi 50:15

Amun `bo sin yiɛ i nan amun `kpan alɛ kpanlɛ. An `nian, ɔ'a mɛn i sa'n su. I sasawlɛ sua'm be su bu be gua. I klɔ wun talɛ'n ɔ'a wie bu. Anannganman'n su tu i klunngbɔ. An `tu amun klunngbɔ be guɛ i su. Sa ng'ɔ fa yo sran mun'n, an `fa yo i wie.

Hébreu 11:30

Nyanmiɛn su bɔ Izraɛlfuɛ'm be lafi'n ti yɛ kɛ be bo sin yiali Zeriko klɔ'n le nso'n, i wun nga be sili'n bu guali nin-ɔn .

Zozie 6:16

I kpɛ nso'n su'n, kɛ Nyanmiɛn nyrun jranfuɛ'm be fitali awɛ nun'n, Zozie seli nzrafuɛ'm be kɛ: «Amun `kpan! Anannganman fali klɔ'n mannin amun.

Zozie 6:20

Kɛ be boli awɛ'n bɔ nzrafuɛ'm be tili'n, be kpannin alɛ kpanlɛ kekle kpa, kpɛkuun talɛ'n tu tɔli. E ´ijɔ wa-a, Izraɛlfuɛ'm b'a wlu klɔ'n nun lalaa. Sran kun kɔ i nyrun ndɛnman su sran kun kɔ i nyrun ndɛnman su, yɛ be fali klɔ nin-ɔn.

Zozie 6:4

Man Nyanmiɛn nyrun jranfuɛ nso be fa awɛ nso be dun mmua Nyanmiɛn i alaka'n nyrun. I le nso su'n, amun `bo sin yia klɔ'n kpɛ nso. Kɛ amun ´nanti'n, wuun Nyanmiɛn nyrun jranfuɛ'm be ´fita awɛ nun.

Zozie 6:6

Nɛn i wa Zozie flɛli Nyanmiɛn nyrun jranfuɛ mun nan ɔ'a se be kɛ: «Amun `sua Anannganman i alaka'n amun wati su. Man amun nun sran nso be fa awɛ nso be dun mmua alaka'n i nyrun!»

Jɔlɛ Difuɛ Mun 20:37

Be nga be fiali'n, be wanndili ndɛndɛ be ko tɔli Gibea klɔ'n su, be trali klɔfuɛ mun, be kunnin be ngba ɔ nin tokofi.

1 Samiɛl 17:20

Nglɛmun ndɛ kpa'n, David jasoli nan ɔ'a ko yaci bua mun sran kun sa nun kɛ ɔ nian bé su. Kpɛkuun yɛ ɔ suɛli i trɔ'n ɔli ngaliɛ nga i si mɛnnin i'n i kanlɛ-ɔ. Kɛ ɔ ´ju Izraɛlfuɛ'm be nanmue nun lɔ'n, wuun alɛ kunfuɛ'm be su ko jranjran'n, wuun be su bo be sro.

1 Samiɛl 17:52

yɛ Izraɛlfuɛ nin Zidafuɛ'm be jasoli yɛ be kpannin-ɔn. Be bo sroli. Nan b'a su bé su lele b'a ko guɛ i Gat nin Ekrɔn nuan lɔ. Filistifuɛ'm be fuɛn sanndi Saaraim atin'n nun lele fa ju Gat nin Ekrɔn lɔ.

1 Samiɛl 4:5

Kɛ Anannganman i alaka'n juli lɛ cɛ'n, Izraɛlfuɛ'm be ngba be tru sɔ ekeee! Nan asiɛ'n ɔ'a keje.