Zozie 6:27 - NYANMIƐN NDƐ'N 1998

²⁷ Anannganman jrannin Zozie sin. Ɔ man Zozie i dunman'n fuli nvle wunmuan sɔ'n nun.

Zozie 6:27 ပူးပေါင်းရင်းမြစ်များ

Bo Bolɛ 39:21

Anannganman nin Zozɛf o nun. Ɔ yoli i kpa, ɔ man i wun yoli bisua su kpɛn'n i fɛ.

2 Samiɛl 7:9

Like kwlaa nga a ´yo'n, e nin wɔ-ɔ. N nunnunnin ɔ kpɔfuɛ'm be kwlaa ɔ nyrun. N yoli man ɔ dunman'n ɔ'a fu kɛ asiɛ'n su sran dandan'm be liɛ'n sa.

1 Be Nyoliɛ 14:17

Kɛ ɔ fin lɛ'n, David dunman'n fuli lele juli mɛn'm be kwlaa be nun, kpɛkuun Anannganman yoli man mɛnmɛn'm be nunfuɛ'm be kwlaa be sroli i.

Ɛstɛr 9:4

Afin Mardose yɛ ɔ nyannin nyrun famiɛn'n i mantanfuɛ'm be nun-ɔn. Be tili i dunman'n akpasua'n kwlaa su. I dunman'n fu ɔli i nyrun titi.

Matthieu 14:1

Blɛ sɔ nun'n Erɔd b'ɔ sie nvle'n i bue'n, ɔ tili Jésus ndɛ bɔ be kan'n,

Matthieu 18:20

Afin lika nga sran nnyɔn annzɛ nsan be yia n dunman nun'n, n wo be nun.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Matthieu 4:24

I dunman'n fuli Siri mɛn wunmuan'n nun. Be fali be kwlaa nga tukpacɛ fanunfanun o be wun'n bɔ be wunnɛn yo be ya'n, nin be bɔ asiɛ usu a saci be'n, nin ngbitiɛfuɛ mun, ɔ nin bubuwafuɛ mun blɛli i, nan ɔ'a yo be juejue.

Mmla'n 31:6

Amun `jran kekle, amun `tra amun anwlɛn. Nán amun usu be nyrun, nán srɛ kun amun afin Anannganman amun Nyanmiɛn'n ɔ nin amun wo nun, ɔ su kpɔci-man amun. Ɔ su yi-man amun ase.»

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.

2 Timote 4:22

Man e Min'n nin wɔ tran! N ´yra mín nuan kɛ an nyan ye!

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Zozie 9:1

Famiɛn nga be o Zurdɛn i bue ng'ɔ kpɛ wia atɔliɛ lɔ'n su'n: oka'n su lɔfuɛ mun o, be nga be tran lika kpɛtɛkplɛɛ'n nun mun o, be nga be o Mediterane jenvie nuan su lele fa ju Liban wun lɔ mun o, be kwlaa be tili Ai i nunnunlɛ ndɛ'n. I sɔ'n ti Ɛtfuɛ mun, nin Amɔrfuɛ, nin Kanaanfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be famiɛn'm

Zozie 9:3

Kɛ Gabaɔnfuɛ'm be tili sa nga Zozie fa wlali Zeriko nin Ai be nun'n,

Zozie 9:9

Be tɛli i su kɛ: «Nannan, e fin mɛn mmua kpa kun nun. Sa nga ti bɔ e ba'n, yɛlɛ Anannganman ɔ Nyanmiɛn i ngan bɔ e tili'n. E tili atrɛ ng'ɔ yili i Ezipt lɔ'n,

1 Samiɛl 18:14

David kusu like kwlaa nga i sa kɛn i'n ɔ yo ye kpan, afin Anannganman nin i o nun.

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.