Zozie 6:17 - NYANMIƐN NDƐ'N 1998

¹⁷ Klɔ sɔ'n ti Anannganman liɛ. I sɔ'n ti amun `nunnun i ɔ nin i nun ninnge'n kwlaa. Amun `yaci Raab b'ɔ ti tekle bla ɔ nin sran nga be o i awlo nun'n be kwlaa be lɛ, yɛlɛ kɛ be nga e sunmannin be kɛ be wa kpla klɔ'n, ɔ fa be fiali.

Zozie 6:17 ပူးပေါင်းရင်းမြစ်များ

Bo Bolɛ 12:3

Sran ng'ɔ bu ɔ wun akunndan kpa'n, n ´yo i ye. Sran nga kusu b'ɔ bo wɔ sannzan'n, m ´bo i sannzan wie. Ɔ dunman nun yɛ n ´yo nvle-nvle'm be kwlaa be ye-ɔ .»

Ɛsdras 10:8

Nan sran ng'ɔ ´ju cɛn nsan nan ɔ'a ba-man'n, famiɛn i awlo lɔ sran dandan mun nin siefuɛ'm be waan be `de i bo ninnge mun be `sie. Yɛ be `fuɛn i bɔbɔ'n Izraɛl nvle'n nun.

Ezai 34:6

Anannganman i tokofi'n ɔ ti mmoja ngunmin, be fali lui be kpɛkpɛli i wun. A wun i-ɔ, ɔ waan bua bɔ b'a kpɛ cro'n nin boli kpakpuɛ'm be mmoja sa, ɔ waan bua nene'm be aklɛnzia'n i wun lui'n yɛ be fa kpɛkpɛli i wun sa. Afin be su yi tɛ be man Anannganman, be su yi i Bɔzra lɔ. Be su kun sran kpanngban Edɔm mɛn'n nun lɔ.

Zeremi 46:10

Anannganman b'ɔ sie mɛn wunmuan'n i cɛn liɛ'n yɛ ɔ'a ju andɛ yɛ. I klunngbɔ tulɛ blɛ liɛ'n yɛ. Ɔ ´tu i klunngbɔ guɛ i kpɔfuɛ'm be su. Tokofi'n i aliɛ b'ɔ di'n yɛlɛ sran nnɛn. I nzue b'ɔ nɔn'n yɛlɛ mmoja. E min'n kun-man be blɛblɛ. Anannganman b'ɔ sie mɛn wunmuan'n ɔ nin be ɔ'a nyɛn i nglo lɔ lika'n nun Efrat nuan su lɔ.

Ezekiɛl 39:17

Anannganman seli min kɛ yoo: «Klɔ sran, flɛ anunman fanunfanun mun nin blo nnɛn mun kɛ sran mun sa nan se be kɛ: ‹Amun `yia, amun `fin lika'n kwlaa nun be bla min sraka kun bɔ be ´yi i amun ti'n i bo. Be ´yi i cɛn dan kun bɔ n ´siesie man amun Izraɛl oka'm be su'n nun. Amun ´di nnɛn, amun ´nɔn mmoja.

Saun Yolɛ 27:21

Like kpɔlɛ afuɛ'n nun fie'n, ɔ ´yo min liɛ, kpɛkuun ɔ'a kaci min nyrun jranfuɛ'm be liɛ. Ɔ ti kɛ b'a fa man min mlɔnmlɔn sa.

Mise 4:13

«Siɔnfuɛ mun, an `jaso be `kpukpu ble'n. Ɔ ti wunmiɛn-ɔn, m ´man amun. Amun ´nyan wunmiɛn kɛ nannin b'ɔ lɛ blalɛ wɛ'n sa, kɛ nannin b'ɔ lɛ aaba ja bui'n sa. Amun ´nunnun nvle dandan mun, kpɛkuun bé bo ninnge nga an isa'n, an ´fa man min bɔ n sie mɛn wunmuan'n .»

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

1 Korɛntfuɛ Mun 16:22

Sɛ sran kun klo-man e Min'n, man Nyanmiɛn bo i sannzan. Maranata! (E Min'n ´ba!)

1 Korɛntfuɛ Mun 2:7

Nyanmiɛn i ngwlɛlɛ b'ɔ yi-mɛn i nglo b'ɔ fiɛli i sran'm be nyrun'n, b'ɔ dun mmua sie mannin ye kɛ ɔ ba e nyrun nyan ka nan ɔ'a yi mɛn'n, i ndɛ yɛ e kan-an.

Galasifuɛ Mun 3:10

Afin be kwlaa nga be fa bé wla gua mmla'n su falɛ su'n, bé wun su jɔ-man be le, afin be klɛli i kɛ: «Sran kwlaa ng'ɔ fa-man ndɛ nga be klɛli i mmla fluwa nun'n i kwlaa su titi'n, i wun jɔ-mɛn i le .»

Galasifuɛ Mun 3:12

Mmla'n fin-man Nyanmiɛn su bɔ sran lafi'n mlɔnmlɔn, sanngɛ e kɛnngɛn i kɛ: «Sran ng'ɔ fa mmla'n nun ndɛ'm bé su'n, ɔ ´nyan nguan .»

Mmla'n 20:17

Ɛtfuɛ mun, nin Amɔrfuɛ mun, nin Kanaanfuɛ mun, nin Ferezfuɛ mun, nin Evfuɛ mun, nin Zɛbisfuɛ mun'n, amun `bo be mɛn'n kɛ Anannganman amun Nyanmiɛn'n kan kleli amun'n sa.

Hébreu 11:31

Nyanmiɛn su bɔ Raab b'ɔ ti tekle bla'n lafi'n ti yɛ kɛ be bɔ bé nyin yi-man Nyanmiɛn'n be wuli'n ɔ'a wu-man wie nin-ɔn, yɛlɛ kɛ be nga be ɔli be mɛn'n i kpla nianlɛ'n, ɔ sikeli be kpa .

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.

Jacques 2:25

?Kɛ Raab b'ɔ ti tekle bla'n sikeli Zuif'm bɔ be sunmannin be'n, b'ɔ man be fali atin uflɛ ɔli'n, Nyanmiɛn a bu-mɛn i kusu sran kpa i sa sɔ'n ti ?

Zozie 2:1

I sin, Nɛn i wa Zozie sunmannin sran nnyɔn nvialiɛ nun kɛ be `fɛ i Sitim lɛ be ko kpla Kanaan mɛn'n ɔ nin Zeriko klɔ'n be nian . Nan b'a wɔ. Kɛ be juli Zeriko lɔ'n, tekle bla wie be flɛ i Raab, i awlo yɛ be ko wlu lali-ɔ.

Zozie 2:22

Klɔ kpla nianfuɛ'm be ko fiali oka'n su lɔ le nsan. Be nga be suli be su'n be kunndɛli be lele ngbɛn. Be sali be sin.

Zozie 7:1

Izraɛlfuɛ'm b'a fa-man Anannganman i ndɛ'n su. Like ng'ɔ seli be kɛ nán be fa'n, be fali. Zida i awlofuɛ kun, be flɛ i Akan, Karmi wa-a. Karmi i si'n yɛlɛ Zabdi, Zabdi kusu liɛ yɛlɛ Zerak. Akan sɔ'n yɛ ɔ fali ninnge sɔ mun-ɔn, nan Anannganman ɔ'a fa ya Izraɛlfuɛ'm be wun.

1 Samiɛl 15:3

I ti kɔ ko kun Amalɛkfuɛ mun, nunnun Amalɛkfuɛ'm bé sa nun ninnge'n kwlaa. Nán kun sa ka lɛ. Kun sran'm be kwlaa, i bla o, i yasua o, i ba kanngan o, i ba nɔnman o! Kun nnɛn'm be kwlaa, i nannin o, i bua o, i nyɔnngɔnmɛn o, i aflunmun o!› »

1 Samiɛl 15:6

Yɛ ɔ seli Kenfuɛ'm be kɛ: «Amun `jaso Amalɛkfuɛ'm bé wun wa wɔ mmua. Sɛ ɔ'a yo-man sɔ-ɔ, ɔ cɛ-man nan m'an kun amun wie. Amun liɛ'n, kɛ Izraɛlfuɛ'm be fin Ezipt ´ba'n, amun yoli be kpa.» Yɛ Kenfuɛ'm be cuɛnnin bé wun-ɔn.