Zozie 3:8 - NYANMIƐN NDƐ'N 1998

⁸ Se Nyanmiɛn nyrun jranfuɛ nga be sua min alaka'n be kɛ, kɛ be ko jra Zurdɛn nun cɛ'n, be `jran nun lɛ.»

Zozie 3:8 ပူးပေါင်းရင်းမြစ်များ

2 Famiɛn Mun 2:6

Eli seli Elize ekun kɛ: «N ´srɛ wɔ, ka wa, afin Anannganman ɔ'a sunman min Zurdɛn'n i nuan lɔ.» Yɛ Elize tɛli i su kɛ: «N kan Anannganman, yɛ n kan ɔ bɔbɔ ti, n su kpɔci-man wɔ mlɔnmlɔn.» Yɛ be sran nnyɔn'n be ɔli-ɔ.

2 Be Nyoliɛ 29:15

Be yiali be awlobo'm be nun sran mun, nan be kwlaa b'a yo bé wun saun. I sin be niannin famiɛn'n nin Anannganman be ndɛ'n su be ɔli Anannganman i sua'n nun lɔ be ko yoli i saun.

2 Be Nyoliɛ 29:27

Ezekias waan be `yi tɛ bɔ be yrɛ i nnɛn'n kɔlikɔli'n. I waan be `yi i Nyanmiɛn sɔwlɛ'n su. Kɛ be boli tɛ'n i yilɛ'n bo'n, kpɛkuun yɛ be boli Anannganman i manmanlɛ jue'm be tolɛ i bo-ɔ, wuun be ´bo awɛ'n, wuun be ´bo ninnge nga David b'ɔ ti Izraɛl famiɛn'n man be yoli be'n.

2 Be Nyoliɛ 29:30

Yɛ famiɛn'n nin i awlo lɔ sran dandan'm be seli Levifuɛ'm be kɛ be to jue bɔ David nin Azaf b'ɔ ti Nyanmiɛn nuan ijɔfuɛ'n be kpɛli'n. Be waan be `to be manman Anannganman. Levifuɛ'm be kpajali bé wun be toli jue'n, i sin be kotoli yɛ be utuli be nyin ase, yɛ be suli Anannganman.

2 Be Nyoliɛ 30:12

Zida lɔ kusu'n, Anannganman dili junman sran'm be nun, ɔ man be kwlaa be kplinnin su kɛ be ´yo sa bɔ Nyanmiɛn man famiɛn'n nin i awlo lɔ sran dandan'm be kannin'n i su sa.

Neemi 13:22

Yɛ n seli Levifuɛ'm be kɛ be yo bé wun saun nan be nian anuan'm be su wunmiɛn-delɛ-cɛn'n nun. I liɛ'n, sran'm be su yo-man wunmiɛn delɛ cɛn'n i finfin kun. «Min Nyanmiɛn! Man ɔ́ wla kpɛn min su sa nga n yoli i lɛ'n ti. Wɔ bɔ wɔ aunnvuɛ silɛ'n lɛ-man sin'n, nian min lika.»

Neemi 13:28

Eliasib b'ɔ ti Nyanmiɛn nyrun jranfuɛ'm be su kpɛn'n, i wa Zozada i wa'm be nun kun i sia yɛlɛ Sanbalat b'ɔ fin Bɛt-Ɔrɔn'n. I ti n fuɛnnin i.

Ezipt Lɔ Tulɛ'n 14:13

Moiz tɛli bé su kɛ: «Nán srɛ kun amun. Amun `jran kan amun o lɛ'n, an wa wun wafa nga Anannganman wa fa de amun ndɛ'n. Afin Eziptfuɛ nga amun wun be ndɛ yɛ'n, amun su wun-man be kun mlɔnmlɔn.

Ngwlɛ Yilɛ 3:26

Sɛ sran kun tran diin minndɛ Anannganman kɛ ɔ wa de i'n, i sɔ yolɛ i kpa liɛ ng'ɔ ti'n, nán sa yolɛ-ɔ.

Zozie 3:17

Kɛ nzrafuɛ'm be ´sin'n, wuun Nyanmiɛn nyrun jranfuɛ nga be sua Nyanmiɛn i alaka'n be jin Zurdɛn'n i afiɛn aunnyan siɛ'n su, b'a keje-man be wun lele san sran'm be kwlaa be sinnin.

Zozie 3:3

Be seli sran mun kɛ: «Kɛ amun wun kɛ Nyanmiɛn nyrun jranfuɛ bɔ be ti Levi akpasua sufuɛ mun b'a sua Anannganman amun Nyanmiɛn'n i alaka'n, amun `fɛ i kan amun wo lɛ'n be `su bé su,

Zozie 3:7

Anannganman seli Zozie kɛ: «Kɛ ɔ fin ndɛ'n, n wa man ɔ dunman'n su Izraɛlfuɛ'm be nyrun. Be wa si kɛ n jin ɔ́ sin kɛ n fa jrannin Moiz i sin'n sa.

Zozie 3:9

Yɛ Zozie seli Izraɛlfuɛ'm be kɛ: «Amun `wunnge wa, amun `tie Anannganman amun Nyanmiɛn i nuan su ndɛ'n.

Zozie 4:11

Kɛ be kwlaa be fuli cenje'n su'n, Nyanmiɛn nyrun jranfuɛ nga be sua Nyanmiɛn i alaka'n, be sin ko fali mmua'n ekun.