Zozie 24:31 - NYANMIƐN NDƐ'N 1998

³¹ Izraɛlfuɛ'm be suli Anannganman Zozie nyin su, ɔ nin kpɛnngbɛn nga be sili Zozie bɔ be wunnin sa nga Anannganman yo mannin Izraɛlfuɛ mun'n be nyin su.

Zozie 24:31 ပူးပေါင်းရင်းမြစ်များ

Bo Bolɛ 14:10

Gudrɔn yiwlɛ kunman kpanngban o Sidim kongo'n nun. Kɛ Sodɔm famiɛn'n nin Gomɔr famiɛn'n be fuɛ'm be ´wanndi be kpɔfuɛ'm be nyrun'n, be tɔli kunman sɔ'm be nun. Be nga be kali lɛ'n, be wanndi ko fiali oka'n wun lɔ.

2 Be Nyoliɛ 24:2

Zɛozada b'ɔ ti Nyanmiɛn nyrun jranfuɛ'n i nyin su'n, Zɔas yoli sa nga be yo Anannganman fɛ'n.

2 Be Nyoliɛ 34:33

Zozias nunnunnin tete sa nga Izraɛlfuɛ'm be yo'n su, be nin sa sɔ mun fin mɛn nga'm be nun. Ɔ miannin sran nga be o Izraɛl asiɛ'n su'n be kwlaa kɛ be `su Anannganman be Nyanmiɛn'n. Zozias nyin su'n, b'a kaci-man bé sin b'a si-man be nannan'm be Nyanmiɛn'n.

Sa nga bé yôli'n 20:29

N si kɛ, kɛ n ko wɔ'n, gboklo wlɛfuɛ'm be wa wlu amun nun, yɛ be ´saci bua fa sɔ'n.

Mmla'n 11:2

Siɛn'n, nán ba kanngan nga be si-man sa nga Anannganman fa kleli amun'n, bɔ sa sɔ'm be ´ju-ɔ, b'a wun-man nun mun'n yɛ n kan ndɛ nga mun n kle be-ɔ, amun kpɛnngbɛn mun yɛ n kan man amun-ɔn. Amun liɛ'n, amun wunnin fɔ nga Anannganman amun Nyanmiɛn'n ɔ buli sran mun'n, amun wunnin kɛ Anannganman i dan'n fa ti ju'n, amun wunnin kɛ sran fi kwla jrɛn-mɛn i nyrun.

Mmla'n 11:7

Sa dandan nga Anannganman yoli'n, amun wunnin be.

Mmla'n 31:13

Kɛ ba nga be nian ti-mɛn i le'n be ´ti'n, ɔ ´kle be kɛ be `sro Anannganman amun Nyanmiɛn'n blɛ kwlaa nga amun ´di i Zurdɛn'n i bue kun lɔ lika nga amun su ko fɛ i lɛ'n i nun.»

Mmla'n 31:29

N si jrɛiin kɛ sɛ n wu'n, ɔ lɛ-man kɛ amun su saci-man. Amun ´yaci atin nga n kleli amun'n i lɛ, amun ´fa uflɛ. Amun ´yo sa tɛtɛ mun Anannganman i nyrun amun ´fa kun i ya. Ɔ man sa yalɛ'n kusu ´tɔ amún su le.»

Filipfuɛ Mun 2:12

I sɔ'n ti, min sran kpa mun, kɛ n wo amun wun lɔ bɔ amún nyin fa yi min titi'n, siɛn'n, kannzɛ n nun-man lɔ'n, man amún nyin yi min kpa tra laa'n. Kɛ ɔ ko yo nan amu'an nyan amún ti mlɔnmlɔn'n, an `mian amún nyin di junman kpa,

Jɔlɛ Difuɛ Mun 2:10

Zozie i wiengu'm be wa wieli wu. Be sinfuɛ nga be wa jasoli su'n be si-man Anannganman. Be si-man sa ng'ɔ yoli mannin Izraɛl'n.

Jɔlɛ Difuɛ Mun 2:6

Kɛ Zozie mannin Izraɛlfuɛ'm be atin'n, be ɔli be tranwlɛ fanunfanun'm be nun. Kɛ mɛn'n i falɛ'n ɔ yoli kɛ nga sa.

Jɔlɛ Difuɛ Mun 2:7

Zozie ɔ nin kpɛnngbɛn nga be wunnin sa dandan nga Anannganman yoli mannin Izraɛlfuɛ mun bé nyin su'n, be suli Anannganman.