Zozie 24:27 - NYANMIƐN NDƐ'N 1998

²⁷ I sin ɔ seli Izraɛlfuɛ'm be kɛ: «Amun `nian yɛbuɛ nga kpa. Ɔ ti lalofuɛ, afin sɛ ɔ ti sran'n, wuun n ´se kɛ ɔ tili ndɛ nga Anannganman kan kleli ye'n i kwlaa. Ɔ wa yo amun lalofuɛ man amun su yaci-man amun Nyanmiɛn'n i sulɛ.»

Zozie 24:27 ပူးပေါင်းရင်းမြစ်များ

Zɔb I Nyrɛnnɛn Wunlɛ 31:23

Afin Nyanmiɛn ti famiɛn. N su kwla suɛn-mɛn i fɔ b'ɔ fa tu sran'n i bo .

Zɔb I Nyrɛnnɛn Wunlɛ 31:28

nán sa bɔ jɔlɛ difuɛ'm be yaci cɛ min'n yɛ ɔ o lɛ-ɔ. Afin ɔ kle kɛ m'an kaci mín sin m'an si Nyanmiɛn b'ɔ o nglo lɔ'n.

Nyanndra Mun 30:9

Sɛ n nyɛn i pɛ'n, ɔ cɛ-man nan mín wla'n ɔ'a tra wɔ su nan m'an se kɛ: ‹?Wan li yɛlɛ Anannganman?› Sɛ yalɛ'n kusu yɛ ɔ di min'n, ɔ cɛ-man nan m'an ko wua nan m'an gua ɔ i nyin ase .»

Ezai 1:2

Nyanmiɛn su lɔ lika'n, tie! Asiɛ, sie ɔ su kpa! Afin Anannganman su ijɔ. I waan: N tali ba wie mun, b'a nyin, sanngɛ b'a jaso min wun.

Ezai 59:13

E nyin yi-man Anannganman, e kpɛ i gblɛ, e kan ndɛ kekleekle bɔ be ti tɛtɛ'n, e jaso i wun, gblɛ kpɛlɛ'n yɛ ɔ wo e nun-ɔn, ɔ man e bua ato.

Abakik 2:11

Yɛbuɛ nga be fa kplannin talɛ'n, sɛ n ´kwla se'n, be ´sun be ´gua amun wun. Kpɛkuun kpanlɛ nga yɛbuɛ'm be ´kpan'n, sua blengan'n ´lielie su.

Kalɛ 11:20

Amun ´di i lele anglo klonglo kun, ɔ ´flan amun siɛn'n, lele ɔ ´bɔn amun bue nun. Kɛ bɔ amun yoli min bɔ n wo amun afiɛn'n min finfin, bɔ amun sun guali min wun, bɔ amun seli kɛ: ?Nguɛ ti yɛ e fin Ezipt lɔ e bali'n? Sa nga amun yoli'n i nuan fɔ nga n ´tu amun'n yɛ ɔ o lɛ-ɔ? › »

Matthieu 10:33

sanngɛ sran ng'ɔ yo i wun sran'm be nyrun kɛ ɔ si-man min'n, n kusu n ´kɛn n Si b'ɔ o nyanmiɛn su lɔ'n i nyrun kɛ n si-mɛn i .»

JÉSUS-CHRIST I DYASIN FE'N BO LUC KLELI'N 19:40

Yɛ ɔ seli be kɛ: «Sɛ be muan bé nuan'n, yɛbuɛ'm be ´kpan .»

Mmla'n 30:19

Ndɛ nga n wa kan kle amun ndɛkɛn yɛ'n, nguan'n nin wie'n yɛ m'an ´fa sie amun nyrun lɛ-ɔ. Muae nin sa yalɛ'n yɛ m'an ´fa sie amun nyrun lɛ-ɔ. N bua-man ato. N kan nyanmiɛn nin asiɛ'n. Amun nin amun osu nunfuɛ mun, amun `fa nguan'n nan amun tran nguan nun.

Mmla'n 31:19

Amun `klɛ jue nga n wa kle amun yɛ'n. Amun `kle Izraɛlfuɛ mun, man be fa yo be jue be to. Man jue sɔ'n ɔ yo min nin Izraɛlfuɛ mun e afiɛn lalofuɛ.

Mmla'n 31:21

Kɛ be ko yo sɔ bɔ sa yalɛ nin nyrɛnnɛn sa'm be ko tɔ bé su'n, jue nga yɛ ɔ ´yo min nin be e afiɛn lalofuɛ-ɔ. Afin jue sɔ'n ɔ su jaso-man be osu nunfuɛ'm bé nuan nun. Kɛ e ´se yɛ'n bɔbɔ, sa nga bɔ be ju mɛn nga n tali be nda kɛ n ´fa man be'n i nun lɔ-ɔ be ´yo'n, i akunndan ng'ɔ o bé ti nun'n, n si i.»

Mmla'n 31:26

«Amun `fa mmla fluwa nga sie Anannganman amun Nyanmiɛn'n i alaka'n i wun lɛ. Man ɔ yo min nin Izraɛlfuɛ mun e afiɛn lalofuɛ.

Mmla'n 32:1

Nyanmiɛn su lɔ lika mun, amun `sie amún su amun `tie ndɛ bɔ n su wa kan'n. Asiɛ, ɔ kusu tie mín nuan ndɛ'n.

Mmla'n 4:26

Sɛ amun yo i sɔ sa tɛ liɛ'n, amun ´wu ndɛndɛ kpa mɛn nga amun wa kpɛ Zurdɛn'n be ´kɔ i falɛ lɛ'n nun lɔ, n kan nyanmiɛn nin asiɛ'n. Amun su cɛ-man mɛn sɔ'n nun, amun ´nunnun treketreke.

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.

Zozie 22:34

Ribɛn akpasua sufuɛ, nin Gad akpasua sufuɛ'm be flɛli Nyanmiɛn sɔwlɛ sɔ'n kɛ Lalofuɛ, afin be waan: «Nyanmiɛn sɔwlɛ sɔ'n di lalo e nin Izraɛlfuɛ kun nga mun e afiɛn kɛ Anannganman ti Nyanmiɛn.»

Zozie 24:28

Yɛ Zozie mannin Izraɛlfuɛ'm be atin nan b'a ɔ be tranwlɛ'm be nun.

Sa nglô yile 3:8

N si amun nyoliɛ'n. Like nga an kwlɛ i yo'n, ɔ ti kaan, sanngɛ ɔ nin i sɔ ngba'n, amu'an fa min ndɛ'n su, yɛ amu'an fia-man n dunman'n su. I sɔ'n ti, m'an tike anuan kun m'an man amun, sran fi kwla nyin-man.

1 Samiɛl 7:12

Samiɛl fali yɛbuɛ kun sieli i Mizpa nin Sɛn be afiɛn, kpɛkuun ɔ tɔnnin i dunman kɛ Ebɛn-Ezɛr. I waan: «Kɛ ɔ fɛ i laa lele b'ɔ ´fa ju yɛ'n Anannganman ukali ye.»