Zozie 24:19 - NYANMIƐN NDƐ'N 1998

¹⁹ Zozie tɛli be su kɛ: «Amun su kwla-man Anannganman su yɛlɛ kɛ ɔ ti Nyanmiɛn kun bɔ i nzuɛn'n nin klɔ sran liɛ'n ti-man kun. Ɔ su kwla suan-man amun fɔnlɛ nin amun sa tɛ'm bé bo, yɛ ɔ su kplin-man su kɛ amun fa like uflɛ ukɛ i su.

Zozie 24:19 ပူးပေါင်းရင်းမြစ်များ

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Jue Mun 99:3

Man be manman wɔ ɔ dunman b'ɔ ti dan, b'ɔ yo sro'n ti. Ɔ nzuɛn'n nin klɔ sran liɛ'n ti-man kun.

Jue Mun 99:5

An `yi Anannganman e Nyanmiɛn'n i ayɛ. An `koto i ja takatakawlɛ'n i nyrun lɛ. I nzuɛn'n nin klɔ sran liɛ'n ti-man kun.

Jue Mun 99:9

An `yi Anannganman e Nyanmiɛn'n i ayɛ. An `koto i oka'n su, afin Anannganman e Nyanmiɛn'n i nzuɛn'n nin klɔ sran liɛ'n ti-man kun.

Ezipt Lɔ Tulɛ'n 20:5

Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Ezipt Lɔ Tulɛ'n 23:21

Amun `nian amún wun kpa man amún nyin yi i. Nán amun jaso i wun. Ɔ su yaci-man amún nyin kekle'n su cɛ-man amun, afin min yɛ n sunmɛn i-ɔ.

Ezipt Lɔ Tulɛ'n 34:14

Nán amun koto amuɛn'm bé bo, afin min Anannganman, n ti Nyanmiɛn kun bɔ n klo kɛ be su min kunngba cɛ. N si kwla.

Ezipt Lɔ Tulɛ'n 34:7

N yi min aklunye'n i nglo sran'm be lika lele n fa wlu be anunman'm be anunman liɛ'm be nun lele ju be akpasua akpi su. N yaci bé sa tɛ mun, nin bé nyin kekle, ɔ nin be fɔnlɛ mun n cɛ be. Sanngɛ sran ng'ɔ yo sa tɛ'n, n se-mɛn kɛ ɔ'a yo-man like fi. N tu siɛ'm be fɔ lele fa wlu be mma nin be anunman'm be nun, kpɛkuun ɔ wlu be anunman siansian'm be nun.»

Ezai 2:9

I sɔ'n ti, be wa kan sran'm be ase, yɛ be wa gua be nyin ase. Yɛ wɔ Anannganman, nán yaci sa fi cɛ be!

Ezai 27:11

Kɛ waka sama'm be wu kee'n, be bubu be nun, bla'm be fa yo yie be trɔ. Nanwlɛ nvle nga nunfuɛ'm be wun-man sa wlɛ mlɔnmlɔn. I sɔ'n ti be yifuɛ'n ɔ si-man be aunnvuɛ mlɔnmlɔn, sran ng'ɔ boli be jrali asiɛ'n su'n, be yo-mɛn i annvɔ mlɔnmlɔn.

Ezai 30:11

Amun `jaso nanwlɛ atin'n su, amun `yaci atin kpafuɛ'n. Nán amun bo Izraɛl Nyanmiɛn'n i dunman'n su kle ye kun.»

Ezai 30:15

Sa nga Anannganman Nyanmiɛn b'ɔ ti Izraɛl Nyanmiɛn'n ɔ kan'n yɛ. I waan: «Sɛ amun sa amún sin amun ba min sin ekun'n, yɛ sɛ amun tran diin'n, yɛ amun ´nyan amun ti-ɔ. Sɛ amun gua amun wla ase, yɛ sɛ amun lafi min su'n, yɛ amun ´nyan wunmiɛn-ɔn. Sanngɛ amun klo-man kɛ amun ´yo sɔ.

Ezai 5:16

Anannganman b'ɔ sie mɛn wunmuan'n, ɔ ti dan, afin ɔ yo sa i nuan su. Ɔ ti saun, i nzuɛn'n nin klɔ sran liɛ'n ti-man kun, afin ɔ nian mmla'n su yɛ ɔ yo i sa liɛ mun-ɔn.

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Saun Yolɛ 11:44

M bɔbɔ min yɛ n ti Anannganman amun Nyanmiɛn nin-ɔn, amun `siesie amun nin min ye afiɛn. Min nzuɛn nin klɔ sran liɛ'n ti-man kun. I sɔ'n ti man amun nzuɛn liɛ'n ɔ ´fa min liɛ'n. I sɔ'n ti nnɛn nga bɔ be cuɛn be wun ase'n, nán amun kan be nan fiɛn ɔ'a kan-man amun.

Saun Yolɛ 11:45

M bɔbɔ min Anannganman'n, min yɛ n fali amun Ezipt mɛn'n nun lɔ m bali-ɔ. Min waan n ´fa amun m ´ba nan n ´yo amun Nyanmiɛn. Min nzuɛn nin klɔ sran liɛ'n ti-man kun. I sɔ'n ti man amun nzuɛn liɛ'n ɔ fa min liɛ'n .»

Saun Yolɛ 19:2

ɔ `kan ndɛ yɛ mun kle Izraɛlfuɛ mun. I waan: «Min yɛ n ti Anannganman amun Nyanmiɛn nin-ɔn. Man amun nzuɛn'n ɔ fa min liɛ'n. Afin min nzuɛn liɛ'n nin klɔ sran liɛ'n ti-man kun .

Saun Yolɛ 20:26

Man amun nzuɛn'n ɔ fa min liɛ'n. Afin min Anannganman, min nzuɛn'n liɛ'n nin klɔ sran liɛ'n ti-man kun. Min waan amun yo min liɛ ti yɛ n waan nán amun nin nvle uflɛ nunfuɛ mun be sanngan nin-ɔn.

Saun Yolɛ 20:7

Man amun nantilɛ'n ɔ yo weiin, nán fiɛn fi ɔ tran amun wun, afin min yɛ n ti Anannganman amun Nyanmiɛn nin-ɔn.»

Naɔm 1:2

Anannganman'n ti Nyanmiɛn kun b'ɔ si kwla. Be yo i sa-a ɔ yaci cɛ-man, ɔ yo be wie, i ya'n ti-man blɛblɛ. I kpɔfuɛ'm be yo i sa-a ɔ yo be wie. Ɔ yaci cɛ-man be .

Abakik 1:13

Kusu wɔ bɔ a ti saun'n, a kwla nian-man sa tɛ'n. Sɛ be yo sran wie tɛtɛ'n, a kwla tran-man lɛ a fa-man ɔ nyinma a niɛn-mɛn i sa ngbɛn. ?Yɛ wuun nguɛ ti yɛ a nian sa tɛ yofuɛ sɔ'm be aeliɛ'n, bɔ a tɛ-man be su nin-ɔn? ?Kɛ klunwifuɛ'm be ´tra be bɔ be ti nanwlɛfuɛ mun bɔ be ´nunkun be'n, nguɛ ti yɛ a kan-man ndɛ nin-ɔn?

Matthieu 6:24

«Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

Zozie 24:18

Anannganman yɛ ɔ fuannin nvle beblebe sɔ mun e nyrun-ɔn. I yɛ ɔ fuannin Amɔrfuɛ nga be tran mɛn nga nun laa nin-ɔn. I sɔ'n ti, e kusu e ´su Anannganman. I yɛ ɔ ti e Nyanmiɛn nin-ɔn.»

Zozie 24:23

Yɛ Zozie seli be kɛ: «Amun `gua amuɛn nga be o amún sa nun'n be blo nan amun `fa amún wun mantan Anannganman b'ɔ ti Izraɛl Nyanmiɛn'n.»

Rit I Wun Ndɛ 1:15

Bla'n seli i kɛ: «Ɔ wla'n sɛli i sin i fuɛ mun nin i amuɛn'm bé sin. Nian i liɛ'n su, su i su.»

1 Samiɛl 3:14

I sɔ'n ti, n fua kleli i awlofuɛ'm be kɛ fɔnlɛ nga Eli i awlofuɛ'm be fɔnnin min wun'n, kannzɛ man be yi tɛ o, annzɛ man be cɛ min like o, n su yaci cɛ-man be le.»

1 Samiɛl 6:20

Be waan: «Nga, sran fi jran Anannganman nyrun-ɔn, ɔ yo-man ye, afin ɔ ti Nyanmiɛn kun bɔ i nzuɛn nin klɔ sran liɛ'n ti-man kun. ?Yɛ wan yɛ e ´fa ko mɛn i nan ɔ'a jaso é wun wa-a?»