Zozie 24:15 - NYANMIƐN NDƐ'N 1998

¹⁵ Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»

Zozie 24:15 ပူးပေါင်းရင်းမြစ်များ

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

Bo Bolɛ 35:2

Yɛ Zakɔb seli i yi nin i mma nin i sa nun sran'm be kwlaa kɛ: «An `gua amuɛn nga be o amún sa nun'n be ase. An `yo bé wun saun. An `kaci amun tralɛ mun.

1 Famiɛn Mun 18:21

Eli jrannin nzrafuɛ'm be nyrun, ɔ seli kɛ: «?Nan kɛ amun ´fa atin nnyɔn su tititi sa? Sɛ Anannganman yɛ ɔ ti Nyanmiɛn'n, amun `su i e! Sɛ kusu Baal yɛ ɔ ti Nyanmiɛn'n, amun `su i e!» Nzrafuɛ'm b'a tɛ-mɛn i su.

1 Be Nyoliɛ 1:14

Ɔ ti Zɛbisfuɛ mun, nin Amɔrfuɛ mun, nin Girgazfuɛ mun, nin

Jue Mun 101:2

N ´fa min nyin n sie be nga be nanti sein'n be atin'n su kpa. ?Cɛn onin yɛ a ´ba mín wun-ɔn? N ´nanti sein nin anwlɛn kpa min awlofuɛ'm be nyrun.

Jue Mun 119:106

Jɔlɛ klanman nga a dili'n, i su sa bɔ n seli wɔ kɛ n ´yo'n, san n ´yo i nuan su.

Ezipt Lɔ Tulɛ'n 23:2

Sran wie bé bo yo kun be yo sa tɛ. Nán nian kɛ be ti kpanngban ti a se kɛ a su be su yo wie. Sran wie'm be kusu be di ndɛ i wafa b'ɔ ti-man su'n. Nán jran bé sin.

Ezipt Lɔ Tulɛ'n 23:24

Nán amun koto nvle sɔ'm be amuɛn'm be bo, nán an sɔ be. Nán amun nian be aeliɛ'm bé su yo wie. Amun `bubu be waka sran'm be nun, yɛ amun `saci yɛbuɛ nga be takali be'n mun.

Ezipt Lɔ Tulɛ'n 34:15

Nán amun nin mɛn sɔ'n nunfuɛ'm be tra aenguɛ wie fi, kɛ ɔ ´yo nan blɛ bɔ be ´sɔ be amuɛn mun'n, b'a flɛ-man amun kɛ amun ko sɔ wie nan amu'an di-man be amuɛn nnɛn'n wie'n ti.

Ezekiɛl 20:39

Yɛ amun Izraɛlfuɛ mun, min Anannganman Nyanmiɛn n waan yoo: Amun `wɔ nan sran kun ko sɔ i amuɛn mun, sanngɛ i sin'n amun lɛ-man atin kɛ amún nyin su yi-man min. Amun ´yaci amuɛn'm be like manlɛ bɔ amun fa saci min dunman'n.

Daniɛl 3:18

Nannan, kannzɛ ɔ yo sɛ, ɔ fata kɛ a si kɛ e su sɔ-man wɔ amuɛn mun, yɛ e su su-man ɔ sika ɔkwlɛ sran bɔ a takali'n .»

Saun Yolɛ 14:42

Kpɛkuun be `fa yɛbuɛ uflɛ be ko kaci klikli liɛ mun nan be `fa fa uflɛ be `wɛsɛ i.

Mise 4:5

Like nga nvle kun nga'm be ko yo nan ɔ'a jɔ be amuɛn'm be klun'n, yɛ be yo-ɔ. E kusu e liɛ nga e ko yo nan ɔ ko jɔ Anannganman e Nyanmiɛn'n i klun titi'n yɛ e yo-ɔ.

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Mmla'n 13:7

Sɛ ɔ wie amún nin wa wie, annzɛ amun wa yasua wie, annzɛ amun wa bla wie, annzɛ amún bo bla wie, annzɛ amun janvuɛ ng'ɔ ti amun anwlɛn su sran'n wie, ɔ wa se amun blɛlɛlɛ kɛ amun ko sɔ amuɛn bɔ nán kɛ amun si i-ɔ, bɔ kusu nán kɛ amun nannan'm be sili i-ɔ, b'ɔ ti nvle wie nun amuɛn'n, nán amun kplin su. Nán amun tie sran sɔ'm be ndɛ'n, nán amun si be aunnvuɛ, nán amun yaci cɛ be, amun `yi be nglo. Sɛ nvle ng'ɔ mantan amun lɛ i nun amuɛn o, sɛ kusu mmua lɔ nvle wie nun amuɛn o, i kunngba nin-ɔn. Asiɛ wunmuan'n i su amuɛn'n kwlakwla be ndɛ yɛ n kan-an.

Mmla'n 29:18

Sran ng'ɔ ti ndɛ nga'n, nán ɔ lɛkɛ i wun se kɛ: «Kannzɛ sɛ n yo nyin kekle lele n guɛ i ti nin i bo'n, sa fi su nyan-man min,» afin sɛ sran kun saci sran uflɛ ti nun'n fa ukɛ i bɔbɔ su'n,

Zozie 24:16

Nvlefuɛ'm be tɛli i su kɛ: «Ɔ siɛ! Nán e yɛ e ´yi Anannganman i ase e ´su ninnge uflɛ mun-ɔn.

Jɔlɛ Difuɛ Mun 6:10

Yɛ n seli amun kɛ: N ti Anannganman amun Nyanmiɛn. Amɔrfuɛ nga'm bé mɛn'n nun yɛ amun wo yɛ'n, nán amun sɔ be amuɛn mun. Sanngɛ, amu'an ti-man mín nuan ndɛ'n.› »