Zozie 24:14 - NYANMIƐN NDƐ'N 1998

¹⁴ Zozie kan guali su kɛ: «I sɔ'n ti, amun `nyin yi Nyanmiɛn, amun `tu amún klun be su i. Nán amun kpɔci i mlɔnmlɔn. Amun `gua amuɛn nga amun nannan'm be sɔ be kɛ be o Efrat i bue kun lɔ'n annzɛ Ezipt lɔ'n be ase nan amun `su Anannganman.

Zozie 24:14 ပူးပေါင်းရင်းမြစ်များ

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 35:2

Yɛ Zakɔb seli i yi nin i mma nin i sa nun sran'm be kwlaa kɛ: «An `gua amuɛn nga be o amún sa nun'n be ase. An `yo bé wun saun. An `kaci amun tralɛ mun.

2 Famiɛn Mun 20:3

«Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

Ɛsdras 9:11

Ɔ mmla sɔ'n, a fa wlali ɔ́ nuan ijɔfuɛ'm bɔ be ti ɔ sufuɛ'n be nuan kɛ be kan kle ye. A kannin kɛ: ‹Mɛn nga amun ´wlu nun bɔ amun wa tran nun yɛ'n, ɔ ti fiɛn. Sran nga be tran nun'n be ninnge nga be yo'n be ti fiɛn, be yo tete like mun be fa wlu i kɔtɔkakɔtɔka'n kwlaa nun.

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Zɔb I Nyrɛnnɛn Wunlɛ 28:28

Kpɛkuun ɔ seli klɔ sran'n kɛ: Be nyin bɔ yi Anannganman'n, yɛ be flɛ i ngwlɛlɛ nin-ɔn. Sa tɛ'n i atin'n su jasolɛ'n yɛ ɔ ti ngwlɛlɛ nin-ɔn.

Jue Mun 111:10

Be nyin b'ɔ yi Anannganman yɛ ɔ ti ngwlɛlɛ silɛ'n i bo bolɛ nin-ɔn. Be kwlaa nga be yo i sɔ'n, be lɛ akunndan ti-ɔ. I manmanlɛ wie-man mlɔnmlɔn le .

Jue Mun 119:1

Be nga bɔ be nanti sein'n, bɔ Anannganman i mmla'n su yɛ be nian be nanti'n, be liɛ su ti ye!

Jue Mun 119:80

Min wan n tu n klun n yo ɔ klun sa'n, i liɛ'n nyannzuɛn su kun-man min ɔ nyrun.

Jue Mun 130:4

Afin wɔ yɛ a yaci sran i wun sa cɛ i-ɔ kɛ ɔ ´yo nan be nyin wa yi wɔ'n ti.

Jue Mun 81:10

Nán amuɛn tran amún sa nun! Nán amun su nvle kun nga'm be amuɛn mun.

Ezekiɛl 20:18

«N wlali be mma'm bé su nun kpa aawlɛ flɛnnɛn nun lɔ kɛ: Nán amun fa amún si'm bé nuan ndɛ liɛ'm be su, nán amun sɔ amuɛn fa yo amun wun fiɛn.

Ezekiɛl 23:3

Be ko boli tekle Ezipt lɔ. Be boli tekle be talua nun, lɔ yɛ sran wie mian-miannin be nyɔnflɛn fifi nin-ɔn. Lɔ yɛ be kannin be wue'n bɔ be nian kɛn-mɛn i le nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 3:5

Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.

Saun Yolɛ 17:7

I sɔ mmla liɛ'n, ɔ man tɛ nga be yi man amuɛn nga be yo be kɛ boli kpakpuɛ sa'n, b'ɔ man Izraɛlfuɛ'm be su min kun nin bue'n, be su yi-mɛn i kun. Mmla ng'ɔ ti bɔ Izraɛlfuɛ mun ɔ nin be osu nunfuɛ'm be `fa su tititi'n, yɛ ɔ o lɛ-ɔ.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

JÉSUS-CHRIST I DYASIN FE'N BO LUC KLELI'N 8:15

Nga kusu b'ɔ guali asiɛ kpafuɛ'n su'n, yɛlɛ be nga be sie bé su Nyanmiɛn ndɛ'n su be ti, be wun i wlɛ, yɛ be fa su kpa'n. Be yɛ be ti awie b'ɔ yoli kpa nin-ɔn.»

Sa nga bé yôli'n 9:31

Asɔnunfuɛ'm bɔ be o Zide, nin Galile, ɔ nin Samari mɛn wunmuan'n nun lɔ'n, be lɛ alaje, yɛ asɔnun'n kɔ i nyrun. Kɛ bɔ asɔnunfuɛ'm be nyin yi e Min'n bɔ Nyanmiɛn Wawɛ'n jran bé sin ti'n, be trɛ.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

Efɛzfuɛ Mun 6:24

Yɛ e Si Nyanmiɛn man be kwlaa nga be klo e Min Jésus-Krist lele guɛ i ti nin i bo'n be nyan ye!

Mmla'n 10:12

?Izraɛlfuɛ mun, like nga Anannganman amun Nyanmiɛn'n waan amun `yo'n yɛlɛ onin? ?Ɔ'a se-man kɛ amun nyin yi i? ?Ɔ'a se-man kɛ amun fɛ i atin su? ?Ɔ'a se-man kɛ amun klo i? ?Ɔ'a se-man kɛ amun su i nan amun fa amun wla kwlaa'n guɛ i su nan amun akunndan'n kwlaa trɛn i su?

Mmla'n 18:13

Amun liɛ'n, amun `nanti Anannganman amun Nyanmiɛn'n i atin'n su seiin.

Mmla'n 6:13

Amun `nyin yi Anannganman amun Nyanmiɛn'n, amun `su i. Sɛ amun ´ta nda'n, amun `fɛ i dunman'n yɛ amun fa ta-a.

Filipfuɛ Mun 1:10

I sɔ'n nun, amun ´wun like nga be ti kpa'm be wlɛ, yɛ Krist balɛ cɛn nun'n be su wun-man sa tɛ kaan sa amún wun, ɔ man be su kputu-man amun.

Zozie 24:2

Zozie seli be kwlaa be kɛ: «Amun `tie ndɛ nga Anannganman b'ɔ ti Izraɛl Nyanmiɛn'n kan'n. ‹Laa, amun nannan'm be tran Efrat'n i bue kun lɔ. Abraam nin Nakɔr bé si Terak i awlo nin-ɔn. Be sɔ amuɛn.

Zozie 24:23

Yɛ Zozie seli be kɛ: «Amun `gua amuɛn nga be o amún sa nun'n be blo nan amun `fa amún wun mantan Anannganman b'ɔ ti Izraɛl Nyanmiɛn'n.»

1 Samiɛl 12:14

Sɛ amún nyin yi Anannganman nan amun su i'n, sɛ amun tie i aniɛn nan amu'an yi-man ndɛ ng'ɔ kannin'n i blo'n, i liɛ'n, amun nin amun famiɛn ng'ɔ sie amun'n, Nyanmiɛn ´sie amun.

1 Samiɛl 12:24

Amun kusu amun nyin `yi Anannganman, amun nian nun be su i nanwlɛ su. An `bu sa dandan ng'ɔ yoli mannin amun'n be akunndan.

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»