Zozie 22:31 - NYANMIƐN NDƐ'N 1998

³¹ Eleazar i wa Fine b'ɔ ti Nyanmiɛn nyrun jranfuɛ'n seli kɛ: «Siɛn'n, y'a wun i wlɛ kɛ Anannganman nin ye o nun, afin amu'an yo-man Anannganman wun tɛ dan nga b'ɔ kun ye srɛ amun lika-a. Amu'an klɔklɔ-man Anannganman kɛ i ya'n `tɔ e su.»

Zozie 22:31 ပူးပေါင်းရင်းမြစ်များ

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

Ɛsdras 7:5

Abisia liɛ'n yɛlɛ Fine, Fine liɛ'n yɛlɛ Eleazar, yɛ Eleazar liɛ'n yɛlɛ Aarɔn b'ɔ ti Nyanmiɛn nyrun jranfuɛ'm be su kpɛn'n.

Jue Mun 68:17

?Amun bɔ amun sɔ ninnge mun oka bɔ i ti'm be sɔnnin'n su'n, onin yɛlɛ amun nyin bɔ amun fa blo be nga be sɔ Anannganman i oka b'ɔ kloli i'n b'ɔ fɛli i kɛ ɔ ´fa yo i tranwlɛ'n i wun'n? Anannganman ´tran lɛ titi.

Ezipt Lɔ Tulɛ'n 25:8

Man Izraɛlfuɛ'm be yo sua kun be man min, b'ɔ ti min liɛ klonglo, kɛ ɔ ´yo nan m'an tran amun afiɛn'n ti.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Zakari 8:23

I blɛ sɔ nun'n, sɛ sran blu be aniɛn'n ti ngunmin-ngunmin'n, be ´ko tra Zuif kunngba cenje i wun tralɛ'n i nuan su'n, kpɛkuun be ´se i kɛ: ‹E nin amun yɛ e ´kɔ-ɔ, afin e tili i kɛ Nyanmiɛn'n wo amun sin.› »

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

1 Korɛntfuɛ Mun 14:25

Ɔ ´wun sa ng'ɔ o i anwlɛn'n nun'n, i sɔ'n ti ɔ ´koto Nyanmiɛn bo, ɔ ´utu i nyin ase, ɔ ´se kɛ: «Nyanmiɛn wo amun afiɛn sakpa.»

Zozie 22:30

Kɛ Fine b'ɔ ti Nyanmiɛn nyrun jranfuɛ'n, ɔ nin Izraɛl kpɛnngbɛn nga be nin i be ɔli'n be tili Ribɛn akpasua'n, nin Gad akpasua'n, ɔ nin Manase akpasua'm bé nuan su ndɛ'n, be klun jɔli.

Zozie 22:32

I sin Nyanmiɛn nyrun jranfuɛ Eleazar i wa Fine, ɔ nin Izraɛl kpɛnngbɛn'm be srɛli atin'n Ribɛn akpasua nin Gad akpasua'm be sa nun. Be jasoli nan b'a fɛ i Galaad nvle'n nun b'a ba Kanaan. Be wa boli jasin'n be kleli Izraɛlfuɛ mun.

Zozie 3:10

Amun wa wun i jrɛiin kɛ Nyanmiɛn b'ɔ lafi-man'n, ɔ o amun afiɛn nan ɔ wa fuan Kanaanfuɛ mun, nin Ɛtfuɛ mun, nin Evfuɛ mun, nin Ferezfuɛ mun, nin Girgazfuɛ mun, nin Amɔrfuɛ mun, ɔ nin Zɛbisfuɛ mun amun nyrun sakpa.