Zozie 22:26 - NYANMIƐN NDƐ'N 1998

²⁶ I sɔ srɛ ti yɛ man e fali akunndan kɛ e ´kplan Anannganman i sɔwlɛ sɔ nin-ɔn. Nán tɛ nnɛn nga be yrɛ i nnɛn kɔlikɔli'n annzɛ tɛ uflɛ fi yilɛ dunman nun-ɔn.

Zozie 22:26 ပူးပေါင်းရင်းမြစ်များ

Ezai 19:19

I blɛ sɔ nun'n, be wa kplan Nyanmiɛn sɔwlɛ kun Ezipt mɛn'n i afiɛn, yɛ be wa kplan yɛbuɛ kun anyialiɛ'n su Nyanmiɛn i dunman nun.

Zozie 22:25

Anannganman bɔbɔ fali Zurdɛn'n fa sieli e nin amun Ribɛn nin Gadfuɛ mun e afiɛn awɛ. Amun like fi nun-man Anannganman sa nun.› Kpɛkuun amun mma mun man e liɛ'm be ´kaci bé sin si Anannganman.

Zozie 22:27

E klun wa'n e waan man Nyanmiɛn sɔwlɛ sɔ'n yo kɛ sa nzɔliɛ sielɛ sa e nin amun ye afiɛn, ɔ nin e mma mun nin amun liɛ mun be afiɛn. Nzɔliɛ sɔ'n kle kɛ e lɛ atin e yi tɛ nga be yrɛ i nnɛn kɔlikɔli mun, ɔ nin e bo kun yolɛ i su tɛ mun, ɔ nin e tɛ'm be kwlaa. I liɛ'n, amun mma'm be su kwla se-man e liɛ'm be kɛ be like nun-man Anannganman sa nun.

Zozie 22:29

Nan y'a bu-mɛn i kɛ e ´kplan Nyanmiɛn sɔwlɛ e ´yi tɛ nga be yrɛ i nnɛn kɔlikɔli'n, annzɛ tɛ uflɛ i su, y'a se-man kɛ e ´yi sraka bɔ be fa ble annzɛ like b'ɔ ti kɛ ble sa'n be yi'n i su, y'a se-man kɛ e yo i sɔ nan e ´kaci é sin e si Anannganman, annzɛ e ´fɔnndɔn i. Y'a se-man kɛ e ´yi tɛ lika uflɛ fi san Anannganman i sɔwlɛ b'ɔ o i tranwlɛ nun'n i su.»

Jɔlɛ Difuɛ Mun 6:24

Zedeɔn kplannin Nyanmiɛn sɔwlɛ kun lɛ mannin Anannganman, nan ɔ'a tɔn i dunman kɛ: Anannganman Ti Aunjuɛ. Ɔ tɛ o Abiezɛr'm be lika nga be flɛ i Ofra'n i nun lɛ ndɛ.