Zozie 21:5 - NYANMIƐN NDƐ'N 1998

⁵ Keat i mma nga be ka lɛ'n be nyannin klɔ dandan blu. Klɔ sɔ'm be o Efraim nin Dan, ɔ nin Manase akpasua bue'n be lika nun.

Zozie 21:5 ပူးပေါင်းရင်းမြစ်များ

Bo Bolɛ 46:11

Kun ekun yɛlɛ Levi. Levi wuli Gɛrsɔn, Keat, yɛ Mɛrari.

1 Be Nyoliɛ 6:51

Keat osu'n nunfuɛ'm be klɔ liɛ nga be nyannin be'n, be o Efraim i akpasua'n su.

1 Be Nyoliɛ 6:61

Nɛftali i akpasua'n su lɔ'n, be mannin be Kedɛs b'ɔ o Galile lɔ'n, nin lika nga be o i asa'n su'n, Amɔn nin lika nga be o i asa'n su'n, Kiriataim nin lika nga be o i asa'n su'n.

Kalɛ 3:27

Keat yɛ ɔ ti Keatfuɛ'm be nannan nin-ɔn. Be bubuli Keatfuɛ'm be nun akpasua nnan: Amramfuɛ mun, nin Zizearfuɛ mun, nin Ebrɔnfuɛ mun, ɔ nin Iziɛlfuɛ mun.

Zozie 21:4

Levi akpasua nga bé nannan yɛlɛ Keatfuɛ mun'n, be yɛ fɔtɔ'n dun mmua tɔli be su-ɔ. Be ti akpasua nnyɔn. Kɛ be tuli fɔtɔ'n, Nyanmiɛn nyrun jranfuɛ Aarɔn i mma'm be nyannin klɔ dandan blu-nin-nsan. Klɔ sɔ'm be o Zida nin Simeɔn, ɔ nin Bɛnzamɛn mun be lika liɛ nun.

Zozie 21:6

Akpasua nga be afiliɛ yɛlɛ Gɛrsɔn'n, be nyannin klɔ dandan blu-nin-nsan. Klɔ sɔ'm be o Isakar, nin Azɛr, nin Nɛftali, ɔ nin Manase akpasua bue ng'ɔ o Bazan nvle'n nun lɔ'n be lika nun.