Zozie 21:45 - NYANMIƐN NDƐ'N 1998

⁴⁵ Kasiɛ nga Anannganman boli Izraɛl nvle'n i wie fi nun-man lɛ bɔ i nuan ɔ'a yia-man-an. I kwlaa kpɛnnin su.

Zozie 21:45 ပူးပေါင်းရင်းမြစ်များ

1 Famiɛn Mun 8:15

I sin ɔ seli kɛ: «N ´la Anannganman b'ɔ ti Izraɛl Nyanmiɛn'n i ase, afin ɔ'a yia ndɛ ng'ɔ kan kleli mín si David'n i nuan.

1 Famiɛn Mun 8:20

Yɛ Salomɔn waan: «Ndɛ sɔ bɔ Anannganman kannin'n, ɔ'a yiɛ i nuan. M'an sin min si i osu, m'an yo famiɛn. Min yɛ n ti famiɛn bia'n su kɛ Anannganman kannin'n sa-a, yɛ kusu m'an kplan sua nga m'an mɛn i.

1 Famiɛn Mun 8:24

Ndɛ nga a kan kleli min si David b'ɔ ti ɔ sufuɛ'n, a yiɛli i nuan. Ndɛ ng'ɔ fin ɔ nuan fiteli'n, w'a yo i su sa'n ndɛkɛn.

1 Famiɛn Mun 8:56

«N ´la Anannganman b'ɔ man Izraɛlfuɛ'm bɔ bé ti i sran mun'n bé wun ɔ'a jɔ be fɔun'n kɛ ɔ kan kleli be sa'n i ase. Anannganman i ndɛ b'ɔ fa wlali Moiz nuan kɛ ɔ ´kan'n ɔ yoli i su sa'n ngba, i nun kaan sa ɔ nun-man lɛ bɔ ɔ'a yiɛ-mɛn i nuan-an.

Neemi 9:8

A wunnin kɛ ɔ ti nanwlɛfuɛ nan a nin i b'a tra aenguɛ. A seli i kɛ a ´fa Kanaanfuɛ mun, ɔ nin Ɛtfuɛ mun, ɔ nin Amɔrfuɛ mun, ɔ nin Ferezfuɛ mun, ɔ nin Zɛbisfuɛ mun, ɔ nin Girgazfuɛ mun be mɛn'n ´man i osufuɛ mun. Yɛ nga a seli kɛ a ´yo'n, a yoli, afin a ti kpa.

Ezai 48:3

Sa klikli nga be juli'n, n dun mmua n kannin be ndɛ lalaa kpa. Be fin min nuan fiteli. N kali lɛ n yoli be, kpɛkuun be nuan yiali.

Kalɛ 23:19

Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?

1 Korɛntfuɛ Mun 1:9

Nyanmiɛn b'ɔ flɛli amun kɛ amun nin i Wa Jésus-Krist b'ɔ ti e Min'n an di anuansɛ'n, ɔ ti nanwlɛfuɛ.

1 Tɛsalonikfuɛ Mun 5:24

Sran ng'ɔ flɛli amun'n ti nanwlɛfuɛ, i bɔbɔ yɛ ɔ ´yo amun sɔ-ɔ.

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.

1 Samiɛl 3:19

Samiɛl nyin kɔ i nyrun, yɛ Anannganman nin i o nun. Ndɛ kwlaa nga Samiɛl kan'n, Anannganman yo man i kwlakwla'n i su sa'n yo.