Zozie 21:43 - NYANMIƐN NDƐ'N 1998

⁴³ Anannganman fali mɛn ng'ɔ boli bé nannan'm be kasiɛ kɛ ɔ ´fa man be'n i ngba mannin be. Be fa yoli be liɛ, be trannin nun.

Zozie 21:43 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 13:15

Lika wunmuan nga a wun i lɛ'n, m'an fa man wɔ. Ɔ ti wɔ nin wɔ anunman mun amun liɛ titi .

Bo Bolɛ 28:4

Man ɔ fa muae ng'ɔ mannin Abraam'n i wie man wɔ nin ɔ osu'n. Man mɛn nga a ti nun aofuɛ yɛ'n, bɔ Nyanmiɛn fa mannin Abraam'n ɔ `yo ɔ liɛ.»

2 Be Nyoliɛ 20:8

Be trannin nun, yɛ be kplannin sua kun mannin wɔ. Yɛ be seli kɛ:

Neemi 9:24

Be mma'm be wluli mɛn sɔ'n nun nan b'a fa. Wɔ man Kanaanfuɛ mun bɔ be ti mɛn sɔ'n nunfuɛ'n, b'a nyan-man jranwlɛ be nyrun. A fali Kanaanfuɛ sɔ'm be famiɛn nin be bɔbɔ mannin be kɛ be fa nga be klun klo'n yo be.

Neemi 9:8

A wunnin kɛ ɔ ti nanwlɛfuɛ nan a nin i b'a tra aenguɛ. A seli i kɛ a ´fa Kanaanfuɛ mun, ɔ nin Ɛtfuɛ mun, ɔ nin Amɔrfuɛ mun, ɔ nin Ferezfuɛ mun, ɔ nin Zɛbisfuɛ mun, ɔ nin Girgazfuɛ mun be mɛn'n ´man i osufuɛ mun. Yɛ nga a seli kɛ a ´yo'n, a yoli, afin a ti kpa.

Jue Mun 105:8

I wla fi-man su kɛ ɔ tali nda. I wla fi-man kɛ akpasua-akpasua akpi nga be ´jaso su'n be ti yɛ ɔ tali nda sɔ'n nin-ɔn.

Jue Mun 44:3

Be kan kleli ye kɛ a deli nvle wie'm be lika'n a fa mannin be kɛ be `tran nun. A kleli nvle sɔ'm be nyrɛnnɛn nan ɔ nvlefuɛ'm b'a nyan tranwlɛ.

Jue Mun 78:55

Ɔ kannin nvle wie'm bé bo be nyrun nan ɔ'a cɛ lika'n ɔ'a man be kɛ ɔ `yo be liɛ titi. Ɔ fali Izraɛl nvle mun sieli i Kanaanfuɛ'm be lika'n nun.

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Kalɛ 33:53

Amun `de be lika'n bé sa nun nan amun `tran nun, afin min yɛ n fa mannin amun-ɔn, ɔ ti amun liɛ.

Kalɛ 34:2

ɔ `kan ndɛ yɛ mun kle Izraɛlfuɛ mun. I waan: «Amun su wa wlu Kanaan mɛn'n nun. Mɛn sɔ b'ɔ ti amun liɛ'n i nuan su lika mun yɛ:

Mmla'n 11:31

Zurdɛn'n yɛ amun su wa kpɛ amun ´ko fa mɛn nga Anannganman amun Nyanmiɛn'n ɔ'a fa man amun'n lɛ-ɔ. Kɛ amun fa mɛn sɔ'n, amun ´tran nun lɛ'n,

Mmla'n 12:29

Kɛ Anannganman amun Nyanmiɛn'n ko nunnun mɛn nga amun su ko i falɛ'n i nunfuɛ mun'n, sɛ amun fuan be nan amun tran be osu'n,

Mmla'n 17:14

Blɛ bɔ amun ko ju mɛn nga Anannganman amun Nyanmiɛn'n ɔ'a fa man amun i nun'n, bɔ amun ko tran nun'n, amun wa se kɛ amun ´sie amun famiɛn kɛ nvle nga be sin yia amun'n be liɛ'n sa .

Mmla'n 34:4

Anannganman seli i kɛ: «Mɛn nga n tali Abraam, nin Izaak, ɔ nin Zakɔb be nda kɛ n ´fa man be osu nunfuɛ mun'n yɛ ɔ o lɛ-ɔ. M'an fa kle wɔ, sanngɛ a su ju-man lɔ.»

Zozie 1:6

Jran kekle, yo yakpafuɛ, afin wɔ yɛ man nvle ng'ɔ wa nyan like nga m boli amun nannan'm be kasiɛ kɛ n ´fa man be nin-ɔn.

Zozie 21:42

Klɔ dandan sɔ'm be kwlakwla nin be nnɛn didiwlɛ mun yɛ be fa mannin be-ɔ.

Jɔlɛ Difuɛ Mun 11:24

?Lika nga Kɛmɔs b'ɔ ti wɔ amuɛn'n fa man wɔ kɛ a tran nun'n, nɛ́n i yɛ a tran nun-ɔn? ?Yɛ e li yɛ lika kwlaa nga Anannganman b'ɔ ti e Nyanmiɛn'n fa man e kɛ e tran nun'n yɛ e su tran-man nun-ɔn?

1 Samiɛl 12:8

Kɛ Zakɔb ɔ nin i osufuɛ'm be ɔli Ezipt, bɔ be ´kle be nun'n, be sun flɛli Anannganman kɛ ɔ de be. Anannganman kusu sunmannin Moiz nin Aarɔn kɛ be ko fa be Ezipt lɔ bla, nan ɔ'a fa be ɔ'a sie mɛn nga nun wa.