14 Nglo lɔ lika nun awɛ'n bo sin yia Anatɔn, ɔ kpɛn Ziftak-Ɛl kongo nun.
I sin, ɔ kɔ wia afiliɛ lika nun ekun lele ju Gat-Efɛr ɔ nin Ita-Kazɛn, ɔ to Rimɔn, ɔ bli kɔ Nea lika nun lɔ.
Katat, Naalal, Simrɔn, Zideala, ɔ nin Bɛtleɛm lika sɔ'n i nun klɔ dandan'm be ti blu-nin-nnyɔn. Klɔ kanngan nga be o be mantan be lɛ'n be uka su.
Wia afiliɛ lɔ lika nun'n, awɛ'n fu kɔ Bɛt-Dagɔn lɔ lika'n nun, ɔ to Zabilɔn be lika'n ɔ nin Ziftak kongo'n, kpɛkuun ɔ kɔ nglo lɔ ɔ ko to Bɛt-Emɛk ɔ nin Nɛiɛl. Ɔ kɔ i nyrun ndɛnman su, ɔ sin Kabil,