Zozie 14:2 - NYANMIƐN NDƐ'N 1998

² Kɛ Anannganman fa kan kleli Moiz'n i su yɛ be niannin yɛ be tuli lika sɔ'm bé wun fɔtɔ nan b'a fa cɛcɛ akpasua ngwlan nin bue'n bé ti nun ti nun-ɔn.

Zozie 14:2 ပူးပေါင်းရင်းမြစ်များ

Nyanndra Mun 16:33

Like nga be waan be ´fa si Nyanmiɛn i klun sa'n, be to guɛ i ase, sanngɛ Anannganman bɔbɔ yɛ ɔ kle i klun sa sɔ nin-ɔn.

Nyanndra Mun 18:18

Like nga be guɛ i ase be fa si Nyanmiɛn klun sa'n ɔ kwla yo man utre'n wie, ɔ kwla kpɛ sran nnyɔn bɔ be lɛ nyrun'n be nun.

Ezekiɛl 45:1

«Blɛ bɔ amun ´tu fɔtɔ bɔ amun ´cɛ mɛn nun'n, amun `sie Anannganman i lika kun b'ɔ ´yo i liɛ klonglo. Man i tɛnndɛn nun'n ɔ yo kilo blu-nin-nnyɔn nin sin, yɛ i tɛtrɛ nun'n ɔ yo kilo blu. Man lika sɔ'n ɔ yo Nyanmiɛn liɛ klonglo.

Kalɛ 26:52

Anannganman seli Moiz kɛ:

Kalɛ 33:54

Kɛ amun ´cɛcɛ asiɛ'n nun'n, amun `tu fɔtɔ. Amun `nian kɛ amun akpasua nin amun osu-osu'm be dan'n ɔ fa ti'n su yɛ amun `yo-ɔ. Be nga be sɔnnin'n, man be lika liɛ nga amun ´man be'n ɔ cɛn, be nga b'a sɔn-man'n, man be lika liɛ nga amun ´man be'n `yo kaan. Nga fɔtɔ'n kle'n, i su yɛ amun `di-ɔ. Kɛ amún si'm be akpasua'm be fa ti'n, i su yɛ be ´nian yɛ be ´man amun asiɛ nin-ɔn.

Kalɛ 34:13

Moiz kannin ndɛ sɔ'n kleli Izraɛlfuɛ mun. Kpɛkuun ɔ seli be kɛ: «Amun `nian, mɛn nga Anannganman waan e `tu i wun fɔtɔ nan y'a wun i cɛwlɛ'n yɛ ɔ o lɛ-ɔ. Ɔ ti akpasua ngwlan nin bue be liɛ.

Kalɛ 34:17

«Eleazar b'ɔ ti Nyanmiɛn nyrun jranfuɛ'n nin Nɛn i wa Zozie yɛ be wa cɛ asiɛ nin-ɔn.

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Sa nga bé yôli'n 1:26

Be tuli fɔtɔ, fɔtɔ'n tɔli Matias su yɛ be fɛ i ukali sran blu-nin-kun nga Jésus sunmannin be'n be su-ɔ.

Zozie 13:7

Yɛ cɛcɛ nun man akpasua ngwlan nin Manase akpasua bue nga be nian nyan-man lika'n wie'n.»

Zozie 18:10

Zozie tuli lika sɔ'm bé wun fɔtɔ Anannganman nyrun nan ɔ'a fa cɛcɛ Izraɛlfuɛ mun. Ɔ fa cɛcɛli akpasua'n kwlaa bé ti nun ti nun.

Zozie 18:6

Amun `klɛklɛ akpasua nso nga be o lɛ'n be lika'n kɛ be fa ti'n. Nan amun wa fa kle min. Kɛ ɔ ko yo sɔ'n n wa tu lika sɔ'm bé wun fɔtɔ n ´man akpasua-akpasua mun Anannganman i nyrun.