Zozie 14:15 - NYANMIƐN NDƐ'N 1998

¹⁵ Laa, Ebrɔn i dunman yɛlɛ Kirzat-Arba. I bo kle kɛ: Arba klɔ. Laa Anakfuɛ'm be nun'n, Arba yɛ ɔ lɛ nyrun tra be kwlaa-a. Kɛ ɔ yoli sɔ'n, lika'n tɔli bliin, Izraɛlfuɛ'm be deli wunmiɛn alɛ kunlɛ nun.

Zozie 14:15 ပူးပေါင်းရင်းမြစ်များ

Bo Bolɛ 23:2

Ɔ wuli Kanaan mɛn'n nun Kirzat-Arba lɔ. Kirzat-Arba'n i kunngba'n yɛlɛ Ebrɔn. Abraam i yi'n i wie ndɛ'n ɔ wluli i wun dan, ɔ sunnin i,

Bo Bolɛ 35:27

Zakɔb juli i si Izaak i wun Mamre lɔ. Mamre'n wo Kirzat-Arba nga i dunman uflɛ'n yɛlɛ Ebrɔn'n i wun lɔ. Abraam nin Izaak be trannin lɔ laa.

Bo Bolɛ 37:14

Izraɛl waan: «Ko nian be osu sɛ be ti juejue o. Nian kɛ nnɛn'm be ti'n, nan bla wa kan kle min.» Kɛ Izraɛl ´sunman Zozɛf'n, wuun be o Ebrɔn kongo'n nun lɔ. Zozɛf juli Sisɛm tiwa lɔ.

1 Be Nyoliɛ 6:4

Mɛrari mma mun yɛlɛ Makli nin Misi. Levi akpasua'n su awlobo mun yɛ be o lɛ-ɔ.

Neemi 11:25

Zidafuɛ kun nga'm be trannin klɔ nin be sa su klɔ kanngan'm be su. Klɔ sɔ'm be yɛ: Kirzat-Arba nin klɔ nga be o i asa'n su'n, Dibɔn nin klɔ nga be o i asa'n su'n, Zɛkabzeɛl nin klɔ nga be o i asa'n su'n,

Zozie 11:23

Wafa nga Anannganman kan kleli Moiz kɛ ɔ `fa mɛn sɔ'n, i su yɛ Zozie nian fali-ɔ. Ɔ fa cɛcɛli Izraɛl akpasua'm be kwlaa, i sin yɛ Izraɛlfuɛ'm be deli wunmiɛn alɛ kunlɛ nun-ɔn.

Zozie 14:14

Kɛ e ´se yɛ'n, klɔ sɔ'n ti Kɛnaz akpasua sufuɛ Zɛfine i wa Kalɛb'n i osu nunfuɛ'm be liɛ, nantilɛ b'ɔ nantili sein Anannganman b'ɔ ti Izraɛl Nyanmiɛn'n i atin su'n ti.

Zozie 15:13

Zɛfine i wa Kalɛb nyannin Zida i lika'n i bue kɛ Anannganman fa kan kleli Zozie'n sa. Be fali Kirzat-Arba bɔ be flɛ i Arba klɔ'n be fa mɛnnin i. Arba'n ti Anakfuɛ'm be nannan. Dunman ng'ɔ o klɔ sɔ'n su siɛn'n yɛlɛ Ebrɔn.

Zozie 21:11

yɛlɛ: Kirzat-Arba bɔ yɛlɛ Arba klɔ'n. Arba ti Anakfuɛ'm be nannan. Siɛn, klɔ sɔ'n suan Ebrɔn. Ɔ o Zida i oka-oka lika'n nun. Be fali klɔ'n ɔ nin nnɛn didiwlɛ nga be mɛntɛn i lɛ'n be mannin be,

Zozie 21:12

sanngɛ fie mun nin klɔ kanngan nga be wo i asa'n su'n be dun mmua fa mannin Zɛfine i wa Kalɛb.

Jɔlɛ Difuɛ Mun 1:20

Be fali Ebrɔn klɔ'n be mannin Kalɛb kɛ Moiz kan kleli be'n sa . I sɔ'n ti, Kalɛb fuannin Anak i mma nsan'm be akpasua su sran mun.

Jɔlɛ Difuɛ Mun 3:11

Izraɛl nvle'n tɔli fɔuun afuɛ ablanan. Yɛ Kɛnaz i wa Ɔtniɛl wuli-ɔ.

Jɔlɛ Difuɛ Mun 3:30

Kɛ ɔ fin le kun sɔ nun'n, Moabfuɛ'm be ti'n wo Izraɛlfuɛ'm bé bo. Lika'n wa tɔli bliin afuɛ ablaɔcuɛ.

Jɔlɛ Difuɛ Mun 5:31

Anannganman, man ɔ kpɔfuɛ'm be wu sa tititi! Sanngɛ man be nga be klo wɔ'n be yo kɛ wia bɔ ɔ'a man su b'ɔ su bo kpa'n sa.» Kɛ ɔ yoli sɔ'n, lika'n tɔli bliin afuɛ ablanan.

Jɔlɛ Difuɛ Mun 8:28

Madianfuɛ'm be suli Izraɛlfuɛ mun. B'a kwla man-man be ti su kun. Blɛ bɔ Zedeɔn i nyin tɛ o su'n lele b'ɔ fa wu'n, lika'n tɔli bliin afuɛ ablanan.

1 Samiɛl 30:31

nin Ebrɔn klɔ'm be su kpɛnngbɛn'm be wie, ɔ nin lika kwlaa ng'ɔ nin i sran'm be sinnin be su'n be kpɛnngbɛn'm be wie.