Zozie 11:2 - NYANMIƐN NDƐ'N 1998

² Ɔ sunmannin sran ekun famiɛn nga be o oka-oka lika'm be nun lɔ mɛn i nglo-nglo lɔ'n ɔ nin Zurdɛn kongo nun Kinerɛt fɛtɛ'n i bo ngua lɔ'n bé sin. Ɔ sunmannin wie ekun be nga be o lika kpɛtɛkplɛɛ'n nun lɔ'n ɔ nin be nga be o Dɔr lika bɔ o nzue nuan lɔ'n i wia afiliɛ lika lɔ'n nun bé sin. Dɔr klɔ'n wo oka-oka lika'm be nun.

Zozie 11:2 ပူးပေါင်းရင်းမြစ်များ

1 Famiɛn Mun 15:20

Bɛn-Adad kplinnin nga famiɛn Aza usɛli i kɛ ɔ yo'n su. Ɔ sunmannin i sonja kpɛnngbɛn'm be kɛ be nin Izraɛl klɔ'm be sufuɛ'm be ko kun. Be ɔli nan b'a kwla Izɔn klɔ'n, nin Dan klɔ'n, ɔ nin Abɛl-Bɛt-Maaka klɔ'n be sufuɛ mun. Yɛ be fali Kinerɛt akpasua wunmuan'n, ɔ nin Nɛftali mɛn wunmuan'n.

1 Famiɛn Mun 4:11

Abinadab i wa'n, i lika liɛ'n yɛlɛ Dɔr kpɔlɛ'm be kwlakwla. Ɔ jali Tafat, Salomɔn i wa bla'n kun-ɔn.

Kalɛ 34:11

Kɛ ɔ fɛ i lɛ'n, man ɔ wɔ Ribla bue liɛ'n su lɔ, Ain i wia afiliɛ lɔ. Kpɛkuun man ɔ wɔ mmua lɔ nan ɔ ko sin ndroliɛ ng'ɔ o Kinerɛt fɛtɛ'n i wia afiliɛ lɔ'n i nuan su tɛɛn.

JÉSUS-CHRIST I DYASIN FE'N BO LUC KLELI'N 1:39

Kɛ ɔ yoli sɔ'n, le kun Mari fali atin ɔli Zida klɔ kun b'ɔ o oka'm be nun lɔ'n su trɛlɛlɛ.

JÉSUS-CHRIST I DYASIN FE'N BO LUC KLELI'N 5:1

Le kun kɛ Jésus o Zenezarɛt fɛtɛ'n nuan lɛ bɔ sran'm be sin yiɛ i lɛ kɛ be ´tie Nyanmiɛn ndɛ'n,

Zozie 10:40

Zozie fali mɛn'n i ngba. Ɔ kwlali famiɛn nga be o oka-oka lika'm be nun'n, nin be nga be o ngua lɔ lika'm be nun'n, nin be nga be o lika kpɛtɛkplɛɛ nun'n, ɔ nin be nga be o kpɔlɛ nga be o jenvie i nuan lɔ'n. Ɔ'a yaci-man sran fi lɛ, ɔ nunnunnin sran'm be ngba kɛ Anannganman b'ɔ ti Izraɛl Nyanmiɛn'n seli kɛ be yo'n sa .

Zozie 10:6

Gabaɔnfuɛ'm be mannin Zozie ngaliɛ Gilgal lɔ kɛ: «E bɔ e ti ɔ sran mun'n, e yɛ Amɔr famiɛn nga be tran oka'm be su'n b'a ju b'a gua é su yɛ. Bla ndɛndɛ bla wa uka ye, bla wa de ye!»

Zozie 11:16

Zozie fali be mɛn sɔ'n i ngba: oka-oka lika nin o, ngua lɔ lika nin o, Gozɛn lɔ lika nin o, lika kpɛtɛkplɛɛ nin o, Zurdɛn i kongo lika nun lɔ nin o, ɔ nin nglo lɔ lika kpɛtɛkplɛɛ nin o, nin nglo lɔ oka-oka lika nin o.

Zozie 11:21

I blɛ kunngba'n nun, Zozie nin Anakfuɛ nga be tran oka'm be su Ebrɔn lɔ'n, nin Debir lɔ'n, ɔ nin Anab lɔ'n, nin Zida'n, ɔ nin Izraɛl oka-oka lika'm be nun'n be kunnin. Ɔ nunnunnin be klɔ'n mlɔnmlɔnmlɔn.

Zozie 12:23

Dɔr b'ɔ mantan jenvie nuan lɔ'n, Gɔzim b'ɔ mantan Gilgal'n,

Zozie 12:3

Famiɛn sɔ'n i lika'n wie ekun yɛlɛ Zurdɛn kongo'n, ɔ nin Zenezarɛt fɛtɛ'n b'ɔ o wia afiliɛ lɔ'n. Ɔ fɛ i nglo lɔ lika'n nun lele fa ju jenvie b'ɔ ti njin nzue klakla'n i wun lɔ, ɔ ju Bɛt-Zɛsimɔt i lika ng'ɔ kpɛ wia afiliɛ lɔ. Lika sɔ'n fɛ lele ju ngua lɔ, Pisga oka'n i bo lɔ.

Zozie 13:27

Bɛt-Aram, nin Bɛt-Nimra, nin Sikɔt ɔ nin Zafɔn, klɔ nga lɛ'm be o Zurdɛn'n i kongo'n nun lɔ. Klɔ sɔ'm be kwlaa be ti Siɔn b'ɔ trannin Ɛsbɔn'n, i famiɛn diwlɛ lika. Yɛ i kwlaa sɔ'n wo Gadfuɛ'm be lika nun. Lika sɔ'n wo Zurdɛn i bue ng'ɔ kpɛ wia afiliɛ lɔ'n nun. Zurdɛn'n ti i awɛ lele fa ju Zenezarɛt fɛtɛ'n nuan nglo lɔ lika'n nun.

Zozie 17:11

Isakar nin Azɛr be lika liɛ nun klɔ dandan nga be flɛ be Bɛt-Sean nin Zibleam ɔ nin lika nga be mantan be lɛ'n, ɔ nin Dɔr, nin An-dɔr, nin Tanak, nin Megido, ɔ nin bé su sran mun, ɔ nin lika nga be mantan be lɛ'n, Dɔr nin i asa'n su'n be kwlakwla nga be o lɛ'n be yoli Manase liɛ.

Jɔlɛ Difuɛ Mun 1:27

Manase i akpasua'n su sran'm b'a fuan-man Bɛt-Sean nin i asa'n su sran mun, nin Tanak nin i asa'n su sran mun, nin Dɔr nin i asa'n su sran mun, nin Zibleam nin i asa'n su sran mun, nin Megido nin i asa'n su sran mun. Kanaanfuɛ sɔ'm be kali lɛ.