Zonas 3:4 - NYANMIƐN NDƐ'N 1998

⁴ Zonas fali cɛn kun wlannin klɔ'n nun. Kɛ ɔ ´kɔ'n, wuun ɔ ´bo ndolo'n. I waan: «Ɔ ka cɛn ablanan Niniv'n ´nunnun.»

Zonas 3:4 ပူးပေါင်းရင်းမြစ်များ

2 Famiɛn Mun 20:1

I blɛ sɔ nun'n, Ezekias tɔli tukpacɛ, ɔ ti-man nguan liɛ. Yɛ Amɔz i wa Ezai b'ɔ ti Nyanmiɛn i nuan ijɔfuɛ'n wa toli i nan ɔ'a se i kɛ: «Anannganman waan a siesie wɔ aja'n, afin a su nyan-man nguan, a ´wu.»

2 Famiɛn Mun 20:6

N wa sa ɔ nguan'n su afuɛ blu-nin-nnun. N ´de wɔ a nin klɔ nga sufuɛ mun Asiri famiɛn'n sa nun. N ´sasa klɔ nga m bɔbɔ min dunman'n ti nin min sufuɛ David ti.› »

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Zeremi 42:10

‹Sɛ an ka amun mɛn'n nun wa'n, n ´wla amun mɛn'n i bo ase, n su saci-mɛn i. N ´taka amun, n su tu-man amun bo. N ´kaci mín sa. Sa nga n yoli amun'n, n ´yaci i yolɛ.

Zonas 3:10

Anannganman wunnin kɛ be su nanti sɔ. Ɔ ´nian-an, be su kaci be nzuɛn tɛ'n. Yɛ i kusu kacili aniɛn-ɔn. Ɔ man ɔ'a yo-man ng'ɔ guguli kɛ ɔ ´yo'n kun.

Matthieu 12:41

Jɔlɛ dilɛ cɛn'n nun'n, Niniv yasua'm be wa jao bu ajulisufuɛ nga'm be fɔ, afin kɛ Zonas kannin Nyanmiɛn ndɛ'n, be kacili be nzuɛn'n, yɛ nian, sran kun o wa bɔ i dan tra Zonas .

JÉSUS-CHRIST I DYASIN FE'N BO LUC KLELI'N 11:30

Afin kɛ Nyanmiɛn fa Zonas yili atrɛ Ninivfuɛ'm be nyrun'n, i kunngba nin-ɔn, ɔ wa fa m bɔ n kacili Sran'n kusu yi atrɛ ajulisufuɛ nga'm be nyrun.

JÉSUS-CHRIST I DYASIN FE'N BO LUC KLELI'N 11:32

Jɔlɛ dilɛ cɛn'n nun'n, Ninivfuɛ'm be wa jao, be ´kan sa nga ajulisufuɛ nga'm be yoli'n, ɔ man be ´bu be fɔ, afin kɛ Zonas kan Nyanmiɛn ndɛ kleli Ninivfuɛ mun, be kacili be nzuɛn'n, yɛ amun nian, sran kun o wa bɔ i dan tra Zonas .»

Mmla'n 18:22

Sran nga i waan ɔ ti Anannganman nuan ijɔfuɛ b'ɔ fa Anannganman dunman fa kan ndɛ wie kpɛkuun ndɛ sɔ'n ɔ'a kpɛn-man su'n, wuun nán Anannganman yɛ ɔ kannin-ɔn. Sran sɔ'n bɔbɔ yɛ ɔ dili wlɛwlɛ kannin ndɛ sɔ nin-ɔn. Nán srɛ kun amun i wun.»