Zonas 2:9 - NYANMIƐN NDƐ'N 1998

⁹ Sran nga amuɛn bɔ be bɔn-man like'n yɛ be sɔ be'n, be bɔbɔ man a kwla si-man be aunnvuɛ.

Zonas 2:9 ပူးပေါင်းရင်းမြစ်များ

Bo Bolɛ 35:3

An `siesie amún wun man e wɔ Betɛl. N ´ko kplan Nyanmiɛn sɔwlɛ kun lɔ m ´man Nyanmiɛn nga min asamian blɛ'n nun ɔ tɛli min su'n, bɔ kusu ɔ ukali min ajalɛ bɔ n tuli'n nun'n.»

2 Samiɛl 15:7

I afuɛ nnan su'n, Absalɔm seli famiɛn'n kɛ: «Man min atin man n wɔ Ebrɔn n ko yia like nga n kan kleli Anannganman'n kɛ n ´yo n mɛn i'n i nuan.

Zɔb I Nyrɛnnɛn Wunlɛ 22:27

Sɛ a srɛ i nan a jran su'n, ɔ ´tɛ wɔ su. Kpɛkuun like nga a kannin kɛ a ´yo mɛn i'n, wuun a su yo.

Jue Mun 107:22

Man be yi asenna tɛ'm be fa mɛn i. Yɛ man be bo sro be kan sa ng'ɔ yoli be mun.

Jue Mun 27:1

Jue nga ti David liɛ. I waan: Anannganman ti mín kannin nin min defuɛ. ?Wan yɛ n tɛ sro i ekun-ɔn? Anannganman ti min nguan'n i nun trafuɛ. ?Wan li wun yɛ srɛ tɛ kun min-ɔn?

Jue Mun 3:8

Anannganman, jaso! Min Nyanmiɛn, de min! A fin min kpɔfuɛ'm bé nuan'n su. A bubu klunwifuɛ'm be je'n.

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.

Jue Mun 50:23

Sran ng'ɔ manman min'n yɛlɛ sran ng'ɔ si min wun ye'n, yɛ i yɛ ɔ ti min ayɛ yifuɛ-ɔ. Sran ng'ɔ nian i nantilɛ'n su'n, n wa yi min wun nglo n kle i kɛ min yɛ n de sran mun-ɔn.»

Jue Mun 68:20

Man be la e Min'n i ase cɛn kwlakwla. Nyanmiɛn b'ɔ de ye'n, ɔ nian e lika.

Jue Mun 95:2

E `bla i nyrun lɛ nan e `yi i ayɛ. E `to jue, yɛ e `bo jue tolɛ ninnge mun e `mɛnmɛn i.

Ezai 45:17

Sanngɛ Izraɛlfuɛ'm be liɛ'n, Anannganman yɛ ɔ de be-ɔ, be ´ka sɔ tititi. Be nyin su gua-man ase le, Be su wun-man nyannzuɛn le .

Ndɛ Nga Nyanmiɛn I Nuan Ijɔfuɛ Oze Kannin'n 14:2

Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

Jean 4:22

Amun Samarifuɛ mun'n, an si-man sran nga an koto i bo an mɛnmɛn i'n, sanngɛ e liɛ'n, e si sran nga e koto i bo e mɛnmɛn i'n, afin sran'm bé ti nyanlɛ'n fin Zuif mun.

Sa nga bé yôli'n 4:12

I kunngba cɛ yɛ ɔ kwla de sran-an yɛlɛ kɛ Nyanmiɛn a sie-man sran uflɛ fi mɛn'n nun wa bɔ i dunman nun e kwla fite nun-ɔn.»

Rɔmfuɛ Mun 12:1

Aniaan mun, aunnvuɛ dan bɔ Nyanmiɛn wunnin ye'n ti, n ´srɛ amun kpa kɛ an fa amun wun mɛn i kɛ sraka bɔ be jrɛ i'n sa, b'ɔ ti i liɛ mlɔnmlɔn bɔ i klun jɔ su, i yɛ ɔ ti i sɔlɛ wafa b'ɔ ti su-ɔ.

Mmla'n 23:18

Nán Izraɛl yasua fi bo tekle. Bla'm be kusu nán man be bo tekle.

Hébreu 13:15

I sɔ'n ti, man manmanlɛ nga e manman Nyanmiɛn titi'n ɔ yo kɛ asenna like bɔ e fa man Jésus kɛ ɔ fa mɛn i'n sa. Kɛ e ´yo sɔ'n e bo i dunman .

Sa nglô yile 7:10

Be kpan kekle kpa be se kɛ: «E Nyanmiɛn b'ɔ ti bia'n su'n, nin Bua Gbanflɛn'n, be ti yɛ e nyannin é ti-ɔ.»

1 Samiɛl 12:21

Nán amun kpaci ko su ninnge finfin'm bé su, afin ninnge sɔ'm be bɔn-man like fi, be de sran-an, ɔ yo-man ye, yɛlɛ kɛ be ti finfin like.