Zonas 2:7 - NYANMIƐN NDƐ'N 1998

⁷ N jrali lele n juli kan oka'm be bo'n fin lɔ'n. Blɔlɔ lɔ anuan dan'n nyinnin min su mlɔnmlɔn. Sanngɛ Anannganman min Nyanmiɛn, wɔ man n fin ngblɔn sɔ'n nun n fiteli sa bɔ cɛ, like fi sa ɔ'a yo-man min.

Zonas 2:7 ပူးပေါင်းရင်းမြစ်များ

2 Be Nyoliɛ 30:27

I sin'n, Nyanmiɛn nyrun jranfuɛ mun nin Levifuɛ'm be jasoli, nan b'a yra sran'm be nguan. Be Nyanmiɛn bɔ be srɛli'n ɔli lele juli nglo lɔ, ɔ juli Anannganman bɔbɔ tranwlɛ'n nun lɔ. Yɛ ɔ tɛli be su.

Jue Mun 11:4

Anannganman wo i sua b'ɔ ti i liɛ klonglo'n i nun lɔ. Anannganman i famiɛn bia'n wo nyanmiɛn su lɔ. Yɛ ɔ nian, ɔ nian sa nga klɔ sran'm be yo'n .

Jue Mun 142:3

N koko sa ng'ɔ o mín su'n n kle i. N fa nyrɛnnɛn ng'ɔ o mín su'n n sie i nyrun.

Jue Mun 143:5

Mín nyin kpɛn min laa nun. Sa nga a yoli be'n, m bu be akunndan, m bu be akunndan kpa.

Jue Mun 18:6

Blɔlɔ lɔ nyanman'n blablali mín wun. Wie'n i aya'n ɔ trali min wieli.

Jue Mun 20:7

Siɛn'n m'an wun i kɛ Anannganman de famiɛn b'ɔ sieli i'n. Kɛ ɔ o nyanmiɛn su lɔ kan ɔ tran lɔ'n, ɔ tie i srɛlɛ'n yɛ ɔ tɛ i su. Ɔ tu i klun ukɛ i, ɔ de i.

Jue Mun 22:14

Be trɛ bé nuan'n nun be kpan kɛ asɔmɔli bɔ i waan ɔ ´di nnɛn'n sa. Be waan be ´di min.

Jue Mun 27:13

?Kɛ e wo asiɛ nga su'n, sɛ n lafi-man su kɛ Anannganman yi i klun-ufue'n nglo'n, wuun n ´yo i sɛ?

Jue Mun 42:11

Kɛ min kpɔfuɛ'm be ´yo min fiaan bɔ be ´usa min kɛ: «?Ɔ Nyanmiɛn'n wo nin'n?» Ɔ yo min ya lelee, kpɛkuun min owie nun yra min fiaan.

Jue Mun 42:5

Kɛ mín nyin kpɛnkpɛn min laa nun'n, ɔ kle min sunlɛ. Laa sɔ'n, n dun sran'm be nyrun mmua e nanti e kɔ Nyanmiɛn sua'n nun, wuun be ´kpan be ´bo be sro, e klun jɔ, Nyanmiɛn i ye b'ɔ yoli ye'n ti.

Jue Mun 43:5

?Nguɛ ti yɛ man n wla'n ɔ ko bo min wun-ɔn? ?Nguɛ ti yɛ man n ko fɛfɛ-ɔ? Ɔ fata kɛ n fa mín wla'n n guɛ i Nyanmiɛn'n su, yɛ m mɛnmɛn i, afin ɔ ti min defuɛ, i kunngba'n ɔ ti min Nyanmiɛn.

Jue Mun 65:4

E fɔnlɛ nga e fɔn'n, e suɛn i bo-ɔ ɔ yo-man ye, sanngɛ a ´yaci be cɛ ye.

Ezai 38:17

Siɛn'n, min awlaboɛ'n ɔ'a kaci aunjuɛ a man min, afin a klo min dan, a yoli man wie'n ɔ'a to a fuan min. W'a to mín sa tɛ'm be kwlaa a gua be blo ɔ́ sin lɔ.

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Zonas 2:4

A to min yili jenvie'n nun, a to min yili nzue dan sɔ'n i bunman'n nun, yɛ ɔ kpalo min kɔ wa, ɔ kpalo min kɔ wa.

Mise 1:2

Nvle-nvlefuɛ mun, amun kwlaa amun `sie amun su `tie. Asiɛ, a nin be nga be tran ɔ su'n be kwlaa amun `sie amún su kpa! Anannganman'n fin i tranwlɛ lɔ ´ba, ɔ nin amun be wa yia nun.

Abakik 2:20

Anannganman'n liɛ'n, ɔ o i sua'n nun lɔ. Man asiɛ'n su sran'm be kwlaa be muan bé nuan i nyrun .»

Hébreu 12:3

An `bu i bɔ kɛ sa tɛ yofuɛ'm be saci i wun'n ɔ trɛli i anwlɛn'n i akunndan nan amún sa sin a bubu-man amun nan amu'an kpɔnzɔ-man.

1 Samiɛl 30:6

David i wla ɔ boli i wun dan, afin sran'm be su kan kɛ be ´kun i yɛbuɛ nun. Afin sran'm be kwlakwla be fali ya be mma yasua nin be mma bla mun be liɛ'n ti, sanngɛ kɛ David fɛ i wla guɛli Anannganman i Nyanmiɛn'n su'n ti'n, Anannganman kusu wlɛli i fanngan.