Zonas 2:2 - NYANMIƐN NDƐ'N 1998

² Kɛ Zonas o jue'n i klun lɔ'n , ɔ srɛli Anannganman i Nyanmiɛn'n seli kɛ:

Zonas 2:2 ပူးပေါင်းရင်းမြစ်များ

2 Be Nyoliɛ 33:12

Kɛ Manase ´wun nyrɛnnɛn'n, ɔ kpan flɛli Anannganman i Nyanmiɛn'n. Ɔ kɛnnin i wun ase i nannan'm be Nyanmiɛn'n nyrun.

Jue Mun 116:3

Wie'n ɔ fɛli i nyanman'n cili min. N fali blɔlɔ atin'n bɔ mlɔnmlɔnmlɔn, nyrɛnnɛn dan tɔli min su. Awlaboɛ'n ɔ kunnin min kpo.

Jue Mun 120:1

Zerizalɛm kɔlɛ i su jue. Kɛ n wo nyrɛnnɛn nun'n, n kpan flɛli Anannganman, i kusu tɛli min su.

Jue Mun 16:10

Afin a su yaci-man min blɔlɔ lɔ. A su yaci-man min bɔ n ti ɔ sran min lɛ kɛ n kplɔ.

Jue Mun 22:24

Amun bɔ amun nyin yi Anannganman'n, amun `mɛnmɛn i! Zakɔb i osu'n nunfuɛ mun, amun kwlakwla amun `yi i ayɛ. Izraɛl i osu'n nunfuɛ mun, kɛ amun wo i nyrun'n, man srɛ kun amun, yɛ amun `usu.

Jue Mun 34:6

Be nga be fa be wla guɛ i su'n, bé wun kpaja be, yɛ nyannzuɛn kun-man be.

Jue Mun 4:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n. I waan:

Jue Mun 61:2

Nyanmiɛn, tie min kpanlɛ bɔ n kpan'n. Tie srɛlɛ bɔ n srɛ wɔ'n.

Jue Mun 65:2

Ee Nyanmiɛn, wɔ bɔ a o Siɔn klɔ'n nun lɔ'n, a nin manmanlɛ fata. Sɛ be ta ɔ nda'n, ɔ nin i fata kɛ be yo i nuan like.

Jue Mun 86:13

Wɔ aklunye'n ti dan min lika. A deli min wie'n i nuan nun.

Ezai 14:9

Sɛ e ´kwla se'n, asiɛ'n bo lɔ'n, ɔ nun sɔlɛ'n ti, blɔlɔ lɔ lika'n ɔ keje. Asiɛ'n su sran dandan nga b'a wu'n be kwlaa be tinnge. Ɔ yo man famiɛn nga be o nvle'm be kwlaa be nun'n be jaso be famiɛn bia'm be su.

Ngwlɛ Yilɛ 3:55

Anannganman, kɛ n wo kunman sɔ'n nun lɔ'n, n kpan flɛli wɔ.

Ezekiɛl 26:20

N ´fa wɔ n kɔ blɔlɔ lɔ a to be nga be wuli'n be lɔ. A wa ka mɛn ng'ɔ wo asiɛ'n i bo lɔ'n nun kɛ lalafuɛ klɔ nga be sacili'n sa, a wa to be nga be dun mmua be wuli ɔ nyrun'm be lɔ. A su kwla fite-man gua su wa kun. A su tran-man asiɛ nga sran'm be tran su wa'n su wie kun.

Ezekiɛl 31:14

Kɛ ɔ'a yo sɔ'n, i liɛ'n, waka nga be o nzue nuan'm be wie fi su nyin-man tɛnndɛn sa kun, yɛ i ti'n su tra-man waka kun nga'n mun. Sɛni waka bɔ be nyan nzue'n wie'n, be su kwla nyin-man ndɛnndɛn. Afin i sran o, i waka o, be kwlaa be ´wu, be ´kɔ asiɛ'n i bo lɔ be ´to be nga be la i bo lɔ'm be lɔ.› »

Matthieu 12:40

Afin kɛ Zonas dili le nsan jue dan'n i klun'n i kunngba nin-ɔn, m bɔ n kacili Sran'n, n kusu n ´di le nsan asiɛ'n bo .

JÉSUS-CHRIST I DYASIN FE'N BO LUC KLELI'N 11:10

Afin sran kwlaa ng'ɔ srɛ like'n, be mɛn i, sran ng'ɔ kunndɛ like'n, ɔ nyɛn i, yɛ sran ng'ɔ bobo anuan'n, be tike.

JÉSUS-CHRIST I DYASIN FE'N BO LUC KLELI'N 22:44

Kɛ i awlaboɛ'n ´yo dan'n, ɔ miɛn i nyin kan ndɛ kle Nyanmiɛn cinnjin kpa, nvufle kpa'n tu i pataa, nvufle sɔ'n ɔ kaci kɛ mmoja sa, ɔ gua srosrosrosro.]

Sa nga bé yôli'n 2:27

Afin a su yaci-man min blɔlɔ lɔ, yɛ a su yaci-man min bɔ n ti ɔ sran'n kɛ n kplɔ.

Hébreu 5:7

Kɛ Krist sɔ'n wo asiɛ'n su wa'n, ɔ kpannin, i nyinmuɛn guali nan ɔ'a srɛ Nyanmiɛn b'ɔ kwla de i wie'n nun'n kɛ ɔ niɛn i su, ɔ jrannin su kpa. I nyin b'ɔ yi Nyanmiɛn'n ti ɔ tili.

1 Samiɛl 1:16

Nán bu i kɛ n ti bla finfinfuɛ, afɛ dan b'ɔ o mín su'n ɔ nin klunngbɔ'n ti yɛ m'an ijɔ lele ɔ'a fa ju yɛ nin-ɔn.»

1 Samiɛl 30:6

David i wla ɔ boli i wun dan, afin sran'm be su kan kɛ be ´kun i yɛbuɛ nun. Afin sran'm be kwlakwla be fali ya be mma yasua nin be mma bla mun be liɛ'n ti, sanngɛ kɛ David fɛ i wla guɛli Anannganman i Nyanmiɛn'n su'n ti'n, Anannganman kusu wlɛli i fanngan.