Zonas 1:8 - NYANMIƐN NDƐ'N 1998

⁸ Yɛ mmeli'n i kanfuɛ'm be usali Zonas kɛ: «?Nja, wɔ bɔ yɛ man sa kekle nga ɔ'a tɔ e su'n, a su kɔ nguɛ yolɛ? ?A ti nvle onin nunfuɛ? ?Be flɛ ɔ mɛn'n sɛ?»

Zonas 1:8 ပူးပေါင်းရင်းမြစ်များ

Bo Bolɛ 47:3

Yɛ Ezipt famiɛn'n usali be kɛ: «?Nguɛ junman yɛ an di-ɔ?» Be tɛli i su kɛ: «E ti nnɛn tafuɛ kɛ é si'm be sa.»

Jacques 5:16

I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.

Zozie 7:19

Zozie seli Akan kɛ: «N wa, manman Anannganman b'ɔ ti Izraɛl Nyanmiɛn'n. Nian nanwlɛ di, kan sa nga a yoli'n, nán fia wie fi su.»

1 Samiɛl 14:43

Sail seli Zonatan kɛ: «Kan sa nga a yoli'n kle min.» Yɛ Zonatan kan kleli i-ɔ. I waan: «N fa min kpɔnman'n m boli awɛma nzue kan nun n tafili. Man be kun min, n lɛ-man ndɛ.»

1 Samiɛl 30:13

David usɛli kɛ: «?Wan liɛ yɛlɛ wɔ? ?A fin ye sɛ?» I waan: «N ti Ezipt gbanflɛn, Amalɛk bian kun i kanga yɛlɛ min. Min wunnɛn b'ɔ yo min ya'n ti, min min yacili min wa ɔli i le nsan yɛ.