Zonas 1:3 - NYANMIƐN NDƐ'N 1998

³ Sanngɛ Zonas ´kunndɛ wanndi Anannganman bo ´kɔ Tarsis. Ɔ ko juli Zafo, ɔ ´nian-an, mmeli kun su kɔ Tarsis. Ɔ tuali mmeli'n i kalɛ, nan ɔ'a wlu nun yɛ fuauun, ɔ nin be bɔ be ´kɔ Tarsis'n be kɔlɛ nun-ɔn . I waan ɔ wanndi Anannganman i bo.

Zonas 1:3 ပူးပေါင်းရင်းမြစ်များ

Bo Bolɛ 3:8

Kɛ nnɔsua aunngban'n ´fita'n bɔ Anannganman Nyanmiɛn bali wlan-wlanlɛ fie'n nun lɛ'n, kpɛkuun b'a ti i ngan nan b'a fiɛ i nyrun fie'n nun waka'm bé sin.

Bo Bolɛ 4:16

Yɛ Kaɛn jasoli Anannganman i wun lɛ ɔli mmua-a. Ɔ ko trannin Nɔd mɛn'n nun lɔ Edɛni fie'n i wia afiliɛ lɔ.

1 Famiɛn Mun 19:3

Kɛ Eli tili i sɔ'n, srɛ kunnin i, ɔ tuli i bo lɛ ɔli kɛ ɔ ´yo nan b'a kun-mɛn i'n ti. Kɛ ɔ juli Beɛr-Seba b'ɔ o Zida nvle'n nun'n, ɔ yacili i sufuɛ gbanflɛn kan'n lɛ.

1 Famiɛn Mun 19:9

Kɛ ɔ juli lɛ'n, ɔ wluli yɛbuɛ'n i buɛ'n nun, nan ɔ'a la lɛ kɔnguɛ. Yɛ Anannganman i nuan toli i-ɔ, ɔ usɛli kɛ: «?Eli, ɔ yo sɛ ti yɛ a o wa-a?»

2 Be Nyoliɛ 2:15

E kusu, Liban wa waka ng'ɔ ko ju wɔ'n, e ´kpɛ i kwlaa e ´cici e ´guɛ i jenvie'n su e ´blɛ wɔ Zafo lɛ, kpɛkuun ɔ sran'm be su fa kɔ Zerizalɛm.»

2 Be Nyoliɛ 2:16

Aofuɛ nga be o Izraɛl mɛn'n nun'n, bɔ David kali be'n, Salomɔn kali be kwlaa'n ekun. Be ti sran akpi-akpi ya sran akpi-akpi ablenun-nin-nsan sran ya nsiɛn (153.600).

2 Be Nyoliɛ 9:21

Famiɛn'n lɛ mmeli mun. Ɔ man Iram i sufuɛ'm be fa be kɔ mmua kpa. Be kɔ Tarsis. Afuɛ nsan kwlaa be fɛ i lɔ be ba kpalɛ kun. Kɛ be ´ba'n, be fa sika ɔkwlɛ, nin jɛtɛ ufue, nin sui je, nin ndo, ɔ nin anunman fanunfanun mun ba.

Ɛsdras 3:7

Be fali sika mannin yɛbuɛ sɛfuɛ nin sua su bofuɛ mun. Be mannin Sidɔnfuɛ nin Tirfuɛ mun be ninnge diwa, nin nzan, ɔ nin ngo. Be waan be sua sɛdri waka jenvie nyin su Liban lɔ be ko guɛ i Zafo man be. Siris b'ɔ ti Pɛrs famiɛn'n yɛ ɔ mannin be atin kɛ be yo i sɔ-ɔ.

Zɔb I Nyrɛnnɛn Wunlɛ 1:12

Anannganman waan: «I sa nun ninnge mun yɛ be o lɛ-ɔ. N fa be n wlali ɔ́ sa nun, sanngɛ nán kɛn i bɔbɔ'n.» Yɛ Satan jasoli Anannganman nyrun lɛ ɔli-ɔ.

Zɔb I Nyrɛnnɛn Wunlɛ 2:7

Yɛ Satan fɛ i Anannganman wun lɛ ɔli-ɔ. Ɔ fali tukpacɛ tɛ wie guali Zɔb wunnɛn'n su. Tukpacɛ sɔ'n ɔ yoli i ja'n bo lele fa juli i ti'n su.

Jue Mun 107:23

Be nga be fa mmeli be kɔ lika jenvie'n nyin su'n, bɔ be di aata nzue dan sɔ'n i nyin su'n,

Ezai 2:16

Cɛn sɔ nun'n, ɔ nin Tarsis lɔ mmeli dandan'n be kwlaa be ´nyɛn i, ɔ nin mmeli nglanman'm be kwlaa be ´nyɛn i.

Ezai 23:1

Sa ng'ɔ ´ju Tir klɔ'n su'n. Sɛ Tarsis lɔ mmeli'm be ti sran'n, wuun n ´se be kɛ be `sun kpa, afin Tarsis klɔ'n ɔ'a saci: sua nun-man lɔ kun, be wlu klɔ'n nun-ɔn, ɔ yo-man ye kun. Kɛ be fin Kitim mɛn'n nun lɔ bali'n yɛ be tili ndɛ sɔ nin-ɔn.

Ezai 23:10

Tirfuɛ mun, amun `di asiɛ wun junman siɛn'n, afin mmeli'm be jranwlɛ bɔ be o jenvie nuan'n be nun-man lɛ kun.

Ezai 23:6

Amun bɔ amun tran jenvie'n i nuan'n, amun `wɔ Tarsis lɔ, amun `la kondo.

Ezai 60:9

Be nga be tran jenvie'n nuan mmua mmua lɔ'n, bɔ be lafi min su'n, be yɛ be ba-a. Tarsis lɔ mmeli'm be dun mmua be nyrun, be sua ɔ mma bɔ be o mmua mmua lɔ'n mun ba. Be jɛtɛ ufue'n nin be sika ɔkwlɛ'n wo mmeli sɔ'm be nun wie. Be ba Anannganman ɔ Nyanmiɛn'n i manmanlɛ, afin ɔ yo man a nyan nyrun.

Zeremi 10:9

Be ko fa jɛtɛ ufue fɛtɛfɛtɛ Tarsis lɔ annzɛ sika ɔkwlɛ nnya Ifaz lɔ. Sika tɔnfuɛ'm be di i wun junman, ajuin difuɛ'm be di i wun junman, kpɛkuun be fa kɛtɛ i wun klanman cɛ. Be yo wie ɔkwlɛ, wie kusu ti ɔkwlɛ srosrowa. I kwlaa ng'ɔ o lɛ'n, ɔ ti ajuin difuɛ'm bé sa nuan like.

Ezekiɛl 2:8

Ezekiɛl, ɔ liɛ'n, tie ndɛ nga n ´kan kle wɔ'n. Nán ɔ́ nyin su yo kekle kɛ sran nyin su keklefuɛ nga'm be liɛ'n sa. Tike ɔ́ nuan'n nan di like nga n su fa man wɔ yɛ'n.»

Ezekiɛl 27:12

«Tarsisfuɛ'm be nin wɔ be di aata ɔ ninnge kpanngban bɔ a lɛ i'n ti. Be to ɔ trɔ mun. Be fa jɛtɛ ufue nin blalɛ, nin etɛn, ɔ nin sunmun yɛ be fa to be-ɔ.

Ezekiɛl 3:14

Wawɛ ng'ɔ mannin min su nglo'n fali min ɔli. Kɛ n ´kɔ'n, min akunndan sanngannin, mín wla ti-man ase guawa, afin Anannganman'n i fanngan ng'ɔ o mín su'n ti dan yɛ n kwla suɛn-mɛn i bo.

Zonas 1:10

Kɛ ɔ kɛnnin i kɛ ɔ su wanndi Anannganman'n i bo'n bɔ mmeli'n i kanfuɛ'm be tili'n, srɛ dan kpa kunnin be. Be seli kɛ: «Cuekee! W'a yo-mɛn i kpa mlɔnmlɔn!»

Zonas 4:2

Yɛ ɔ srɛli Anannganman-an. Ɔ seli kɛ: «?Ee, Anannganman, nán nga bɔ n wo min mɛn'n nun lɔ n kannin'n cɛ yɛ ɔ o yɛ? I sɔ'n bɔ min waan nán ɔ ju'n i ti yɛ min waan n ´wanndi n kɔ Tarsis nin-ɔn. Afin n si kɛ a ti Nyanmiɛn kun bɔ a ti kpa, a si aunnvuɛ, a fa-man ya finfin, ɔ klun-ufue'n ti dan. Sɛ a gugu kɛ a ´yo sa yaya wie'n, ɔ cɛ-man nan w'a kaci aniɛn .

JÉSUS-CHRIST I DYASIN FE'N BO LUC KLELI'N 9:62

Yɛ Jésus seli i kɛ: «Sran ng'ɔ tra saru nun nan ɔ niɛn i sin'n, ɔ kwla di-man Nyanmiɛn sielɛ'n i junman'n wie.»

Sa nga bé yôli'n 15:38

sanngɛ kɛ Mark yacili be Panfili lɔ ɔ sɛli i sin bɔ ɔ'a ko uka-man be'n, i sɔ'n ti Pɔl waan nán man be fɛ i ɔ kun.

Sa nga bé yôli'n 26:19

«Nannan Agripa, kɛ n wunnin aolia nun like sɔ'n b'ɔ fin nyanmiɛn su lɔ'n, m'an kaci-man min nuan.

Sa nga bé yôli'n 9:36

Jésus sɔnnzɔnfuɛ bla kun o Zope lɔ, be flɛ i kɛ Tabita. Grɛk nun'n, dunman sɔ'n yɛlɛ Dɔrkas'n, i bo yɛlɛ wannzannin. Ɔ ti klun ufuefuɛ kpa yɛ ɔ yo yalɛfuɛ'm be ye.

Sa nga bé yôli'n 9:38

Lid mantan Zope. Kɛ Jésus sɔnnzɔnfuɛ'm be tili kɛ Piɛr o lɛ'n, be yili sran nnyɔn ɔli i sin kɛ be ko se i kɛ ɔ bla trɛlɛlɛ.

Sa nga bé yôli'n 9:42

Zopefuɛ'm be kwlaa be tili sa sɔ'n, ɔ man sran kpanngban be lafili e Min'n su.

Sa nga bé yôli'n 9:43

Piɛr dili le nnyɔn kun Zope lɔ Simɔn b'ɔ ti kplo usufuɛ'n i awlo lɔ.

1 Korɛntfuɛ Mun 9:16

Jasin fɛ'n i kanlɛ'n ti-man like bɔ n fa manman min wun-ɔn, afin be sieli n kɛ n kan, ɔ man sɛ n kan-man'n, min wun jɔ-man min.

2 Tɛsalonikfuɛ Mun 1:9

Fɔ ng'ɔ ´fa tu be'n yɛlɛ kɛ be awieliɛ'n ´wie be tɛ, be ´ka nun sɔ mlɔnmlɔn, be nin e Min'n ´bu, ɔ man be su wun-man i anyrunnyan dan bɔ lɛ i'n .

Zozie 19:46

Me-Zarkɔn nzue'n, Rakɔn, ɔ nin lika nga be o Zafo wun lɛ'n.