Zonas 1:16 - NYANMIƐN NDƐ'N 1998

¹⁶ Srɛ dan kpa kunnin mmeli'n i kanfuɛ mun Anannganman ti nan b'a yi sraka b'a mɛn i nan b'a ta nda kɛ be ´yo like be mɛn i.

Zonas 1:16 ပူးပေါင်းရင်းမြစ်များ

Bo Bolɛ 28:20

Zakɔb tali nda, i waan: «Sɛ Nyanmiɛn nin min o nun'n, sɛ ɔ yo man n nanti ye'n, sɛ ɔ man min aliɛ n di'n, sɛ ɔ man min tralɛ n wla'n,

Bo Bolɛ 8:20

Noe kplannin Nyanmiɛn i sɔwlɛ kun mɛnnin i. Ɔ fali nnɛn nga be di'n be nun kunngun fa yili tɛ nga be yra be nnɛn'n kɔlikɔli'n mannin Anannganman.

2 Famiɛn Mun 5:17

Kpɛkuun Naaman seli i kɛ: «Sɛ ɔ waan a fa-man'n, sanngɛ kplin su man n fa wa fa'n wie. N ´fa nga milɛ nnyɔn be kwla sua'n n ´fa kɔ, afin tɛ nga be yrɛ i nnɛn'n kɔlikɔli'n, ɔ nin tɛ uflɛ bɔbɔ, n klo-man kɛ n yi wie fi m man amuɛn mun kun. San Anannganman yɛ n ´yi mɛn i-ɔ.

Zɔb I Nyrɛnnɛn Wunlɛ 37:24

Ɔ man i ti yɛ ɔ fata kɛ klɔ sran'm bé nyin yi i nin-ɔn. Be nga be bu bé wun kɛ be ti akunndanfuɛ'n, ɔ nian-man be lɔ bɔ kaan sa .

Jue Mun 107:22

Man be yi asenna tɛ'm be fa mɛn i. Yɛ man be bo sro be kan sa ng'ɔ yoli be mun.

Jue Mun 116:14

Ninnge nga n tali nda kɛ n ´yo be m ´man Anannganman'n, n ´yo be i nvlefuɛ'm be nyrun.

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.

Akunndanfuɛ'n 5:4

Sɛ w'a se-man Nyanmiɛn kɛ a yo like wie mɛn i'n, ɔ ti kpa tra kɛ a se i kɛ a ´yo like wie mɛn i nan w'a yo-man'n.

Ezai 26:9

Kɔnguɛ'n, n konvi sɔ wɔ, n kunndɛ kɛ n ´fa min wun mantan wɔ sakpa. Kɛ a tu asiɛ'n sufuɛ'm be fɔ'n, kpɛkuun be su kpɛ mmla'n i su falɛ'n i sin atin.

Zeremi 5:22

Anannganman usa kɛ: ‹?M bɔbɔ'n yɛ amun nyin yi-man min nin-ɔn? ?Yɛ an usu-man min nyrun nin-ɔn? Min yɛ n fali aunnyan'n n jali jenvie'n i awɛ nin-ɔn. Ɔ ti i awɛ mlɔnmlɔn ɔ lɛ-man atin kpɛ-man. Kannzɛ ɔ ´keje sɛ nán kɛ ɔ ´kwla yo sa ti-ɔ. Kannzɛ ɔ ´bo sɛ, nán kɛ ɔ ´kwla kpɛ ti-ɔ,

Daniɛl 6:26

Kɛ ɔ cɛli kan'n, famiɛn Dariis klɛli fluwa ko mannin nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa bɔ be tran asiɛ wunmuan'n su'n. I waan: «Man amún wun jɔ amun fɔuun kpa.

Zonas 1:10

Kɛ ɔ kɛnnin i kɛ ɔ su wanndi Anannganman'n i bo'n bɔ mmeli'n i kanfuɛ'm be tili'n, srɛ dan kpa kunnin be. Be seli kɛ: «Cuekee! W'a yo-mɛn i kpa mlɔnmlɔn!»

Zonas 1:14

Yɛ be kpan flɛli Anannganman kɛ: «Anannganman, nán e yɛ e yoli-ɔ. E ´srɛ wɔ kpa ti-ɔ, nán nian kɛ y'a kun bian nga bɔ ɔ'a yo-man e sa yɛ'n ti man e wu. Yɛlɛ kɛ nga bɔ ɔ waan a ´yo'n yɛ a yoli-ɔ.»

Marc 4:31

Ɔ fa tro bɔ be flɛ i mutard'n , kɛ be ´lua'n, ɔ ti kaan tra ninnge mma nga be lua be'n, be kwlaa

Sa nga bé yôli'n 5:11

Asɔnunfuɛ'm be kwlaa nin be kwlaa nga be tili ndɛ sɔ'n, srɛ kunnin be dan kpa.

Jɔlɛ Difuɛ Mun 13:16

Yɛ Anannganman i anz'n tɛli i su kɛ: «Kannzɛ a tra min ase'n, n su di-man like nga a tɔn'n, sanngɛ sɛ a klo'n tɛ nga be yrɛ i nnɛn kɔlikɔli'n, `yi kun man Anannganman.» Manɔak ɔ'a wun-mɛn i wlɛ kɛ Anannganman i anz nin-ɔn.