Zoɛl 3:2 - NYANMIƐN NDƐ'N 1998

² Yɛ cɛn sɔ'm be nun'n, n ´fa n Wawɛ'n m ´man afanniɛn yasua mun nin afanniɛn mmla mun.

Zoɛl 3:2 ပူးပေါင်းရင်းမြစ်များ

2 Be Nyoliɛ 20:26

I cɛn nnan'n su'n, be yiali Bɛraka kongo'n nun lɔ, be ko lali Anannganman ase. I ti yɛ be flɛli lɛ lika'n kɛ Bɛraka nin-ɔn. Lele ndɛ be tɛ flɛ i sɔ.

Ezai 66:16

Sin yɛ Anannganman ´fa di sran'm be kwla be jɔlɛ-ɔ, yɛ tokofi yɛ ɔ ´fa bu be fɔ-ɔ. Ɔ ´kun sran kpanngban kpa.

Ezai 66:18

Ɔ si be nyoliɛ mun nin be klun akunndan'n. Anannganman waan: «M ba kɛ n wa yia nvle-nvle nga be kan aniɛn wafa-wafa'n kwlaa'n, nan be ´wun min nyrun bɔ n lɛ i'n.

Zeremi 12:14

Ndɛ nga Anannganman'n kɛnnin i Izraɛl i tranfuɛ tɛtɛ'm be wun'n yɛ: «Be sa kannin mɛn nga n fa mannin min nvle Izraɛlfuɛ mun'n b'ɔ ti be aja'n. N ´tu be be asiɛ'n su. Yɛ n ´tu Zidafuɛ mun be afiɛn lɛ wie.

Zeremi 25:31

Be ti i ngan asiɛ'n i tiwa'n kwlaa su. Anannganman'n nin nvle-nvlefuɛ'm be su di ndɛ. Ɔ nin sran'm be kwlaa be su di ndɛ. Ɔ fa sran tɛtɛ mun man alɛ'n man ɔ di be.› » Anannganman'n yɛ ɔ kan sɔ-ɔ.

Zeremi 49:1

Amɔnfuɛ'm be jasin liɛ yɛ. Anannganman'n usa kɛ yoo: «?Ɔ ju sɛ ti yɛ man amuɛn nga be flɛ i Milkɔm ko fa Gadi fa yoli i liɛ nin-ɔn? ?Ɔ ju sɛ ti yɛ man Milkɔm i nvle'n ko fa Izraɛl klɔ mun fa yoli i liɛ nin-ɔn? ?Wuun wielɛ yɛ Izraɛl lɔfuɛ'm b'a wie ti-ɔ? ?Izraɛlfuɛ'm be ajalɛ nunfuɛ'm b'a wie ti-ɔ?»

Zeremi 50:17

Izraɛl ti kɛ bua bɔ asɔmɔli'm b'a fuɛn i bɔ ɔ'a mlin'n sa. Sran ng'ɔ dun mmua dili i'n yɛlɛ Asiri famiɛn'n. Kpɛkuun Babilɔni famiɛn'n kusu ɔ wa boboli i owie'n.

Ezekiɛl 25:8

«Anannganman Nyanmiɛn wan yoo: ‹Moabfuɛ nin Seirfuɛ'm be seli kɛ: Amun `nian Zidafuɛ'm be nvle'n, ɔ ti kɛ nvle kun'm be sa.

Ezekiɛl 34:6

Min bua'm b'a bo b'a sanndi oka mun nin kpɔlɛ fleiin'm be su. Min bua'm b'a sanndi sa gbee mɛn wunmuan'n nun. Sran fi a nian-man be lika, sran fi a kunndɛ-man be .

Ezekiɛl 35:10

Kɛ bɔ a seli kɛ: «Izraɛl mɛn'n nin Zida mɛn'n be ´yo min liɛ'n yɛ e ´fa kaci e liɛ'n,» sanngɛ wuun Anannganman o lɛ'n,

Ezekiɛl 36:1

«Ɔ liɛ'n, klɔ sran, kan Izraɛl oka'm be wun ndɛ man min. Se be kɛ: ‹Izraɛl oka mun, amun `tie Anannganman i ndɛ'n!›

Ezekiɛl 36:5

Anannganman Nyanmiɛn wan yoo: ‹Nanwlɛ, kɛ n fa min ya dan'n, n fua n kle nvle kun nga mun. N fua n kle Edɔm nvle wunmuan'n kusu wie afin amun fali min mɛn'n be kacili amun liɛ, amun fɛnnin i nun nnɛn mun. Kɛ amun fɛn nnɛn sɔ mun'n, amun klun jɔli, amun klun ɔ'a ti-man amun kaan sa.›

Ezekiɛl 38:22

«N ´fa tukpacɛ b'ɔ sa ndɛndɛ nin alɛ'n m bu wɔ fɔ. N ´yo man nzue dan ɔ di wɔ nin wɔ sonja mun nin be kwlaa nga be o wɔ sin'n. N ´yo man nzraama bɔ kɛ nzue ´tɔ-ɔ ɔ gua'n, ɔ nin sufru b'ɔ lo fiaan be ´gua amun su .

Ezekiɛl 39:11

«I cɛn sɔ'n nun'n, m ´man Gɔg i lika kun Izraɛl lɔ, be ´sie sran'm be fuɛn nun. Lika sɔ'n be flɛ i wlan-wlanfuɛ'm be kongo. Ɔ o jenvie b'ɔ ti njin nzue klakla'n i bue ng'ɔ kpɛ wia afiliɛ lɔ'n su. Ɔ ´kata be nga be sin'n be atin. Lɛ yɛ be ´sie Gɔg nin i minniɛn kpanngban mun-ɔn, yɛ be wa flɛ i kɛ Gɔg I Sran Kpanngban Mun Be Kongo.

Amɔs 1:11

Anannganman'n wan yoo: «Edɔmfuɛ'm bé sa tɛtɛ nga b'a yo'n sɔnnin. Tokofi o bé sa nun yɛ be fa fuan be niaan Izraɛlfuɛ mun-ɔn. B'a si-man be aunnvuɛ mlɔnmlɔn. Be ya ti tɛ ngboko. Be fali ya ble be sieli be klun mlɔnmlɔnmlɔn. Ɔ man e nin be y'a nyɛn i.

Mise 4:12

Sran sɔ'm be si-man sa nga Anannganman ɔ'a gugu ɔ'a sie'n. Be si-man like ng'ɔ o i klun kɛ ɔ ´yo'n. Be si-man kɛ ɔ su tian bé nuan kɛ ble sɔlɛ bɔ be su wa kpukpu be ble bolɛ lika'n su'n sa.

Sofoni 3:8

I sɔ'n ti min waan: «An `tran lɛ be minndɛ min man n kan sa tɛ nga an yoli mun n kle amun afin m'an gugu kɛ n ´yiayia nvle-nvlefuɛ mun nin famiɛn'm be mɛn'n be nunfuɛ mun nan ya dan nga n fali'n, n ´yo i nuan like m ´man be. Min ya dan ng'ɔ jue kɛ sin sa'n, ɔ ´di asiɛ wunmuan'n.»

Sa nglô yile 11:18

Ya kunnin mɛnmɛnfuɛ mun, yɛ ɔ kusu ɔ ya falɛ'n nin be nga be wuli'n be jɔlɛ dilɛ'n ɔ'a ju. Ɔ sran bɔ be ijɔ ɔ́ nuan'n nin be nga be ti ɔ liɛ'n, bɔ be sro wɔ'n, sɛ be ti sran bɔ be lɛ nyrun o, sɛ be lɛ-man nyrun o, cɛn nga a ´yo be mo'n ɔ'a ju. Cɛn nga a ´nunnun be nga be saci asiɛ'n ɔ'a ju .»

Sa nglô yile 16:14

Be ti asiɛ usu, be yi atrɛ. Be kɔ asiɛ'n su famiɛn'm be kwlaa bé sin kɛ be `yia nan be kun alɛ Anannganman Nyanmiɛn b'ɔ kwla like kwlaa yo'n i cɛn dan'n nun.

Sa nglô yile 16:16

Like nsan sɔ'n be yiali famiɛn mun lika nga Ebre nun be flɛ i Armagedɔn'n nun lɔ .

Sa nglô yile 16:6

Afin be kunnin ɔ sran mun nin ɔ́ nuan ijɔfuɛ mun, ɔ man mmoja nga a fa mannin sran kunfuɛ sɔ mun'n be kɛ be nɔn'n, ɔ ti su .»

Sa nglô yile 20:8

Ɔ ´ko lakalaka nvle-nvlefuɛ'm be kwlaa, ɔ ´yiayia be kwlaa kɛ be wa kun alɛ. Be flɛ be Gɔg nin Magɔg, be sɔnnin kɛ jenvie nuan aunnyan'n sa .