Zoɛl 2:8 - NYANMIƐN NDƐ'N 1998

⁸ Wie fi su-mɛn i wiengu bo, sran nga nanti i atin liɛ'n su, nga nanti i atin liɛ'n su. Lika nga be sin nun lɛ-ɔ ɔ yo-man ye'n, be fa bé wun be tin lɛ fii be sin, like fi kwla jran-man be.

Zoɛl 2:8 ပူးပေါင်းရင်းမြစ်များ

2 Be Nyoliɛ 23:10

Ɔ man sran'm be kwlakwla be jranjrannin sua'n i fama su lele fa juli i bɛ su. Be mantannin Nyanmiɛn sɔwlɛ'n nin sua'n. Be niannin famiɛn'n su.

2 Be Nyoliɛ 32:5

Ezekias nyannin anwlɛn, ɔ man ɔ wlawlali klɔ'n i wun talɛ'n i lika nga be ti bubuwa'n be nun. Ɔ sali klɔ'n i sasawlɛ lika'm be su be yoli fleiin kpa trali laa'n. Ɔ sili klɔ'n wun nin talɛ kun ekun. Lika nga be flɛ i Milo'n, b'ɔ o David Klɔ lɔ'n, ɔ sili i wun kpa. Yɛ ɔ man be yoli cua nin nyrɛn mun kpanngbangban kpa.

Neemi 4:17

E nin min niaan, nin min sufuɛ, nin min sasafuɛ nga be su min su'n, e wie fi e yi-man e tralɛ'n. E alɛ'n ninnge'n nin nzue jaso-man é sa nun.

Zɔb I Nyrɛnnɛn Wunlɛ 33:18

Kɛ ɔ ´yo nan b'a wu-man'n ti. Kɛ ɔ ´yo nan sran ɔ'a fa-man tokofi ɔ'a kun-man be'n ti.

Zɔb I Nyrɛnnɛn Wunlɛ 36:12

Sɛ be waan be kplin-man su'n be ´fa tokofi be ´kun be. Be ´ka be sinnzin'n nun be ´wu.

Nyanndra Mun 30:27

Lalo'm be lɛ-man famiɛn, sanngɛ kpɛkuun be ´fite kɔ lika-a, be sin akpasua-akpasua.

Ngɔjue Fɛfɛ Kpa'n 4:13

A ti nɔnman-nɔnman kɛ grenadie bɔ be nyin klanman fie'n nun, bɔ be mma'm be ti nɛnkɛn-nɛnkɛn kpa'n sa. Ene nin nar waka'm be fifi fie sɔ'n nun wie.

Ezai 5:27

I sran'm be liɛ'n, ɔ lɛ-man kɛ b'a fɛ, be cuɛn-cuɛn-man like ase. Be tɔ-man ngwlɛ, be lafi-man, bé bo kplo'n kwlaa ɔ ci bé bo, bé ja ngbabua'm be nyanman'n kwlaa ti ciciwa.

Zoɛl 2:7

Be wanndi kɛ safunyrɛn'm be sa, be fu klɔ'n wun talɛ'n su kɛ alɛ kunfuɛ mun sa. Nga fɛ i nyrun atin liɛ trele, nga fɛ i nyrun atin liɛ trele, be kpaci-man.

Zoɛl 2:9

Be sanndi klɔ'n nun. Be fu klɔ'n i wun talɛ'n su be wanndi su. Klɔ'n wun talɛ'n, be fu su. Be wluwlu sua'm be nun, be sin fenɛtri'm be nun kɛ awiefuɛ'm be sa.