Zoɛl 2:6 - NYANMIƐN NDƐ'N 1998

⁶ Kɛ be ´ba'n, sran'm be usu sa tutututu, kpɛkuun be nyrun'n ɔ ka lɛ kacili srɛ bɔ kun be'n ti.

Zoɛl 2:6 ပူးပေါင်းရင်းမြစ်များ

Jue Mun 119:83

Siɛn'n, m'an yo kɛ kplo kotokun wie bɔ be sie i sin wɛnsrɛn nun sa , sanngɛ n wla fi-man sa nga ɔ waan be `yo'n i su.

Ezai 13:8

Srɛ'n ɔ'a kun be kpo. Be wunnɛn'n ɔ'a yo be sa zizrizi, bé kplo'n nun yo be ya, be kluklu kɛ bla bɔ ɔ'a koto awuliɛ'n sa. Be nian be wiengu siin, srɛ kun be, bé nyrun'n ɔ'a kpa fuaii.

Zeremi 30:6

Amun `usa-usa be nian, sɛ yasua ɔ'a cinnjin ɔ'a wu ba le o. ?Yɛ wuun ɔ yo sɛ ti yɛ yasua'm be lɛ be wi'n nun kɛ wunnzɛfuɛ bɔ ba wulɛ ɔ'a to i sa nin-ɔn? ?Ɔ yo sɛ ti yɛ be nyrun'n wa yo sukusuku sɔ-ɔ?

Zeremi 8:21

Kannin ng'ɔ tuli min nvlefuɛ mun'n ɔ'a bo min wla dan. N wo afɛ nun. N wun-man min wun fɛ kun.

Ngwlɛ Yilɛ 4:8

siɛn'n b'a lu ble kɛ bunnde. A wun be-ɔ a wun-man be sran wlɛ kun. Be wunnɛn kplo'n bɔ cɛ yɛ ɔ sɛ be owie'n su-ɔ. Be kplo sɔ'n ɔ'a yo kokloko kɛ bui sa.

Naɔm 2:10

Be `fɛn jɛtɛ ufue'n nin sika ɔkwlɛ'n. Klɔ'n su aunnyan'n su wie-man le, afin ninnge kpakpa'm be yi klɔ'n piɛ!

Naɔm 2:11

Be de ninnge mun, be saci-saci be, be fɛn be! Sran'm bé sa sin ɔ'a bubu be, be jran bé ja'm be su-ɔ, ɔ jran-man kun, be usu sa kpɛkpɛkpɛ, kɛ a wun be nyrun'n a si kɛ srɛ kun be .