Zoɛl 2:25 - NYANMIƐN NDƐ'N 1998

²⁵ Anannganman'n waan: «Amun ninnge nga be sacili'n, n ´sie be osu. Amun fie su ninnge nga ndro'm be dili, nga lalo'm be wa sacili be'n, nga klannan nin aɛcɛ mun be dili'n, i sɔ ninnge liɛ nga kakaa fa ɔklɔɔ nga n sunmannin be'n be wa sacili be'n, n ´sie be kwlaa be osu.

Zoɛl 2:25 ပူးပေါင်းရင်းမြစ်များ

Ezipt Lɔ Tulɛ'n 10:5

Be wa kata asiɛ wunmuan'n su sa tuun, ɔ man be su wun-man asiɛ ba kpa'n kun, ninnge nga be luali annzɛ nga be tali'n, nga bɔ nzraama'n ɔ'a saci-man be'n, lalo'm be wa saci i kaan sɔ'n ngba. Be wa di bo nun waka'm be nnya'n kwlakwla.

Zeremi 46:23

Ɔliɛ Ezipt lɔ bo ble'n bɔ be wlu nun-ɔn, ɔ wlu-man'n, Eziptfuɛ sɔ'm be kpɔfuɛ'm be su bubu i nun waka'n. Afin be sɔnnin kekleke, ɔ waan lalo mun-ɔn, be ka be-ɔ ɔ yo-man ye.

Zakari 10:6

N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

Malasi 3:11

M man-man kakaa'm be atin be di-man amun fie'm be su ninnge mun. Vinyi'm be kusu be su ka-man lɛ ngbɛn, be ´su. M bɔbɔ min Anannganman bɔ n sie mɛn wunmuan'n, min yɛ n fua n kle amun sɔ-ɔ.