Zoɛl 2:23 - NYANMIƐN NDƐ'N 1998

²³ Siɔnfuɛ mun amun kusu, man amun klun jɔ, man amún wun blibli amun Anannganman amun Nyanmiɛn'n i dunman nun. Afin kɛ ɔ ko tɔ nzue nga amun fa di amun fie'm be su junman'n, bɔ wawa'n ju i kɔmin su'n, ɔ ´tɔ kɔnguɛ nzue'n ´man amun.

Zoɛl 2:23 ပူးပေါင်းရင်းမြစ်များ

1 Famiɛn Mun 8:36

kɛ a o nyanmiɛn su lɔ'n, tɛ be su, yɛ yaci bé wun sa'n cɛ be, afin be ti ɔ sufuɛ mun nin ɔ nvle nunfuɛ mun. I sin, kle be atin kpa'n man be fa su. Yɛ yo man nzue tɔ asiɛ bɔ a fa mannin be'n su, afin ɔ ti bé aja like yɛ a fa mannin be-ɔ.

Zɔb I Nyrɛnnɛn Wunlɛ 33:23

Sɛ anz kpanngban nga be nanti Nyanmiɛn nin sran be afiɛn'n be nun kun nin i o nun'n, ɔ kle i atin ng'ɔ ti b'ɔ `fa su'n.

Zɔb I Nyrɛnnɛn Wunlɛ 37:13

Blɛ'n wie ɔ fa tu sran'm be fɔ, blɛ'n wie kusu ɔ fa yo be ye.

Jue Mun 104:34

Man jue nga n ´to'n ɔ yo i fɛ! Kɛ bɔ ɔ ti min Nyanmiɛn'n ti'n, n klun jɔ lele kpe nun.

Jue Mun 147:8

Nzue b'ɔ mlan nyanmiɛn'n b'ɔ la nglo lɔ plaii'n su'n, i yɛ ɔ mlɛn i-ɔ. Nzue ng'ɔ ko tɔ asiɛ'n su'n, i yɛ ɔ siesie yɛ man ɔ tɔ-ɔ. Ijre b'ɔ fifi oka'm bé su'n, i yɛ man ɔ fu-ɔ.

Jue Mun 149:2

Izraɛlfuɛ mun, man amun klun jɔ i b'ɔ yili amun'n i dunman nun. Man Siɔnfuɛ'm bé wun kpaja be be famiɛn'n ti .

Jue Mun 28:7

Ɔ man min wunmiɛn, yɛ ɔ sasa min. N fa min wun n wlɛ i sa nun, kpɛkuun i kusu uka min. Ɔ man min klun jɔ yɛ n to jue n fa mɛnmɛn i.

Jue Mun 32:11

Nyanmiɛn sufuɛ nanwlɛfuɛ mun, man amun klun jɔ, man amun wun kpaja amun Anannganman ti. Sran kpa mun, amun klun b'ɔ ti jɔwa'n ti, an `bo sro!»

Jue Mun 84:6

Be nga be fia ɔ sin'n, be liɛ su ti ye! Be atin nga be fa'n, bé su ti wein-wein.

Nyanndra Mun 16:15

Kɛ a wun srilɛ puɛpuɛ famiɛn'n nuan'n, wuun ɔ ti kɛ i mɛn'n nun sran'm be di alaje yɛ i aklunye'n ɔ ti kɛ nzue b'ɔ tɔ jɔ lika'n sa.

Ezai 30:21

Sɛ fama su annzɛ bɛ su yɛ ɔ fata kɛ amun wɔ'n, amun wa ti aniɛn kun b'ɔ ´kpan su amun su. Ɔ ´se kɛ: «Atin'n yɛ ɔ o yɛ, amun `fa su.»

Ezai 30:23

Kpɛkuun Anannganman ɔ ´yo man nzue ´tɔ ninnge nga amun luali'm be su. Yɛ amun ´nyan aliɛ b'ɔ ti kpa, amun ´nyɛn i kpanngban kpa. I blɛ sɔ nun'n, lika nga amun nnɛn'm be didi nun'n, be ´yo tɛtrɛ kpa.

Ezai 41:16

sɛ n ´kwla se'n, amun wa kpaja be nun kɛ awie sa, seke kun wa sanndi-sanndi be nun, yɛ aunngban'n ´fa be kɔ. Sanngɛ amun liɛ'n, amun klun wa jɔ Anannganman ti, amun wa fa Izraɛl Nyanmiɛn'n ´di amun nuan.

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Zeremi 3:3

I ti nzue'n ɔ'a tɔ-man. Wawa nun nzue'n ɔ'a tɔ-man. Sanngɛ ɔ waan san tekle'n cɛ yɛ a ´bo-ɔ, nán nyan yɛ a ko sa-a.

Zeremi 5:24

An bu-man akunndan se-man kɛ: ‹Man e nyin yi Anannganman e Nyanmiɛn'n, afin i yɛ kɛ nzue'n ju i blɛ'n, ɔ tɔ man ye-ɔ. Ɔ tɔ nzue klikli nin afuɛ nuan nzue kasiɛn'n. I yɛ man afuɛ nuan kwlakwla e nyan blɛ e ti e fie su ninnge mun-ɔn.›

Ngwlɛ Yilɛ 4:2

Siɔnfuɛ'm bɔ be ti kɛ sika ɔkwlɛ jrɛiin sa'n, yɛ andɛ b'a yo wannzo kɛ fa talie ngbɛn wie sa yɛ ! Cuekee!

Ezekiɛl 34:26

N ´yaci be lɛ be ´tran min oka'n i wun lɛ. N ´yo man nzue'n ɔ ´tɔ i tɔlɛ blɛ'n nun, yɛ ɔ wa yo be muae like.

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Saun Yolɛ 26:4

min kusu sɛ nzue'n i tɔlɛ'n ju-ɔ, n ´tɔ i m ´man amun nan fie'm be `yo ye nan waka'm be kusu be `su kpa.

Amɔs 4:7

Kɛ ble kpɛlɛ blɛ'n ka sra nsan nan ɔ'a ju'n, yɛ n jrannin nzue'n amun su-ɔ. N tɔli nzue'n klɔ wie'm be su. Klɔ wie'm be kali lɛ. Nzue'n tɔli fie wie'm be su, sanngɛ wie'm be kali lɛ, be wuli kee.» Anannganman'n yɛ ɔ kan sɔ kle amun-ɔn.

Zakari 10:1

An `srɛ Anannganman man nzue'n `tɔ munngun nun. Afin nzue dandan nga be tɔ'n, i yɛ ɔ tɔ be-ɔ. Ɔ ´tɔ nzue dan kpa ´man amun nan amun kwlaa amun fie'm be su ninnge be `wla nnya klanman kpa.

Zakari 10:7

Efraimfuɛ'm be ´yo kɛ safunyrɛn mun sa, be klun'n ´jɔ kɛ sran bɔ b'a nɔn nzan'n sa. Kɛ be mma'm be wun i sɔ'n, ɔ ´yo be fɛ, min Anannganman n dunman nun ti be klun ´jɔ.

Zakari 9:13

Min ta bɔ n to'n yɛlɛ Zida, m'an cuɛn nun m'an sie. I su ta mma'n yɛlɛ Efraim, m'an fa sie ta'n su. Siɔn, n wa su ɔ nunfuɛ'm be bo kɛ be nin Zavanfuɛ'm be `ko kun. I sran sɔ'm be wa yo min sa nun kɛ safunyrɛn wie sa nun tokofi sa.»

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Sa nga bé yôli'n 14:17

Ɔ nin i sɔ'n ngba'n, ɔ'a yaci-mɛn i wun nglo yilɛ sa kpakpa b'ɔ yo be'n be nun, ɔ man nzue'n tɔ, yɛ amun fie'm be yo ye, ɔ man amun aliɛ kpanngban, yɛ ɔ man amun klun jɔ.»

Mmla'n 11:14

ɔ ju i blɛ-ɔ, ɔ ´tɔ nzue amun asiɛ'n su. Ɔ ´tɔ junman yolɛ blɛ nzue'n, nin wawa nzue'n. Ɔ man amun ´nyan ble, nin nzan, nin ngo kaka.

Mmla'n 28:12

Anannganman ´tike i ninnge kpakpa'm bé su ´man amun. Ɔ ´tike nyanmiɛn su nzue'n, kpɛkuun kɛ nzue tɔlɛ blɛ'n ɔ ju'n, ɔ ´tɔ i nan ninnge nga amun ´yo be'n be yo ye. Amun ´bo nvle sunman be bosia, sanngɛ amun liɛ'n, amun su usa-man afɛ le.

Mmla'n 32:2

Man like nga n kle sran mun'n, ɔ yo kɛ nzue yɛ ɔ su tɔ sa. Man min ndɛ nga n kan be mun'n, be yo kɛ nglɛmun bɔlɛ'n b'ɔ gua'n sa. Man be yo kɛ nzue b'ɔ gua nnya'm be su'n sa. Man be yo kɛ nzue b'ɔ gua ijre'm be su'n sa.

Filipfuɛ Mun 3:1

N niaan mun, min ndɛ'n i atabo'n yɛ: sran wunmuan bɔ amun nin e Min'n ti'n ti'n, man amun klun jɔ. Ndɛ nga n klɛ blɛli amun laa'n, kɛ n ´klɛ blɛ amun ekun'n, ɔ ti-man min afɛ, yɛ sɛ n yo sɔ man amun-ɔn ɔ ti kpa.

Filipfuɛ Mun 3:3

E yɛ e wla klɛn kpa nin-ɔn, afin e su Nyanmiɛn i Wawɛ'n i fanngan nun, e fa Krist-Jésus di é nuan, e fa-man é wla gua-man e wafa nga e ti'n su.

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .