Zoɛl 2:22 - NYANMIƐN NDƐ'N 1998

²² Nnɛn mun, nán amun koko kun, aawlɛ'n nun lɔ ijre nga an di'n be su fu. Waka'm be su su mma, figie nin vinyi'm b'a su kpa.

Zoɛl 2:22 ပူးပေါင်းရင်းမြစ်များ

Bo Bolɛ 4:12

I sɔ'n ti a wa di asiɛ'n su junman lele ngbɛn, a su nyan-man nun like fi. A wa yo finfinfuɛ, a wa wlan-wlan sa daan lika'n nun cɛn'n kwlaa.»

Jue Mun 36:6

Anannganman, ɔ klun-ufue'n ti dan lele kpe nun. I kunngba'n, a ti nanwlɛfuɛ dan.

Jue Mun 65:12

A yo man afuɛ b'ɔ boli i bo kpa'n, i nuan'n ɔ'a yia klanman. Kan a sin lɛ'n, lɛ ninnge'm be yo ye lele kpe nun.

Jue Mun 65:13

Nnɛn'm be didiwlɛ nga be o blo lɔ'n, be kusu be yo ye. Sran'm be klun b'ɔ jɔ'n ti be kpan bo sin yia kpɔlɛkpɔlɛ kanngan mun pɛ.

Jue Mun 67:6

Ee Nyanmiɛn, sran'm be manman wɔ, nvle'm be nunfuɛ'm be kwlaa be manman wɔ.

Ezai 51:3

Anannganman wa fɔnvɔ Siɔnfuɛ mun, be lika'm bɔ be bubuli'n ti be ´yo i annvɔ. Ɔ ´yo man be lika nga ɔ'a kaci kɛ aawlɛ flɛnnɛn sa'n, ɔ ´yo kɛ Edɛni lika'n sa. Yɛ ɔ ´yo man lika kee sɔ'n ɔ ´kaci kɛ i bɔbɔ Anannganman i fie'n sa. Siɔnfuɛ'm be ´bo sro, be klun ´jɔ. Be ´to Nyanmiɛn manmanlɛ jue mun, yɛ be ´bo ninnge nga be tɛ mun be ´fa yi Nyanmiɛn i ayɛ.

Ezekiɛl 36:30

N ´yo man amun waka'm be ´su mma kpanngban, yɛ amun fie'n su ninnge'm be ´sɔn, kɛ ɔ ´yo nan awe'n ɔ'a kuakua-man amun kun mɛnfuɛ'm be afiɛn'n ti.

Ezekiɛl 36:35

Be ´se kɛ: ‹Mɛn ng'ɔ sacili mlɔnmlɔn'n ɔ'a kaci kɛ Edɛni fie'n sa, yɛ i klɔ nga be sacili bɔ be tɔli srolo'n, bɔ be bubuli'n, b'a si bé wun yɛ b'a tran nun.›

Ezekiɛl 36:8

Yɛ amun li, Izraɛl oka mun, waka'm bɔ be bua amun su'n be yɛ be wa su mma be ´man amun Izraɛlfuɛ bɔ be ti min sran mun nin-ɔn.

Zonas 4:11

Yɛ Niniv b'ɔ ti klɔ dan, bɔ sran akpi-akpi ya sran akpi-akpi ablaɔn (120.000) bɔ be wun-man sa wlɛ'n, be o su'n, ɔ nin nnɛn beblebe'n, yɛ min yɛ n ko si-man be aunnvuɛ-ɔ?»

Ndɛ Nga Nyanmiɛn I Nuan Ijɔfuɛ Aze Kannin'n 2:16

?Nguɛ sa yɛ ɔ tɔli amún su laa? ?Kɛ sran kun waan ɔ su ko fa ble kilo ablaɔn'n, nán kilo blu cɛ yɛ ɔ nyɛn i tanngannin'n nun lɔ-ɔ? ?Kɛ i waan ɔ su ko sa nzan litri ablenun nzan sɛ'n nun'n, nán litri ablaɔn cɛ yɛ ɔ nyɛn i-ɔ?

Zakari 8:12

N ´yo man sran'm bé wun ´tɔ be fɔuun. Vinyi'm be ´su, fie'm be ´yo kpa, nzue'n ´tɔ. Nɛnnɛn nga n ´fa di Izraɛlfuɛ nga be kali'n, yɛ ɔ o lɛ-ɔ.

1 Korɛntfuɛ Mun 3:7

I sɔ'n ti, sran ng'ɔ ta'n nin sran ng'ɔ gua su nzue'n be lɛ-man dunman, sanngɛ Nyanmiɛn b'ɔ man ɔ yo kpa'n i yɛ ɔ lɛ dunman nin-ɔn.