Zoɛl 2:21 - NYANMIƐN NDƐ'N 1998

²¹ Asiɛ'n sufuɛ mun, nán amun koko kun, man amun klun jɔ. Afin Anannganman'n su di junman dandan, i ti, man amún wun blibli amun.

Zoɛl 2:21 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Jue Mun 71:19

Ee Nyanmiɛn, ɔ sa bɔ a yo i nuan su'n ti, ɔ dunman'n ɔ'a fu. Ɔ sa nga a yo be'n be ti dandan. Nyanmiɛn, a lɛ-man wunsu.

Jue Mun 98:8

Sɛ n ´kwla se'n, man nzue ba'm be bo ndɛ, man oka'm be bo sro likawlɛ

Ezai 35:1

Man aawlɛ flɛnnɛn'n nin asiɛ'n b'ɔ yo-man like ye'n, be klun jɔ. Man aawlɛ flɛnnɛn'n i wun kpɛjɛ i, man i nun ijre'm be bo nyrɛ.

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 44:23

Nglo lɔ lika mun, amun `bo ndɛ! Afin min Anannganman m'an di junman. Asiɛ'n bo lɔ lika mun, amun `bo sro. Oka mun, amun `bo ndɛ. Bo mun, amun nin amun nun waka mun, amun kusu, amun `bo ndɛ. Afin min Anannganman m'an kpɔ Zakɔb osu'n nunfuɛ'm be ti, yɛ m'an yi Zakɔb i nyrun b'ɔ lɛ i'n i nglo Izraɛl mɛn'n nun.»

Ezai 54:4

Nyannzuɛn su kun-man amun, i sɔ'n ti nán amun klun titi amun. Amun su sokpa-man, i sɔ'n ti nán amún sa sin bubu amun. Amún wla wa fi nyannzuɛn bɔ amun wunnin i amun kaan nun'n i su. Yɛ amún wla su kpɛn-man nyannzuɛn bɔ amun wunnin i blɛ bɔ amun kacili kɛ angboti bla mun sa'n i su.

Ezai 55:12

Nanwlɛ, kɛ amun ´fin Babilɔni lɔ fite'n, amun klun ´jɔ, be ´fa amun ba amún mɛn'n nun wɛtɛɛ su. Sɛ oka mun nin kpɔlɛ mun be ti sran'n, wuun n ´se kɛ be ´bo sro, yɛ sɛ blɔ lɔ waka'm be ti sran'n, wuun n ´se kɛ be ´bo ndɛ.

Zeremi 33:3

«Flɛ min, yɛ n ´tɛ wɔ su. M ´bo sa dandan kpa'm be su n ´kle wɔ. Sa nga a si-man be'n, m ´bo be su n ´kle wɔ.

Ndɛ Nga Nyanmiɛn I Nuan Ijɔfuɛ Oze Kannin'n 2:21

Jalɛ nga n ´ja wɔ yɛ'n, n su yra-man wɔ le. Ɔ ´yo nanwlɛ su. N ´klo wɔ, n ´si wɔ aunnvuɛ.

Zoɛl 2:20

Amun kpɔfuɛ nga be fin mɛn'n i nglo lɔ be bali'n, n ´fuan be. N ´kankan be bo ´kɔ mmua, be ´kɔ aawlɛ flɛnnɛn'n i wun lɔ. Be nga be dun mmua be nyrun'n, n ´su be n ´guɛ i jenvie ng'ɔ ti njin nzue klakla'n nun. Be nga be o siɛn'n, n ´su be n ´guɛ i jenvie bɔ be flɛ i Mediterane'n nun. Be fuɛn'm be ´bɔn tɛ, be bɔnlɛ'n ɔ ´de lika'n kwlaa.» Be nga be kleli amun nyrɛnnɛn'n, kɛ be awieliɛ'n ɔ ´wie be kɛ nga sa .

Zoɛl 2:26

Amun ´di like lele amun ku'n ´yi. Amun ´manman min Anannganman bɔ n ti amun Nyanmiɛn bɔ n yo like kpakpa m man amun'n. Kɛ ɔ fin ndɛ'n, min sran'm be nyin su gua-man ase kun.

Zakari 8:15

Siɛn'n, m'an fa akunndan uflɛ. N wa yo Zerizalɛmfuɛ mun nin Zida osu wunmuan'n be kpa. I ti nán srɛ kun amun kun.

Mmla'n 4:32

Amun `bu sa nga be juli lalafuɛ nun'n i sin nan b'a wu amun'n i akunndan. ?Kɛ ɔ fin cɛn bɔ Nyanmiɛn boli sran jrɛli i asiɛ'n su'n, yɛ kɛ ɔ fɛ i asiɛ'n i bue kun lele b'ɔ ´fa guɛ i bue kun ekun lɔ'n, sa dan kɛ nga sa ɔ'a ju le? ?B'a kɛn i sɔ ndɛ amu'an ti i le?

1 Samiɛl 12:16

Amun `tran wa be nian abonuan sa nga Anannganman ɔ wa yo kle amun'n.

1 Samiɛl 12:24

Amun kusu amun nyin `yi Anannganman, amun nian nun be su i nanwlɛ su. An `bu sa dandan ng'ɔ yoli mannin amun'n be akunndan.