Zoɛl 2:20 - NYANMIƐN NDƐ'N 1998

²⁰ Amun kpɔfuɛ nga be fin mɛn'n i nglo lɔ be bali'n, n ´fuan be. N ´kankan be bo ´kɔ mmua, be ´kɔ aawlɛ flɛnnɛn'n i wun lɔ. Be nga be dun mmua be nyrun'n, n ´su be n ´guɛ i jenvie ng'ɔ ti njin nzue klakla'n nun. Be nga be o siɛn'n, n ´su be n ´guɛ i jenvie bɔ be flɛ i Mediterane'n nun. Be fuɛn'm be ´bɔn tɛ, be bɔnlɛ'n ɔ ´de lika'n kwlaa.» Be nga be kleli amun nyrɛnnɛn'n, kɛ be awieliɛ'n ɔ ´wie be kɛ nga sa .

Zoɛl 2:20 ပူးပေါင်းရင်းမြစ်များ

2 Famiɛn Mun 8:13

Azaɛl waan: «Aa! ?N ti nzu, alua sran ngbɛn kɛ min sa'n yɛ n kwla yo sa kekleekle kɛ nga sa mun-ɔn?» Elize tɛli i su kɛ: «Anannganman yili i nglo kleli min kɛ a wa yo Sirifuɛ'm be famiɛn.»

Jue Mun 126:3

Anannganman yoli sa dan mannin ye sakpa, ɔ man aklunjuɛ'n ɔ'a yi e piɛ.

Ezipt Lɔ Tulɛ'n 10:19

Anannganman yoli man aunngban dan kpa kun fitali, ɔ fin wia atɔliɛ lɔ, ɔ wa fali lalo mun ɔli ɔ ko guali jenvie'n nun lɔ.

Ezipt Lɔ Tulɛ'n 8:14

Ezipt lɔ atrɛ yifuɛ'm be nin be tinwa bɔ be waan b'a tin'n i ngba'n, b'a kwla yi-man kplekple'n wie. Kplekple'm be trannin sran nin nnɛn'm be su.

Ezai 34:3

Be nga like nyannin be'n, be ´tru asiɛ wun lɛ. Saka'm be ´bɔn fiaan. Be mmoja'n sonji oka'm be su.

Ezekiɛl 47:18

Wia afiliɛ lɔ anyialiɛ liɛ'n, ɔ ´fɛ i lika b'ɔ o Damas nin Avran be afiɛn'n, ɔ ´fa Zurdɛn kongo'n su Galaad lika nin Izraɛl mɛn'n be afiɛn, yɛ ɔ ´kɔ Tamar jenvie b'ɔ ti njin nzue klakla'n su lɔ. Wia afiliɛ lɔ anyialiɛ'n yɛlɛ ng'ɔ o lɛ'n.

Amɔs 4:10

«N fali tukpacɛ tɛ bɔ sa ndɛndɛ'n n yili amun su kɛ Eziptfuɛ'm be liɛ laa'n sa. N yoli man amun kpɔfuɛ'm be kunnin amun gbanflɛn mun, be trali amun nnɛn kpanngɔ mun ɔli. Amun ngblaliɛ'm be nun fuɛn bɔ be bɔn'n, ɔ wluli amun bue nun. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Zakari 14:8

Blɛ sɔ nun'n, nzue nyinma kun ´tɛ Zerizalɛm, ɔ ´sonji. I bue ´kɔ jenvie ng'ɔ o wia afiliɛ lɔ lika'n nun, i bue kusu ´sonji kɔ jenvie kun ng'ɔ o wia atɔliɛ lɔ'n nun. Wawa nun o, munngun nun o, kɛ ɔ'a nyan sonjilɛ'n, yɛ ɔ'a nyɛn i-ɔ.

Malasi 3:11

M man-man kakaa'm be atin be di-man amun fie'm be su ninnge mun. Vinyi'm be kusu be su ka-man lɛ ngbɛn, be ´su. M bɔbɔ min Anannganman bɔ n sie mɛn wunmuan'n, min yɛ n fua n kle amun sɔ-ɔ.

Mmla'n 11:24

Lika kwlaa bɔ amun ja tia lɛ'n, ɔ ti amun liɛ. Amun mɛn'n ´fɛ i aawlɛ flɛnnɛn b'ɔ o ngua lɔ'n nun lele fa ju nglo lɔ lika nun Liban lɔ. Kpɛkuun ɔ ´fɛ i wia afiliɛ lɔ nzue ba dan bɔ be flɛ Efrat'n i nuan lɔ lele ɔ fa ju wia atɔliɛ lɔ jenvie bɔ be flɛ i Mediterane'n i nuan.