Zoɛl 2:18 - NYANMIƐN NDƐ'N 1998

¹⁸ Anannganman klo i mɛn'n dan, i sran'm be yo i annvɔ.

Zoɛl 2:18 ပူးပေါင်းရင်းမြစ်များ

2 Famiɛn Mun 19:31

Sran onga kaan nga be wa ka lɛ'n be ´trɛ Zerizalɛm wa, yɛ be kaan nga be fiteli nun'n, be ´sɔn kaka kpa Siɔn oka'n su. Like nga bɔ Anannganman i klolɛ dan b'ɔ klo amun'n ti ɔ ´yo'n yɛ ɔ o lɛ-ɔ.

Jue Mun 103:13

Kɛ siɛ kun fa si i mma'm be aunnvuɛ ju'n yɛ Anannganman kusu fa si be bɔ bé nyin yi'n be aunnvuɛ-ɔ.

Jue Mun 103:17

Sanngɛ Anannganman yo be bɔ bé nyin yi i'n be ye tititi, nán ndɛ sa yɛ ɔ sɔtɔ i sɔ yolɛ-ɔ. Yɛ ɔ yo sa ng'ɔ ti i nuan su'n man be mma mun nin be klun ba liɛ mun .

Ezai 37:32

Sran nga be onga kaan be wa ka lɛ'n, yɛ be kaan nga be ´fite nun'n, be ´ka Siɔn oka'n su.» Like nga bɔ Anannganman i klolɛ dan b'ɔ klo amun'n ti ɔ ´yo'n yɛ ɔ o lɛ-ɔ.

Ezai 42:13

Anannganman ba kɛ safunyrɛn sa, ɔ siesie i wun kɛ alɛ kunfuɛ b'ɔ su ko kun alɛ'n sa. Ɔ bo sro, ɔ kpan, ɔ kwlɛ i kpɔfuɛ mun.

Ezai 60:10

Mɛn uflɛ nun mma'm be yɛ be ´kplan ɔ́ wun talɛ'n i uflɛ-ɔ, yɛ be famiɛn'm be wa su wɔ, kɛ n fali ya dan'n ti, n tuli wɔ fɔ, sanngɛ kɛ bɔ n yo sran'm be ye'n ti, n si wɔ aunnvuɛ.

Ezai 63:15

Kɛ a o ɔ sua klanman'n nun nyanmiɛn su lɔ'n, nian sa bɔ be ju e su'n. ?Ɔ klolɛ dan'n nin ɔ fanngan'n be o nin? Ɔ wun b'ɔ usu wɔ ye ti'n, yɛ aunnvuɛ bɔ a si ye'n, e wun-mɛn i sɔ kun.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Ngwlɛ Yilɛ 3:22

Anannganman i klun-ufue'n ɔ nian wie-man, i sran klolɛ'n ɔ tɛ o lɛ.

Zakari 1:14

Anz sɔ ng'ɔ nin min koko yalɛ'n seli min kɛ: «Ijɔ Anannganman b'ɔ sie mɛn wunmuan'n i nuan se kɛ: ‹Zerizalɛm nin Siɔn be klolɛ nga n fa klo be'n ti dan.

Zakari 8:2

«Klolɛ nga n fa klo Siɔn'n ti dan. M'an wu i ti kpo!» Anannganman b'ɔ sie mɛn wunmuan'n yɛ ɔ kan sɔ-ɔ.

JÉSUS-CHRIST I DYASIN FE'N BO LUC KLELI'N 15:20

Ɔ jao ɔli i si sin. Kɛ ɔ ´kɔ b'ɔ wa ju lɔ bɔ i si wunnin i mmua lɔ'n, ɔ yoli i annvɔ nan ɔ'a wanndi a ko tɔ i nun.

Mmla'n 32:16

Izraɛlfuɛ'm be fali nvle wie'm be nun amuɛn mun fɔkɔli i anwlɛn, be yoli tete sa mun ɔ man ya kunnin i.

Mmla'n 32:36

Anannganman wa jrɛn i nvle'n i sin. Ɔ wa si i sran'm be aunnvuɛ. Afin ɔ wun i kɛ be lɛ-man fanngan kun, yɛ be lɛ-man sran b'ɔ ´jran be sin-ɔn.

Mmla'n 32:43

Nvle-nvle mun, amun `bo ndɛ man Anannganman i nvle'n. Anannganman su tu i sufuɛ nga be kunnin be'n bé klunngbɔ'n. Ɔ su tu i kpɔfuɛ'm be fɔ. Ɔ'a yaci i mɛn'n i nunfuɛ'm bé wun sa'n ɔ'a cɛ be.»

Jacques 5:11

Be nga be jrannin kekle'n, e se kɛ be liɛ su ti ye. An tili Zɔb i anwlɛn b'ɔ trali'n yɛ an wunnin i agualiɛ nga e Min'n man ɔ guɛli i'n, afin sran yo e Min'n i annvɔ, yɛ ɔ si i aunnvuɛ .

Jɔlɛ Difuɛ Mun 10:16

Be guali nvle uflɛ'm be amuɛn ng'ɔ o be sa nun'n be blo, kpɛkuun be suli Anannganman. Kɛ Anannganman wunnin i sɔ'n, ɔ yaci be nyrɛnnɛn nun-ɔn, ɔ yo-man ye.