Zoɛl 2:17 - NYANMIƐN NDƐ'N 1998

¹⁷ Man Nyanmiɛn nyrun jranfuɛ'm bɔ be jrɛn i nyrun'n, be sun i sua'n i nyrun gbaun'n nin i sɔwlɛ'n be afiɛn'n nun lɛ. Man be srɛ Nyanmiɛn se kɛ: «Anannganman, ɔ sran mun yɛlɛ ye, si e aunnvuɛ. Ɔ liɛ yɛlɛ ye, nán yo man e wun nyannzuɛn nan nvle kun'm be nunfuɛ'm be srisri e be se kɛ: ‹?Ai, be Nyanmiɛn liɛ kpa'n, ɔ o nin?› »

Zoɛl 2:17 ပူးပေါင်းရင်းမြစ်များ

1 Famiɛn Mun 6:3

Sua'n i nyrun ala bo'n i tɛnndɛn nun'n ti mɛtri blu kɛ sua'n i tɛtrɛ nun'n sa, kpɛkuun i tɛtrɛ nun'n ti mɛtri nnun.

1 Famiɛn Mun 9:7

i liɛ'n, n ´kan amun bo mɛn nga n fa mannin amun'n i nun, yɛ sua nga n fali min dunman sieli su'n, n su bu-mɛn i like fi kun, kpɛkuun nvle'm be nunfuɛ'm be kwlaa be ´yo amun finfin, be ´srisri amun.

2 Be Nyoliɛ 7:20

n ´tu amun min mɛn nga n fa mannin amun'n nun, yɛ sua nga n fali min dunman n sieli su'n, n su bu-mɛn i like fi kun. Ɔ ´yo kɛ wannzo nin nyannzuɛn like sa nvle-nvle'm be nunfuɛ'm be kwlaa be nyrun .

2 Be Nyoliɛ 8:12

Kɛ ɔ fɛ lɛ'n, Salomɔn yi tɛ bɔ be yra be nnɛn'n kɔlikɔli'n man Anannganman. Ɔ yi be Anannganman bɔbɔ i sɔwlɛ'n b'ɔ kplɛnnin i i sua'n nyrun lɛ'n su.

Neemi 9:36

Asiɛ nga a fa mannin e nannan mun kɛ be di i su ninnge kpakpa mun'n, yɛ y'a yo kanga i nun yɛ.

Jue Mun 115:2

Ɔ yo sɛ yɛ man mɛn kun nga'm be nunfuɛ'm be usa kɛ: «?Ai, wuun be Nyanmiɛn liɛ kpa'n ɔ wo nin?» nin-ɔn

Jue Mun 42:10

N usa Nyanmiɛn b'ɔ ti kɛ yɛbuɛ sa bɔ n talo i'n kɛ: «?Ɔ yo sɛ ti yɛ ɔ wla ɔ'a fi min-ɔn? ?Ɔ yo sɛ ti yɛ a yo man min kpɔfuɛ'm be mianmian min bɔ mín wla'n ɔ bo min wun-ɔn?»

Jue Mun 42:11

Kɛ min kpɔfuɛ'm be ´yo min fiaan bɔ be ´usa min kɛ: «?Ɔ Nyanmiɛn'n wo nin'n?» Ɔ yo min ya lelee, kpɛkuun min owie nun yra min fiaan.

Jue Mun 42:3

N konvi sɔ Nyanmiɛn b'ɔ lafi-man'n i mantanlɛ'n kɛ nzue we kun sran b'ɔ kunndɛ nzue nɔn'n sa. ?Cɛn onin nan m'an ɔ Nyanmiɛn i sua'n nun lɔ nan m'an ju i nyrun ?

Jue Mun 42:4

Min nyinmuɛn'n yɛ ɔ'a kaci min aliɛ yɛ n di i nglɛmun nin nnɔsua-a, yɛlɛ kɛ sran'm be usa min kɛ: «?Ɔ Nyanmiɛn'n wo nin?»

Jue Mun 74:10

?Ee Nyanmiɛn, cɛn onin ko yɛ ɔ kpɔfuɛ'n ɔ ´yaci ɔ safle wɔlɛ-ɔ? ?Nan kɛ ɔ ´saci ɔ wun sa tititi?

Jue Mun 79:10

?Ɔ yo sɛ yɛ man aofuɛ'm be kwla usa kɛ: «Be Nyanmiɛn'n wo nin» nin-ɔn? Man be si kɛ ɔ sufuɛ nga be kun be'n, a tu be klunngbɔ. Man e kusu e wun i sɔ wie.

Jue Mun 79:4

Be nga be lika'm be mantan e wa'n, be kpɛ e nzowa. Be nga be mɛn'm be sin yia e liɛ'n, be yo e finfin, be srisri ye.

Jue Mun 89:41

A fitifitili i klɔ'n i wun talɛ'n. A bubuli i fiawlɛ sua mun.

Jue Mun 89:51

Min Min, nán ɔ́ wla fi kuakualɛ nga be kuakuali ɔ sufuɛ mun'n su. A si kɛ mín ti su yɛ nyannzuɛn sɔ'n i kwlakwla taka-a.

Ezipt Lɔ Tulɛ'n 34:9

I sin ɔ seli kɛ: «Sɛ ɔ waan a ´yo min ye sakpa'n, Anannganman, n ´srɛ wɔ, ɔ bɔbɔ a nin e wɔ. Ɔ ti nanwlɛ kɛ minniɛn nga'm be nyin ti kekle kpa. Sanngɛ yaci é wun sa'n nin é fɔnlɛ mun cɛ ye, sɔ e nun kɛ ɔ sran mun sa.»

Ezai 22:12

I cɛn sɔ nun'n, Anannganman b'ɔ sie mɛn wunmuan'n, ɔ seli amun kɛ amun `sun yɛ amun `la kondo, i waan amun `kpu amún ti'n su yɛ amun `wla bajɛ tralɛ.

Ezai 37:20

Anannganman e Nyanmiɛn, de ye Sankerib sa nun, man asiɛ'n su famiɛn diwlɛ'm be nunfuɛ'm be kwlaa be si kɛ wɔ Anannganman wɔ kunngba cɛ yɛ a ti Anannganman nin-ɔn.»

Ezekiɛl 20:9

Sanngɛ kɛ ɔ ´yo nan min dunman'n ɔ'a saci-man be nga be nin be tran lɛ'm bé afiɛn'n ti'n, n guali min ya i ase. Afin be tili i kɛ n seli be kɛ n ´fa Izraɛlfuɛ'm be Ezipt lɔ n fite.

Ezekiɛl 8:16

Ɔ fali min ɔli i sua'n i awlo'n klun lɔ. N ´nian-an, Nyanmiɛn i sua'n i anuan'n nun lɔ, sua'n i nyrun ala kaan'n nin Nyanmiɛn sɔwlɛ'n be afiɛn'n nun lɛ'n, sran ko ju ablaɔn-nin-nnun b'a kaci bé sin b'a si Nyanmiɛn i sua'n, bé nyin kpɛ wia afiliɛ lɔ, b'a koto be su su wia'n.

Ndɛ Nga Nyanmiɛn I Nuan Ijɔfuɛ Oze Kannin'n 14:2

Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

Zoɛl 1:13

Nyanmiɛn nyrun jranfuɛ mun, an `wla bajɛ tralɛ, amun `koko. Amun bɔ be jran Nyanmiɛn nyrun'n, an `bo awuyomo. Nyanmiɛn i junman difuɛ mun, an `tran awlaboɛ nun kɔnguɛ lele man aliɛ'n cɛn amun. Yɛlɛ kɛ like nga be fa ko mɛn i i sua nun lɔ'n, ɔ nin nzan nga be guɛ i ase be mɛn i'n, ɔ nun-man nun sɔ kun.

Zoɛl 1:9

Ninnge nga be fa ko man Anannganman i sua'n nun lɔ'n, ɔ nin nzan nga be guɛ i ase lɔ'n kwlaa ɔ'a wie siɛn'n. Ɔ man Nyanmiɛn nyrun jranfuɛ'm be o sɛ nun, Nyanmiɛn i sufuɛ nga be jrɛn i nyrun'n, be o sɛ nun.

Amɔs 7:2

Kɛ n ´nian bɔ lalo'm be su wa wie mɛn'n nun ijre'n kwlaa di'n, yɛ n seli kɛ: Anannganman Nyanmiɛn, Zakɔb osu nunfuɛ'm be ti kaan ngboko, sɛ w'a yaci-man bé wun sa'n a cɛ-man be'n, be ´wie nunnun.

Amɔs 7:5

Yɛ min waan: Anannganman Nyanmiɛn, n ´srɛ wɔ, yaci i sɔ. Zakɔb osu'n ti kaan ngboko, ɔ'a yo-man sɔ-ɔ ɔ ´wie nunnun.

Mise 7:10

Kɛ e kpɔfuɛ'm be wun i sɔ'n, be ´wun nyannzuɛn afin be usali kɛ: «?Ai! Anannganman amun Nyanmiɛn kpa'n, nguɛ yɛ ɔ o lɛ yo-ɔ? Kɛ be wa nanti be su kɛ akpɔ su fa sa'n, wuun e ´nian be e ´sri.»

Malasi 1:9

Amun `sin be wa `srɛ min, be `se min kɛ n `yaci nan n `si amun aunnvuɛ.» Anannganman b'ɔ sie mɛn wunmuan'n usa kɛ yoo: «?Tɛ nga amun nyinfu be yoli min lɛ'n, amun bu i kɛ n ´sie min su amún nuan'n bo? Ɔ siɛ i mlɔnmlɔn.»

Kalɛ 25:6

Be ´nian-an, Izraɛlfuɛ kun nin Madian bla kun yɛ be su ba i niaan Izraɛlfuɛ'm be afiɛn yɛ. Moiz nin Izraɛlfuɛ nga be yiali bɔ be su sun tannin sua bɔ Anannganman yi wun i nglo nun'n nun'n, be wunnin be.

Matthieu 23:35

nan be kwlaa nga b'a yo-man sa tɛ fi bɔ be kunnin be'n kɛ ɔ fin Abɛl nanwlɛfuɛ'n i blɛ su lele fa juli Barasi wa Zakari bɔ an kunnin i Nyanmiɛn i sua'n nin Nyanmiɛn sɔwlɛ'n be afiɛn'n, bé wie ndɛ'n ɔ'a ka amun su .

Matthieu 27:43

Ɔ fɛ i wla guali Nyanmiɛn su, sɛ Nyanmiɛn sɔ'n klo i'n, man ɔ de i siɛn'n, afin i waan ɔ ti Nyanmiɛn Wa.»

Mmla'n 28:37

Nvle nga Anannganman ´fa amun ´kɔ be nun'n, be nunfuɛ'm bé nuan ´bo bé wun. Be ´srisri amun, be ´yo amun finfin.

Mmla'n 32:27

Like ng'ɔ jrannin min'n, yɛlɛ be kpɔfuɛ'm be finfin bɔ be yo min'n. Be kwla-man be kpɔfuɛ mun. Kɛ ɔ wa yo lɛ'n, kpɛkuun be kpɔfuɛ sɔ mun be ´si be wue nun be ´se kɛ: ‹Anannganman ɔ'a yo-man like fi, e bɔbɔ yɛ e kwlali be-ɔ.›

Zozie 7:9

Kɛ Kanaanfuɛ nin mɛn kun nga'm be nunfuɛ'm be wa ti ndɛ nga'n be wa ju be ´kun ye. Be wa nunnun ye mlɔnmlɔn. ?Kɛ ɔ yo sɔ'n, a ´yo sɛ nan ɔ dunman dan'n ɔ'a fite nglo ekun?»