Zoɛl 2:16 - NYANMIƐN NDƐ'N 1998

¹⁶ Amun `flɛflɛ mɛn mma'm be kwlaa nan an `yia Nyanmiɛn dunman nun. Kpɛnngbɛn mun o, gbanflɛn mun o, talua mun o, ba kanngan nga be tɛ nɔn nyɔnflɛn mun o, an `flɛ be kwlaa'n man be yia. Yasua nin bla nga blɛ yɛ b'a ja'n, man be fin be atɔnvlɛ sua'n nun be fite.

Zoɛl 2:16 ပူးပေါင်းရင်းမြစ်များ

2 Be Nyoliɛ 20:13

Zidafuɛ'm be kwlaa, be nin be anunman mun, nin bé yi mun, ɔ nin be mma mun, be jrannin Anannganman nyrun lɛ.

2 Be Nyoliɛ 29:5

Yɛ ɔ seli be kɛ: «Levifuɛ mun, amun `sie bé su! Amun `yo amún wun saun siɛn'n, amun `yo Anannganman amun nannan'm be Nyanmiɛn'n i sua'n i saun. Amun `yiyi i nun ninnge nga be ti fiɛn'n mun.

2 Be Nyoliɛ 30:17

Sran kpanngban kpa b'a yo-man bé wun saun, be o nzrafuɛ'm be nun. Levifuɛ'm be jrannin be nga be ti-man saun be ja nun be kpɛli nnɛn'm be kɔmin, afin sran sɔ'm b'a siesie-man bé wun kɛ be ´di i sɔ junman'n be man Nyanmiɛn.

2 Be Nyoliɛ 30:19

Ɔ seli kɛ: «Anannganman, e nannan'm be Nyanmiɛn, wɔ bɔ a ti kpa'n, be nga be miannin bé nyin kɛ be ´fa bé wun mantan wɔ'n, kannzɛ be ti-man saun'n, yaci bé wun sa'n cɛ be.»

2 Be Nyoliɛ 35:6

Kɛ bɔ amun wa yi tɛ'n ti, amun `yo amun wun saun nan amun `yo ng'ɔ fata'n man amun niaan Izraɛlfuɛ mun. Nga Anannganman kan kleli Moiz'n, amun `nian su.»

Zɔb I Nyrɛnnɛn Wunlɛ 1:5

Kɛ be ko wie bé cɛn'n i di'n, Zɔb flɛ be yɛ ɔ yo bé saun. Kpɛkuun ɔ jaso nglɛmun ndɛ ɔ kun nnɛn yi tɛ nga be yrɛ i nnɛn'n kɔlikɔli'n. Ɔ yi tɛ sɔ'n i mma'm bé ti nun ti nun. Afin i waan: «N si-man sɛ min mma'm be yoli sa tɛ wie o! Sɛ be kannin Nyanmiɛn i ya o!» Kɛ Zɔb yo i sɔ titi-ɔ.

Jue Mun 19:5

Sanngɛ be kan ndɛ lika'n kwlaa, yɛ be ti be ndɛ bɔ be kan'n mɛn i tiwa lɔ'n, kan Nyanmiɛn kplannin kpata kun mannin wia'n lɔ'n .

Ezipt Lɔ Tulɛ'n 19:10

Anannganman seli Moiz ekun kɛ: «Sa ɔ́ sin sran'm bé wun lɔ nan se be kɛ be `yo bé wun saun ndɛ nin ainman. Be `kpu be tralɛ mun.

Ezipt Lɔ Tulɛ'n 19:15

I sin ɔ seli be kɛ: «Amun `siesie amun wun amun `minndɛ ainman. Nán amun nin amun yi'm be la nna tɛ.»

Ezipt Lɔ Tulɛ'n 19:22

I kpa'n bɔ man min nyrun jranfuɛ bɔ be lɛ atin be mantan min'n, be `yo bé wun saun kɛ ɔ ´yo nan m'an saci-man be'n ti.»

Zoɛl 1:14

Amun `kle nglɛmun cilɛ blɛ kun. Amun `flɛflɛ amun wun nan an `yia anyia dan kpa kun. Amun `yia ngbɛn mun ɔ nin klɔ'n su sran'm be kwlaa Anannganman i sua'n nun lɔ nan an `srɛ tantrantan kpa kɛ ɔ ´de amun.

Matthieu 21:16

Be usali Jésus kɛ: «?A ti ndɛ nga be kan'n?» Jésus seli be kɛ: «N ti. ?Ndɛ nga be klɛli kɛ: ‹A fa ɔ manmanlɛ'n wlɛli ba kanngan nin be nga be tɛ nɔn'n bé nuan'n,› an nian kɛnngɛn-mɛn i le ?»

Matthieu 9:15

Jésus seli be kɛ: «?Sɛ yasua kun su fa atɔnvlɛ'n b'ɔ nin i janvuɛ'm b'ɔ yiali be'n be tɛ o lɛ'n, bé wla bo? Le kun be wa de yasua sɔ'n bé sa nun, blɛ sɔ'n nun yɛ be ´kpɛ srɛ nun-ɔn.

1 Korɛntfuɛ Mun 7:5

Sɛ ɔ ti-man kɛ amun nnyɔn'n amún bo a yo kun kɛ amun ´fa blɛ kaan kɛ amun nin Nyanmiɛn amun ´koko yalɛ'n, nán an kpɛ amun wun ainngba. Sɛ blɛ sɔ'n ko sin'n, an `kan bo nun, sɛ ɔ'a yo-man sɔ-ɔ, ɔ cɛ-man nan amun anwlɛn bɔ an kwla tra-man'n ti, Satan a nyan amun .

Zozie 7:13

Jaso, ko se Izraɛlfuɛ'm be kɛ be siesie bé wun nan e nin be `yia ainman. Se be kɛ be yo bé wun saun nan m bɔbɔ min Anannganman bɔ n ti Izraɛl Nyanmiɛn'n min wan yoo: ‹Ninnge nga n seli amun kɛ nán amun fa'n, ɔ o amun trɔ'n nun. Ɔ man amun su kwla-man amun kpɔfuɛ'm be nyrun jran, san amu'an yi ninnge sɔ mun.

Zozie 8:35

Zozie kanngannin mmla nga Moiz mannin be'n i ngba kleli nzrafuɛ'm be kwlakwla. Ɔ'a yaci-man ba kun sa lɛ. Kɛ ɔ ´kanngan'n kle be'n, bla mun, ba kanngan mun, ɔ nin aofuɛ nga be o Izraɛlfuɛ'm be afiɛn'n be o be nun wie.

1 Samiɛl 16:5

I waan: «Ɛɛn! M bali kɛ n wa yi tɛ m man Anannganman. Ɔ mɛn i ti amun `siesie amun nin Nyanmiɛn amun afiɛn nan amun `bla tɛ yilɛ'n bo.» Samiɛl siesieli Izai nin i mma'm be nin Nyanmiɛn be afiɛn nan ɔ'a flɛ be tɛ'n i yilɛ bo.