Zoɛl 2:13 - NYANMIƐN NDƐ'N 1998

¹³ Amún wun tralɛ'm be nun titilɛ'n ti ngbɛn, amun anwlɛn ba'n yɛ ɔ fata kɛ an `kaci i-ɔ. An `kaci i nan an `sa amun sin Anannganman amun Nyanmiɛn'n i sin. I klun ti ufue, ɔ si aunnvuɛ. Ɔ fa-man ya ndɛndɛ. I klun-ufue liɛ'n gua lɛ ngbɛn yɛ be isa-a. Kɛ ɔ ko fua kɛ ɔ fa nyrɛnnɛn yi sran kun su'n, kpɛkuun i kunngba'n i sa sin ɔ'a bubu i, ɔ yo-mɛn i kun.

Zoɛl 2:13 ပူးပေါင်းရင်းမြစ်များ

Bo Bolɛ 37:29

Ribɛn ko nian gbo'n nun-ɔn, vlein, Zozɛf nun-man nun kun, yɛ ɔ titili i wun tralɛ'n nun-ɔn.

Bo Bolɛ 37:34

Yɛ Zakɔb ´titi i tralɛ'n nun yɛ ɔ ´wla bajɛ tralɛ-ɔ. Ɔ yoli i wa'n i sɛ'n cɛli lɔun kpa.

2 Samiɛl 1:11

Yɛ David sɔli i wun tralɛ'm bé nun yɛ ɔ titi be nun-ɔn. Be nga be o i wun lɛ'n be kusu be titili be liɛ'm be nun.

1 Famiɛn Mun 21:27

Kɛ Akab tili i sɔ ndɛ'n, ɔ titili i wun tralɛ'm be nun. Ɔ wlali bajɛ tralɛ, kpɛkuun ɔ kpɛli srɛ nun. Ɔ fa bajɛ'n yɛ ɔ la-a. Ɔ nanti sa blɛblɛblɛ.

2 Famiɛn Mun 22:11

Kɛ famiɛn'n tili mmla fluwa'n i nun ndɛ'n, ɔ titili i wun tralɛ'm be nun.

2 Famiɛn Mun 22:19

A tili i kɛ min waan m ´bo klɔ nga nin i nun sran'm be sannzan nan n ´nunnun be. Ndɛ sɔ'n wluli ɔ́ wun, ɔ man a titili ɔ wun tralɛ'm be nun, a kannin ɔ́ wun ase min bo, a sunnin. I sɔ'n ti, m'an ti ndɛ nga a kannin'n. Min Anannganman yɛ n kan sɔ-ɔ.

2 Famiɛn Mun 5:7

Blɛ bɔ Izraɛl famiɛn'n kanngannin fluwa'n nun cɛ'n, ɔ titili i wun tralɛ'm be nun. Yɛ i waan: «?Nyanmiɛn yɛlɛ min bɔ n yo man sran wu annzɛ ɔ nyan nguan-an, bɔ i ti yɛ ɔ se min kɛ n yo man i sran'n i kokowe'n wie-ɔ? Amun `nian, utre bɔ cɛ yɛ ɔ su fa wla min sin lɛ-ɔ.»

2 Famiɛn Mun 6:30

Kɛ famiɛn'n tili bla'n i ndɛ sɔ b'ɔ kannin'n, ɔ titili i wun tralɛ'm be nun. Kɛ ɔ ´nanti talɛ'n su sin'n, klɔ'n nunfuɛ'm be wunnin kɛ bajɛ tralɛ o i tralɛ titiwa b'ɔ o i wun'n i bo.

Neemi 9:17

Bé nyin ɔ'a yi-man wɔ. Bé wla fili atrɛ fanunfanun nga a yili be'n. Be kpali be bɔbɔ bé su kpɛn. Be waan san be ´sa be sin Ezipt lɔ be ko yo kanga ekun. Sanngɛ ɔ liɛ'n, a ti Nyanmiɛn kun bɔ a yaci sa tɛ'n cɛ. A si aunnvuɛ, sran yo wɔ annvɔ. A fa-man ya ndɛndɛ, ɔ klun-ufue liɛ'n be kan-man, ɔ man w'a yi-man be ase.

Zɔb I Nyrɛnnɛn Wunlɛ 1:20

Yɛ Zɔb jasoli-ɔ. Ɔ titili i wun tralɛ'm be nun. I sin, ɔ kpuli i ti'n su, yɛ ɔ bubu guali asiɛ wun gblo! Ɔ kotoli,

Jue Mun 103:8

Anannganman klun ti ufue, ɔ si aunnvuɛ. Ɔ fa-man ya ndɛndɛ, i kpa liɛ'n, be flɛ-man .

Jue Mun 106:45

Kɛ i waan ɔ ´yo be ye'n ti'n, i wla kpɛnnin aenguɛ ng'ɔ nin be trali'n su. I klun-ufue dan'n ti ɔ sili be aunnvuɛ.

Jue Mun 34:18

Kɛ Anannganman i sufuɛ nanwlɛfuɛ'm be flɛ i'n, ɔ sie i su tie. Yɛ ɔ man nyrɛnnɛn ng'ɔ o be su'n i kwlaa wie.

Jue Mun 51:17

Min Min, uke mín nuan'n man m manman wɔ.

Jue Mun 86:15

Sanngɛ min Min, ɔ liɛ'n, a ti Nyanmiɛn kun b'ɔ a si aunnvuɛ, a fa-man ya ndɛndɛ. Wɔ aklunye'n ti dan, a ti nanwlɛfuɛ tititi.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 58:5

?Nglɛmun cilɛ nga n klo i'n, bɔ be ci i cɛn nga be kan bé wun ase'n i nun'n, yɛlɛ ng'ɔ o lɛ'n? ?Bé ti bɔ be klu i kɛ ndɛ mma sa'n, bajɛ su bɔ be la'n, nzuɛn nun bɔ be la'n, i sɔ'n yɛ amun flɛ i kɛ amun su ci nglɛmun cɛn kun b'ɔ jɔ Anannganman i klun'n i nun nin-ɔn?

Ezai 66:2

Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Zeremi 41:5

Sran ablaɔcuɛ be fin Sisɛm nin Silo, ɔ nin Samari be su ba lɛ. Be ´ba-a, b'a yi be akanza'n, b'a titi be wun tralɛ'm be nun, b'a bobo bé wun kannin. Be fali ble nin ansans kɛ be wa fa man Nyanmiɛn i sua'n nun Zerizalɛm lɔ.

Zeremi 42:10

‹Sɛ an ka amun mɛn'n nun wa'n, n ´wla amun mɛn'n i bo ase, n su saci-mɛn i. N ´taka amun, n su tu-man amun bo. N ´kaci mín sa. Sa nga n yoli amun'n, n ´yaci i yolɛ.

Ezekiɛl 9:4

Anannganman'n seli bian sɔ'n kɛ: «Wlan Zerizalɛm klɔ'n nun nan be kwlaa nga be su bo awuyomo, bɔ be su kplin tete sa nga sran'm be yo be klɔ'n nun'n be ti'n, klɛ be ngban su nzɔliɛ kun .»

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Zonas 3:9

E si-man sɛ Anannganman'n gua i ya'n i ase o! Sɛ wienun-ɔn ɔ ´kaci aniɛn nan ɔ su nunnun-man ye o .»

Zonas 4:2

Yɛ ɔ srɛli Anannganman-an. Ɔ seli kɛ: «?Ee, Anannganman, nán nga bɔ n wo min mɛn'n nun lɔ n kannin'n cɛ yɛ ɔ o yɛ? I sɔ'n bɔ min waan nán ɔ ju'n i ti yɛ min waan n ´wanndi n kɔ Tarsis nin-ɔn. Afin n si kɛ a ti Nyanmiɛn kun bɔ a ti kpa, a si aunnvuɛ, a fa-man ya finfin, ɔ klun-ufue'n ti dan. Sɛ a gugu kɛ a ´yo sa yaya wie'n, ɔ cɛ-man nan w'a kaci aniɛn .

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Naɔm 1:3

Anannganman fa-man ya ndɛndɛ, i wunmiɛn'n ti dan. Sran ng'ɔ yo sa tɛ'n, ɔ yaci-mɛn i lɛ ngbɛn. Kɛ ɔ ´sin'n, aunngban dan kun fita, ndutre ng'ɔ ´nanti-ɔ ɔ tu'n, sɛ e ´kwla se'n, yɛlɛ nzue ng'ɔ mlan'n .

Kalɛ 14:18

‹N ti Anannganman, n ti amlin difuɛ, yɛ min klun ti ufue kpa liɛ su. N di sa nga be yo min'n nin nyin kekle nga be yo i min su'n bé wun amlin. N jran-man sa tɛ yofuɛ'n i sin, n se-man kɛ ɔ'a yo-man sa tɛ. Kɛ sran kun yo sa tɛ'n n tu i fɔ lele fa wlu i anunman sian nin i anunman siansian'm be nun .›

Rɔmfuɛ Mun 2:4

Nyanmiɛn ti aklunyefuɛ dan kpa, ɔ kpli-man sa wun, ɔ blu sa su. ?Ɔ nin i sɔ'n ngba'n, an bu-man i sɔ b'ɔ ti'n i like fi? ?An si-man kɛ Nyanmiɛn yo sa kpa nan an kaci amun nzuɛn'n?

Efɛzfuɛ Mun 2:4

Sanngɛ Nyanmiɛn ti aunnvuɛ sifuɛ dan, ɔ man kɛ e tɛ yo kɛ sran bɔ ɔ'a wu sa i nyrun'n, klolɛ b'ɔ fa klo ye'n ti, ɔ mannin e nin Krist e nguan. Ye bɔ Nyanmiɛn yoli amun'n ti'n, ɔ yoli man amu'an nyan amún ti.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.