Zoɛl 2:12 - NYANMIƐN NDƐ'N 1998

¹² Anannganman wan yoo: «An `sa amun sin bla mín sin. Kɛ ɔ o yɛ'n, i blɛ nian sin-man. Amun `tu amun klun bla, an `ci nglɛmun, an `sun, yɛ an `kpata min.»

Zoɛl 2:12 ပူးပေါင်းရင်းမြစ်များ

2 Samiɛl 24:10

Kɛ be kali sran mun wieli'n, srɛ kunnin David, yɛ ɔ seli Anannganman kɛ: «Sa nga n yoli'n, sa tɛ dan yɛ n yoli-ɔ. Anannganman, yaci mín wun sa'n cɛ min. N yoli sinnzin.»

2 Be Nyoliɛ 30:6

Fluwa nga famiɛn'n nin i awlo lɔ sran dandan mun be klɛli'n, be nga be sunmannin be'n be fa ɔli Izraɛl mɛn wunmuan'n nin Zida mɛn wunmuan'n nun. Famiɛn'n mannin be ngaliɛ. I waan be `se kɛ: «Izraɛlfuɛ mun, amun bɔ amun nyannin amún ti Asirifuɛ'm bé sa nun'n, amun `sa amun sin, amun `bla Anannganman b'ɔ ti Abraam, nin Izaak, ɔ nin Zakɔb be Nyanmiɛn'n i sin, yɛ ɔ ´kɔ amún wun ekun.

Ɛstɛr 4:16

«Yiayia Zuif nga be o Siz wa'n, amun `kpɛ srɛ nun man min. Nán amun di like, nán amun nɔn nzue cɛn ba klonglo nsan. E nin min afanniɛn bla mun e ´kpɛ é srɛ nun liɛ, kpɛkuun n ´ko to famiɛn'n, kannzɛ be klɛli mmla i nun kɛ nán be yo i sɔ bɔbɔ o. N ´ko wun i wun. Sɛ ɔ fata kɛ n wu'n, n ´wu.»

Ezipt Lɔ Tulɛ'n 33:5

Anannganman seli Moiz kɛ: «Kan kle Izraɛlfuɛ'm be kɛ: ‹Amun ti sran bɔ amun nyin su ti kekle. Sɛ e nin amun e kɔ kaan sa-a, n ´wie amun nunnun. Amun `yiyi amun blɛ dilɛ ninnge mun nan m'an wun nga n ´fa yo amun'n.› »

Ezai 22:12

I cɛn sɔ nun'n, Anannganman b'ɔ sie mɛn wunmuan'n, ɔ seli amun kɛ amun `sun yɛ amun `la kondo, i waan amun `kpu amún ti'n su yɛ amun `wla bajɛ tralɛ.

Ezai 58:4

Kɛ amun ´ci nglɛmun'n, wuun amun ´tu ngondin, wuun amun ´di utre, wuun amun ´to sran acɔliɛ. Amun ci-man nglɛmun'n kɛ ɔ nin i fata kɛ be ci i cɛn nga Anannganman sieli'n i nun'n sa. Amun ci-mɛn i kɛ amun ´yo nan amun nɛn'n ɔ `ju nglo lɔ.

Zeremi 3:22

«Amun bɔ amun ti kɛ bian safuɛ sa'n, an `sa amun sin bla, man n yo nan amún bian sa'n ɔ wie.» «E yɛ e o yɛ, y'a ba ɔ́ sin Anannganman, afin wɔ yɛ a ti e Nyanmiɛn nin-ɔn.

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Zeremi 4:1

Anannganman'n wan yoo: «Izraɛl, sɛ a sa ɔ sin ba min sin'n, sɛ a yi ɔ tete ninnge mun min nyrun lɛ'n, a su wanndi-man kun.

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Ezekiɛl 33:11

Se be kɛ: ‹Min nyin o su, min Anannganman Nyanmiɛn yɛ n kan sɔ-ɔ. Like nga n kunndɛ'n, nɛ́n i yɛlɛ kɛ klunwifuɛ'n ɔ wu, sanngɛ n kunndɛ kɛ ɔ `kaci i nzuɛn'n nan ɔ `fite nun. Amun `yaci amun nzuɛn tɛtɛ'n. ?Izraɛlfuɛ mun, nguɛ ti yɛ amun waan amun ´wu nin-ɔn?›

Daniɛl 9:3

N kpɛli mín nyin Anannganman Nyanmiɛn'n i wun lɔ, n srɛli i tantrantan kpa, yɛ n fɛfɛli i wun. N cili nglɛmun, n wlali bajɛ tralɛ, yɛ n fali nzuɛn guali mín ti'n su.

Ndɛ Nga Nyanmiɛn I Nuan Ijɔfuɛ Oze Kannin'n 12:6

Nyanmiɛn b'ɔ sie mɛn wunmuan'n, bɔ be flɛ i Anannganman'n seli i kɛ:

Ndɛ Nga Nyanmiɛn I Nuan Ijɔfuɛ Oze Kannin'n 12:7

‹Sa ɔ sin bla min sin. Yo sa kpa, yo sran ndɛnman sufuɛ. Nán yaci min b'ɔ n ti ɔ Nyanmiɛn'n min su lafilɛ.›

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Ndɛ Nga Nyanmiɛn I Nuan Ijɔfuɛ Oze Kannin'n 6:1

Kpɛkuun amun ´se kɛ: «Yoo! Amun man e wɔ, e `sa e sin Anannganman wun lɔ. I yɛ ɔ boli ye kannin nin-ɔn, sanngɛ i bɔbɔ kunngba'n yɛ ɔ wa fua yɛ ɔ ´wu-ɔ. I yɛ ɔ boli ye fɛ-ɔ, sanngɛ i bɔbɔ kunngba'n yɛ ɔ wa cici su-ɔ.

Zoɛl 1:13

Nyanmiɛn nyrun jranfuɛ mun, an `wla bajɛ tralɛ, amun `koko. Amun bɔ be jran Nyanmiɛn nyrun'n, an `bo awuyomo. Nyanmiɛn i junman difuɛ mun, an `tran awlaboɛ nun kɔnguɛ lele man aliɛ'n cɛn amun. Yɛlɛ kɛ like nga be fa ko mɛn i i sua nun lɔ'n, ɔ nin nzan nga be guɛ i ase be mɛn i'n, ɔ nun-man nun sɔ kun.

Zakari 7:3

Be waan be ´usa Nyanmiɛn nyrun jranfuɛ nin Nyanmiɛn nuan ijɔfuɛ nga be tran Anannganman b'ɔ sie mɛn wunmuan'n i sua'n nun'n be kɛ: «?Sunlɛ nga e sun i anglo nnun'n su'n, ɔ nin nglɛmun nga e ci bɔ e sɔ i yolɛ lele ɔ'a fa ju ndɛ yɛ'n, e ´yo sɔ tititi?»

Zakari 7:5

I waan n `se Nyanmiɛn nyrun jranfuɛ nin mɛn nga nunfuɛ'm be kwlaa kɛ: «?Nglɛmun nga an ci'n nin sunlɛ nga an sun afuɛ nuan kun nun anglo i nnun'n su nin anglo i nso'n su bɔ ɔ'a di afuɛ ableso yɛ'n, amun waan min yɛ an ci nglɛmun sɔ'n be man min-ɔn?

Malasi 1:9

Amun `sin be wa `srɛ min, be `se min kɛ n `yaci nan n `si amun aunnvuɛ.» Anannganman b'ɔ sie mɛn wunmuan'n usa kɛ yoo: «?Tɛ nga amun nyinfu be yoli min lɛ'n, amun bu i kɛ n ´sie min su amún nuan'n bo? Ɔ siɛ i mlɔnmlɔn.»

Sa nga bé yôli'n 26:20

N dun mmua kan ndɛ kleli Damasfuɛ mun, i sin n kan wie n kleli Zerizalɛmfuɛ mun. N kannin wie Zide mɛn wunmuan'n nun yɛ n kan wie n kleli be nga be ti-man Zuif'n kɛ be `kaci be nzuɛn'n nan be `sa be sin Nyanmiɛn wun yɛ be `yo sa b'ɔ kle kɛ b'a kaci be nzuɛn'n.

Jɔlɛ Difuɛ Mun 2:4

Anannganman i anz'n kannin ndɛ sɔ mun kleli Izraɛlfuɛ'm be kwlakwla. Kɛ be tili'n, yɛ woo be tɔli sunlɛ su-ɔ.

Jɔlɛ Difuɛ Mun 20:26

Kɛ ɔ yoli sɔ'n, Izraɛlfuɛ'm be kwlakwla be ɔli Betɛl nan b'a sun. Be cili nglɛmun, be trannin Anannganman nyrun lɛ lele nnɔsua. Be yili tɛ nga be yra be nnɛn'n kɔlikɔli'n, ɔ nin bo kun yolɛ i su tɛ mun be mannin Anannganman.

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»

1 Samiɛl 7:6

Yɛ be yiali Mizpa-a. Be sali nzue be guɛli i ase Anannganman i nyrun. Le kun sɔ'n, be cili nglɛmun. Be waan: «E fɔnnin Anannganman i wun.» Mizpa lɛ yɛ Samiɛl yoli Izraɛl nvle'n i siefuɛ nin-ɔn.