Zoɛl 2:11 - NYANMIƐN NDƐ'N 1998

¹¹ Kan bɔ Anannganman i alɛ mma'm be sin lɛ'n, ɔ kpan dun mmua be nyrun. Alɛ mma sɔ mun bɔ like nga i waan be `yo'n yɛ be yo'n, be sɔnnin, be kunngba'n be yo sro ekun. Anannganman i cɛn sɔ'n ti kekle kpa, ɔ yo sro. ?Wan yɛ ɔ kwla suɛn i bo-ɔ ?

Zoɛl 2:11 ပူးပေါင်းရင်းမြစ်များ

Jue Mun 18:14

Anannganman bɔ like fi nun-mɛn i sin'n ɔ kpannin, i kpanlɛ sɔ'n ɔ tɛli kɛ nyanmiɛn b'ɔ kpla'n sa.

Jue Mun 46:6

Nyanmiɛn'n wo klɔ sɔ'n nun, ɔ man klɔ sɔ'n, kɛ ɔ taka lɛ'n yɛ ɔ taka-a. Kɛ lika'n ´ti muaan'n, Nyanmiɛn niɛn i lika.

Jue Mun 68:18

Nyanmiɛn i kakaklolo'm be ti akpi-akpi, be sɔnnin sɔnlɛ kpa. Ɔ fali be Sinai oka'n su lɔ yɛ ɔ bali i lika kpa nun wa-a.

Ezai 13:4

Amun `sie amún su be tie nganniɛn ng'ɔ tɛ oka'm be su lɔ'n, ɔ waan sran kpanngban kpa be nganniɛn-ɔn. Amun `tie famiɛn diwlɛ mun nin nvle-nvle'm be nun sran bɔ b'a yia'n be nganniɛn b'ɔ tɛ'n. Anannganman b'ɔ sie mɛn wunmuan'n, ɔ su nian-nian be nga be su wa kɔ alɛ'n i kunlɛ mun ´sin.

Ezai 42:13

Anannganman ba kɛ safunyrɛn sa, ɔ siesie i wun kɛ alɛ kunfuɛ b'ɔ su ko kun alɛ'n sa. Ɔ bo sro, ɔ kpan, ɔ kwlɛ i kpɔfuɛ mun.

Ezai 7:18

Blɛ sɔ nun'n, Anannganman ɔ ´bo feliman flɛ ngɔnsiɛn nga be o kan Nil nzue'n ɔ ko gua jenvie'n nun lɔ'n, ɔ nin awɛma nga be o Asiri mɛn nun'n.

Zeremi 25:30

Anannganman seli min ekun kɛ: «Kan mín nuan ndɛ'n ng'ɔ o lɛ'n kwlaa kle be, yɛ kan gua su kɛ: ‹Anannganman'n wo nglo lɔ ɔ kpan ya su fiaan fiaan. Ɔ o i lika'n nun lɔ ɔ kpan. Ɔ kpan i lika'n nun lɔ, ɔ kpan ya su fiaan fiaan. Ɔ kpan kɛ be bɔ be kpita vinyi mma'n be fa kpan'n sa. Ɔ kpan mɛn nunfuɛ'm be kwlaa be su.

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Zeremi 50:34

Sanngɛ bé ti ngondin tufuɛ'n ɔ lɛ wunmiɛn. Be flɛ i kɛ: Anannganman B'ɔ Sie Mɛn Wunmuan'n. Ɔ ´tu bé ti ngondin. Ɔ man be mɛn'n ´nyan fɔundi. I kunngba'n man Babilɔnifuɛ'm bé wun ´usu be.»

Ezekiɛl 22:14

?Blɛ nga bɔ e nin amun e wa nyɛn i'n, amun anwlɛn'n ´kwla sɔ yɛ amun ´kwla jran kekle? Afin min Anannganman'n min sa nga min waan n ´yo, n ´yo.

Zoɛl 1:15

Cuekee! Nguɛ cɛn liɛ yɛlɛ nga! Anannganman i ya cɛn'n yɛ ɔ'a mantan yɛ. Cɛn sɔ'n ´ba, Anannganman'n b'ɔ kwla like kwlaa yo i ninnge'm be sacilɛ b'ɔ guguli kɛ ɔ ´saci be'n yɛ be ´ba-a .

Zoɛl 1:6

Kakaa'm be akpasua kun ɔ'a de e mɛn'n. Be yo wlɛ, be sɔnnin kpa. Be je'm be ti kɛ asɔmɔli je sa. Be je dandan'm be ti kɛ asɔmɔli bla'm be liɛ'n sa .

Zoɛl 2:1

An `bo awɛ Siɔn lɔ, an `bo ndolo min oka'n su lɔ. Mɛn nga nunfuɛ mun, an `usu, afin Anannganman'n i cɛn'n wo balɛ, ɔ'a mantan koko .

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Zoɛl 2:25

Anannganman'n waan: «Amun ninnge nga be sacili'n, n ´sie be osu. Amun fie su ninnge nga ndro'm be dili, nga lalo'm be wa sacili be'n, nga klannan nin aɛcɛ mun be dili'n, i sɔ ninnge liɛ nga kakaa fa ɔklɔɔ nga n sunmannin be'n be wa sacili be'n, n ´sie be kwlaa be osu.

Amɔs 1:2

Amɔs wan yoo: «Anannganman'n wo Zerizalɛm lɔ ɔ kpan kɛ asɔmɔli sa. Ɔ o Siɔn lɔ, be ti i ngan. Kɛ ɔ ko yo sɔ'n, nnɛn'm be didiwlɛ'n nun ti nyrɛnnɛn ngbɛn. Karmɛl oka'n su lɔ ninnge'm be kwlaa be ´wu kee !»

Amɔs 5:18

Amun bɔ an wo Anannganman i cɛn'n i minndɛlɛ'n, amun yako lele! ?Amun klun lɔ'n, an bu i kɛ i sɔ cɛn'n nun'n muae yɛ amun wa nyɛn i Anannganman sa nun-ɔn? Ɔ siɛ i mlɔnmlɔn! Amún nyin yɛ ɔ ´si amun ble-ɔ.

Amɔs 5:20

?Anannganman i cɛn'n nun'n, lika'n ´kpaja? Ɔ siɛ mlɔnmlɔn! Ɔ ´yo aosin cɛn, lika'n ´lu tritritri! Be su wun-man kɛ lika'n ɔ kpaja bɔ kaan sa!

Abdias 1:15

Anannganman'n i nvle'm be kwlaa bé jɔlɛ dilɛ cɛn'n ɔ'a mantan koko. Cɛn sɔ'n nun'n, sa kunngba nga amun fa yoli amun wiengu mun'n yɛ be ´fa yo amun-ɔn. Tɛ nga amun yoli'n, ɔ ´kaci tɔ amun bɔbɔ amun su .»

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Malasi 3:2

?Cɛn ng'ɔ ´ba'n, wan cɛ yɛ ɔ kwla jrɛn i nyrun-ɔn? ?Cɛn nga amun nyinma guɛ i wun'n, amun nun onin yɛ ɔ ´kwla jrɛn i ja'n su nglo-ɔ? Ɔ ´yo kɛ tunnzue sin sa, ɔ ´yo kɛ sanmlan bɔ be fa kpu ninnge'n sa .

Kalɛ 24:23

Balaam seli ekun kɛ: «?Kɛ Nyanmiɛn ko tin i wun ase'n, wan yɛ ɔ kwla tran nguan nun-ɔn?

1 Tɛsalonikfuɛ Mun 4:16

Kɛ be ti kɛ sran kun kpan'n, bɔ be ti anz kpɛnngbɛn'n i nɛn'n, bɔ be ti Nyanmiɛn i awɛ'n i tɛlɛ'n cɛ'n, kpɛkuun e Min'n bɔbɔ fin nyanmiɛn su lɔ su jra. Kristfuɛ nga be wuli'n, be ´cɛn dun mmua e nyrun,

Sa nglô yile 18:8

I sɔ'n ti nyrɛnnɛn nga wa tɔ i su cɛn kunngba: wie'n, nin sɛ'n, nin awe'n, yɛ ɔ ´yra. Afin e Min Nyanmiɛn b'ɔ buli i fɔ'n, ɔ kwla like kwlaa yo .

Sa nglô yile 6:17

Afin cɛn nga be ya'n ɔ ´jao dan'n ɔ'a ju. ?Wan yɛ ɔ ´kwla jran be nyrun-ɔn ?»