Zoɛl 2:10 - NYANMIƐN NDƐ'N 1998

¹⁰ Kɛ be ´ba'n, asiɛ'n keje, nyanmiɛn'n b'ɔ la nglo lɔ plaii yo kɛ ɔ su wa bu tɔ sa, wia'n kpan-man kun, anglo kusu ta-man kun, be wun-man nzraama'm be wun kun .

Zoɛl 2:10 ပူးပေါင်းရင်းမြစ်များ

Jue Mun 114:7

Ee asiɛ, keje Anannganman nyrun! Keje Zakɔb Nyanmiɛn'n i nyrun,

Jue Mun 18:7

Min nyrɛnnɛn blɛ sɔ nun'n, n kpan flɛli Anannganman'n. N flɛli min Nyanmiɛn'n, kpɛkuun ɔ o i sua'n nun lɔ ɔ tili min aniɛn'n. Ɔ sieli i su tili flɛlɛ bɔ n flɛli i'n.

Ezai 13:10

Nglo lɔ nzraama'm be su kpaja-man kun. Kɛ wia'n ɔ fite cɛ'n, kpɛkuun ɔ'a nuan, yɛ anglo'n ɔ su ta-man kun .

Ezai 34:4

Nglo lɔ ninnge'm be kwlaa be ´kaci kɛ ndutre sa. Be ´nyɔnnyɔn nyanmiɛn'n b'ɔ la nglo lɔ plaii'n kɛ be nyɔnnyɔn fluwa'n sa, nzraama'm be ´gua kɛ vinyi annzɛ figie nnya bɔ ɔ'a wu b'ɔ su kpɔngbɔ gua'n sa .

Ezai 5:30

I cɛn sɔ nun'n, nganniɛn dan kun ɔ ´tɛ sran sɔ'm be dunman nun wie, ɔ ´tɛ kɛ jenvie yɛ ɔ su bo sa. Kɛ be ´nian mɛn'n, aosin tuun yɛ be ´wun i-ɔ. Nyanmiɛn ble likiliki kpa kun ´kata wia'n i nyrun.

Zeremi 4:23

Kɛ n nian asiɛ'n, ɔ ti kɛ like fi nun-man su sa. Nglo lɔ'n kusu ɔ kpaja-man kun.

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Zoɛl 3:4

Wia'n ɔ ´kaci ble tuun, yɛ anglo'n kusu ɔ ´blo youun kɛ mmoja sa. I sin nan Anannganman i cɛn dan sroesroe'n ɔ'a ju .

Amɔs 5:8

Sran ng'ɔ yili nzraama akpasua akpasua mun sran nga b'ɔ san aliɛ'n cɛn aliɛ, b'ɔ cɛn aliɛ'n b'ɔ san aliɛ'n, b'ɔ flɛ jenvie nzue'n fa ba asiɛ kee'n su'n, be flɛ i kɛ Anannganman.

Naɔm 1:5

Kɛ ɔ kɛn i wun'n, oka'm be keje, kpɛkuun kpɔlɛ'm be bubu be gua. Kɛ ɔ ´ba'n, asiɛ wunmuan'n keje, asiɛ wunmuan'n nin i su sran'm be kwlaa be usu.

Matthieu 24:29

«Kɛ cɛn sɔ'n nun nyrɛnnɛn liɛ'n ko sin cɛ'n, wia'n ´kaci tuun, anglo'n su ta-man kun, nzraama'm be ´fin nyanmiɛn su lɔ gua, yɛ be wa keje nyanmiɛn su lɔ ninnge ngbli-ngbli'm be nun .

Matthieu 27:51

Kpɛkuun tannin dan'n bɔ be fa kpɛ Nyanmiɛn i sua nun'n, ɔ kpacili i nglo lɔ lele fa juli i ngua wa, asiɛ'n kejeli, yɛbuɛ'm be kpukeli .

Sa nga bé yôli'n 2:20

Wia'n ɔ ´kaci ble tuun, yɛ anglo'n kusu ɔ ´blo youun kɛ mmoja sa i sin nan amun Min'n i cɛn dan bɔ yo nyɛnmɛn'n, ɔ'a ju.

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.

Sa nglô yile 6:12

N niannin lɔ, yɛ n wunnin kɛ Bua Gbanflɛn'n kpɛli like nga be fa cicili fluwa'n i nsiɛn su'n nun. I sin, asiɛ'n kejeli dan kpa, wia'n dunnin tuun kɛ bunnde sa, yɛ anglo'n ɔ bloli youun kɛ mmoja sa .

Sa nglô yile 8:12

Kɛ be nnan su'n boli i awɛ liɛ'n, be kpacikpacili wia'n nin anglo'n be nun nsan nsan, be bue kun dunnin tuun. Be bubuli nzraama'm be nun akpasua nsan, akpasua kun kpaja-man. Ɔ man wia nun'n, wia'n ɔ bo-man kpa, yɛ kɔnguɛ'n anglo'n nin nzraama'm be ta-man kpa .

Sa nglô yile 9:2

Ɔ tikeli kunman dan sɔ'n su, sin wɛnsrɛn dan kpa fin nun fiteli. Wɛnsrɛn'n b'ɔ fin kunman sɔ'n nun fiteli'n, ɔ dunnin wia'n nin nyanmiɛn su lɔ'n tuun .