Zoɛl 2:1 - NYANMIƐN NDƐ'N 1998

¹ An `bo awɛ Siɔn lɔ, an `bo ndolo min oka'n su lɔ. Mɛn nga nunfuɛ mun, an `usu, afin Anannganman'n i cɛn'n wo balɛ, ɔ'a mantan koko .

Zoɛl 2:1 ပူးပေါင်းရင်းမြစ်များ

1 Be Nyoliɛ 15:28

Izraɛlfuɛ'm be kwlaa be ´fa Anannganman i alaka'n be ´ba'n, wuun be ´bo be sro, wuun be ´fita nnɛn wɛ'n nun, wuun be ´bo awɛ nin aaba ndɛ mun, wuun be ´bo aluku nin jru mun.

Jue Mun 119:120

Kɛ n ti ɔ ngan'n, n usu srɛ b'ɔ kun min'n ti, yɛ jɔlɛ nga a di be'n, n nyin yi be.

Jue Mun 87:1

Jue nga ti Kɔre i sran'm be liɛ. Be waan: Zerizalɛm'n taka Nyanmiɛn i oka'm be su.

Ezipt Lɔ Tulɛ'n 10:14

Be truli Ezipt mɛn wunmuan'n nun, kpɛkuun be trantrannin lika'n kwlaa nun. Be sɔnnin kaka kpa, be nian wun-man be kaka sɔ le, yɛ be su wun-man be kaka kɛ nga sa kun le.

Ezai 13:6

Amun `bo awuyomo, afin Anannganman i cɛn'n ɔ'a mantan koko. Ɔ ´ba kɛ Anannganman b'ɔ kwla like'n kwlaa yo'n i like b'ɔ saci like'n kwlaa'n sa .

Ezai 13:9

Amun `nian, Anannganman i cɛn'n ɔ su ba, i ya dan'n i cɛn'n su ba, i ya ble'n i cɛn'n su ba, cɛn sɔ'n ti-man blɛblɛ. Anannganman ´yo man asiɛ'n su ´tɔ koun, ɔ ´nunnun sa tɛ yofuɛ mun .

Ezai 2:12

Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Ezai 66:2

Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Ezai 66:5

Amun bɔ amún nyin yi Anannganman i nuan ndɛ'n, amun `tie ndɛ b'ɔ kan'n, i waan: «Amun niaan'm bɔ be kpɔ amun'n, bɔ be kan amún bo be afiɛn min dunman'n ti'n, be se kɛ: ‹Man Anannganman yi i nyrun nyannyan'n i nglo man e wun i, i liɛ'n, e wa nian sɛ amun klun ´jɔ o!› » Be yɛ be nyin ɔ wa gua ase-ɔ.

Zeremi 16:10

«Sɛ a kan ndɛ nga kwlaa kle nvle nga nunfuɛ mun nan be usa wɔ kɛ: ‹?Ɔ yo sɛ ti yɛ Anannganman'n kan nyrɛnnɛn sa nga mun kwlaa kle ye nin-ɔn? ?Nguɛ sa yɛ e yoli-ɔ? ?Fɔnlɛ sɛ yɛ e fɔnnin Anannganman e Nyanmiɛn'n i wun-ɔn?›,

Zeremi 16:7

Sran fi nin i sɔfuɛ'm be su di-man aliɛ kɛ be ´fa fɔnvɔ be. Sran nga i si annzɛ i nin wuli'n, ɔ su nyan-man sran b'ɔ ´mɛn i nzan ´yo i yako-ɔ.

Zeremi 4:5

«An `bo ndɛ nga n wa kɛn i yɛ'n i jɔ sin Zida mɛn'n nun. An `bo i ndolo Zerizalɛm lɔ. An `fita nnɛn wɛ'n nun mɛn'n nun. An `kpan kekle kpa be se kɛ: ‹Be `yia o! Be `yia klɔ nga be sisi be wun'n be nun o.›

Zeremi 5:22

Anannganman usa kɛ: ‹?M bɔbɔ'n yɛ amun nyin yi-man min nin-ɔn? ?Yɛ an usu-man min nyrun nin-ɔn? Min yɛ n fali aunnyan'n n jali jenvie'n i awɛ nin-ɔn. Ɔ ti i awɛ mlɔnmlɔn ɔ lɛ-man atin kpɛ-man. Kannzɛ ɔ ´keje sɛ nán kɛ ɔ ´kwla yo sa ti-ɔ. Kannzɛ ɔ ´bo sɛ, nán kɛ ɔ ´kwla kpɛ ti-ɔ,

Ezekiɛl 12:23

Se be kɛ: ‹Anannganman Nyanmiɛn'n wan yoo: N wa jran nyanndra sɔ'n, sran fi su bu-mɛn i Izraɛl mɛn'n nun kun.› Kɛn i asa-be-sin'n kle be. Se be kɛ: ‹Blɛ'n nga bɔ i nun yɛ aolia nun sa'm be su wa kpɛn su'n, ɔ'a mantan.

Ezekiɛl 21:12

Kɛ be ´usa wɔ kɛ: ‹?Ɔ yo sɛ ti yɛ a kplin-ɔn?› Tɛ be su kɛ: ‹Yɛlɛ kɛ ndɛ kun su ba, sran'm be kwlaa be anwlɛn'n ɔ wa kpɔtɔ be klun. Sran'm be kwlaa bé sa'm be ´glɔ be wun, sran'm be su nyan-man anwlɛn kun. Bé ja nannglunman'm be ´sisi be wiengu. Yɛ ɔ ba lɛ-ɔ, ɔ'a ba!› » Anannganman Nyanmiɛn'n yɛ ɔ kan sɔ-ɔ.

Ezekiɛl 30:3

Cɛn sɔ'n ɔ'a mantan. Anannganman i cɛn'n ɔ'a mantan. Cɛn sɔ'n, ɔ ´yo kɛ nzue yɛ ɔ'a mlan sa. Ɔ wa yo nvle-nvle'm be fɔ tulɛ cɛn.

Ezekiɛl 33:3

Blɛ bɔ gladi difuɛ'n ɔ ´wun kɛ sonja nga be ti be kpɔfuɛ'm be su ba'n, ɔ ´bo awɛ nan i klɔfuɛ'm be siesie bé wun.

Ezekiɛl 33:6

Sɛ wienun-ɔn, gladi difuɛ'n ɔ wun kɛ be kpɔfuɛ'm be sonja'm be su ba nan ɔ'a bo-man awɛ'n, man i klɔfuɛ'm b'a si-man kɛ be su ba'n, ɔ man sɛ be wa fu sran kun nun be kun i'n, gladi difuɛ i ndɛ-ɔ, wuun ɔ ti kɛ i yɛ ɔ kunnin sran sɔ nin-ɔn.

Ezekiɛl 7:10

Cɛn'n yɛ ɔ o yɛ, cɛn'n yɛ ɔ su ba yɛ, amun blɛ liɛ'n ɔ'a to amun, kpɔnman'n su bo nnyrɛ, wun tulɛ'n su trɛ.

Ezekiɛl 7:12

Blɛ'n su ba, cɛn'n ɔ'a mantan koko. Nán man like tofuɛ'n i klun jɔ. Nán man like atɛ yofuɛ'n i wla bo i wun, afin min ya dan'n ɔ'a jaso sran kpanngban nga be o klɔ'n nun'n be kwlaa bé wun.

Daniɛl 6:26

Kɛ ɔ cɛli kan'n, famiɛn Dariis klɛli fluwa ko mannin nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa bɔ be tran asiɛ wunmuan'n su'n. I waan: «Man amún wun jɔ amun fɔuun kpa.

Daniɛl 9:16

Ɔ sa bɔ a yo be i nuan su'n ti'n, gua ɔ ya dan ng'ɔ kunnin wɔ Zerizalɛm klɔ'n b'ɔ ti wɔ oka'n i wun'n i ase. Afin é sa tɛ mun nin e nannan'm be fɔnlɛ'm be ti, Zerizalɛm nin ɔ nvle'n b'a sokpa sran nga be sin yia be lɛ'n be nun.

Daniɛl 9:20

«N kannin ndɛ ekun, n srɛli Nyanmiɛn, n dili mín sa tɛ'm be nanwlɛ, n kannin Izraɛlfuɛ bɔ be ti min nvle'n nunfuɛ mun bé sa tɛ'm bé wun ndɛ. N sun flɛli Anannganman min Nyanmiɛn'n i lika b'ɔ ti i liɛ klonglo'n i dunman nun ti.

Ndɛ Nga Nyanmiɛn I Nuan Ijɔfuɛ Oze Kannin'n 5:8

«An `bo awɛ Gibea lɔ, an `bo awɛ Rama lɔ, an `bo sro Bɛt-Avɛn lɔ, Bɛnzamɛn akpasua sufuɛ mun, amun `nian amun wun kpa.

Ndɛ Nga Nyanmiɛn I Nuan Ijɔfuɛ Oze Kannin'n 8:1

An `bo awɛ be bo sran'm be jɔ. Anannganman i sran'm be kpɔfuɛ'm bé su tɔ bé su, kɛ anunman nyin tɔ like wie su'n sa. «Sa ti bɔ be tɔ bé su sɔ'n, yɛlɛ kɛ aenguɛ nga min nin be e trali'n, b'a saci i'n. I bo'n kun ekun yɛlɛ kɛ b'a bu-man min mmla'n i like fi kun.

Zoɛl 1:15

Cuekee! Nguɛ cɛn liɛ yɛlɛ nga! Anannganman i ya cɛn'n yɛ ɔ'a mantan yɛ. Cɛn sɔ'n ´ba, Anannganman'n b'ɔ kwla like kwlaa yo i ninnge'm be sacilɛ b'ɔ guguli kɛ ɔ ´saci be'n yɛ be ´ba-a .

Zoɛl 2:11

Kan bɔ Anannganman i alɛ mma'm be sin lɛ'n, ɔ kpan dun mmua be nyrun. Alɛ mma sɔ mun bɔ like nga i waan be `yo'n yɛ be yo'n, be sɔnnin, be kunngba'n be yo sro ekun. Anannganman i cɛn sɔ'n ti kekle kpa, ɔ yo sro. ?Wan yɛ ɔ kwla suɛn i bo-ɔ ?

Zoɛl 2:15

An `ko bo awɛ Siɔn lɔ be `flɛflɛ sran mun nan an `yia. An `yia nan an `sie nglɛmun cilɛ blɛ kun.

Amɔs 3:6

?Klɔ kun su'n sɛ be ´bo awɛ'n, sran'm be usa-man kɛ nguɛ sa-a? ?Sa onin yɛ ɔ tɔ klɔ kun su sa bɔ nán Anannganman'n yɛ ɔ mɛn i wun atin-ɔn?

Amɔs 5:18

Amun bɔ an wo Anannganman i cɛn'n i minndɛlɛ'n, amun yako lele! ?Amun klun lɔ'n, an bu i kɛ i sɔ cɛn'n nun'n muae yɛ amun wa nyɛn i Anannganman sa nun-ɔn? Ɔ siɛ i mlɔnmlɔn! Amún nyin yɛ ɔ ´si amun ble-ɔ.

Amɔs 8:2

Ɔ usali min kɛ: «?Amɔs, nguɛ yɛ a wun i-ɔ?» Yɛ n tɛli su kɛ: «N wun waka mma blowa gbogbo kun.» Kpɛkuun Anannganman'n seli min kɛ: «Min nvle Izraɛl ɔ'a blo kɛ ɔ `ti tɔ sa. Sa nga i nunfuɛ'm be yo'n, n su yaci-man wie fi cɛ-man be kun.»

Abdias 1:15

Anannganman'n i nvle'm be kwlaa bé jɔlɛ dilɛ cɛn'n ɔ'a mantan koko. Cɛn sɔ'n nun'n, sa kunngba nga amun fa yoli amun wiengu mun'n yɛ be ´fa yo amun-ɔn. Tɛ nga amun yoli'n, ɔ ´kaci tɔ amun bɔbɔ amun su .»

Sofoni 1:14

Anannganman i cɛn dan'n ɔ'a mantan koko, ɔ ba ndɛndɛ kpa, ɔ'a mantan koko. Cɛn sɔ nun'n, alowa'n ´jaso woo, awuyomo'n ´tɛ. Safunyrɛn'n bɔbɔ ɔ ´kpan kɛ: «Be `de min o, be `de min o!»

Sofoni 1:16

Sonja nga be fin lika wie be bali kɛ be nin be kpɔfuɛ mun be ´kun alɛ'n, be ´bo awɛ yɛ be ´kpan alɛ kpanlɛ. Klɔ nga be si be wun'n, bɔ be lɛ sasawlɛ sua nglo-nglo'n be nin be nunfuɛ'm bé kun.

Sofoni 1:7

An `muan amún nuan Anannganman Nyanmiɛn nyrun, Anannganman'n i ya cɛn'n ɔ'a mantan koko. Anannganman'n ɔ'a siesie tɛ yilɛ'n, be nga ɔ ko flɛ be'n, ɔ'a yo be saun .

Sofoni 3:11

«Cɛn sɔ nun'n sa nga amun yoli min'n, fɔnlɛ nga amun fɔnnin min wun'n, amun su fɛ-mɛn i su afɛ'n kun, afin be nga be tu bé wun beblebe'n, n ´kan be bo amun wun lɛ. Kpɛkuun amun ´yaci amun wun tulɛ min Nyanmiɛn min oka'n su.

Zakari 14:1

Zerizalɛmfuɛ mun, Anannganman i ya cɛn'n ɔ'a mantan koko. Sɛ cɛn sɔ'n ɔ ju'n, be ´cɛ amún wun ninnge kpakpa'm be nun amun nyrun lɛ be ´fa.

Zakari 8:3

Anannganman wan yoo: «I sɔ'n ti yɛ n sali min sin Siɔn wa yɛ min wan n wa tran Zerizalɛm wa nin-ɔn. Be wa flɛ Zerizalɛm kɛ: Nanwlɛ Klɔ, yɛ be ´flɛ Siɔn oka'n kɛ: Nyanmiɛn Oka.»

Kalɛ 10:2

«Yo man be fa jɛtɛ ufue bɔ be boli'n be `fa yi awɛ nnyɔn, nan be `bo be fa flɛ sran'm be kwlaa. Kɛ be tutu bé tannin sua'n bé bo bɔ be ´kɔ'n, man be bo nan sran'm be wɔ be nyrun.

Kalɛ 10:3

Sɛ be bo awɛ nnyɔn'n be likawlɛ'n, man sran'm be kwlaa be yia tannin sua nga n yi min wun nglo nun'n i anuan'n nun lɛ.

1 Korɛntfuɛ Mun 14:8

?Sɛ ɔ ti alɛ su'n, bɔ klɛnsin'n tɛ sukusuku'n, ɔ ´yo sɛ yɛ yasua'm be ´ti bɔ be ´tanndan bé wun-ɔn?

Filipfuɛ Mun 2:12

I sɔ'n ti, min sran kpa mun, kɛ n wo amun wun lɔ bɔ amún nyin fa yi min titi'n, siɛn'n, kannzɛ n nun-man lɔ'n, man amún nyin yi min kpa tra laa'n. Kɛ ɔ ko yo nan amu'an nyan amún ti mlɔnmlɔn'n, an `mian amún nyin di junman kpa,

1 Tɛsalonikfuɛ Mun 5:2

Afin amun bɔbɔ an si kpa kɛ e Min'n i balɛ cɛn'n ɔ ´fu ye nun kɛ awiefuɛ b'ɔ ba kɔnguɛ'n sa .

Jacques 5:8

Amun kusu, an `tra amun anwlɛn, yɛ an `jran kekle, afin e Min'n i balɛ'n ɔ'a mantan.

1 Piɛr 4:7

Like'n kwlaa be awieliɛ'n ɔ'a mantan. I sɔ'n ti, an `bu akunndan, yɛ an `nian amún wun su nan amu'an kwla koko yalɛ a kle Nyanmiɛn.

Sa nglô yile 6:17

Afin cɛn nga be ya'n ɔ ´jao dan'n ɔ'a ju. ?Wan yɛ ɔ ´kwla jran be nyrun-ɔn ?»