Zoɛl 1:6 - NYANMIƐN NDƐ'N 1998

⁶ Kakaa'm be akpasua kun ɔ'a de e mɛn'n. Be yo wlɛ, be sɔnnin kpa. Be je'm be ti kɛ asɔmɔli je sa. Be je dandan'm be ti kɛ asɔmɔli bla'm be liɛ'n sa .

Zoɛl 1:6 ပူးပေါင်းရင်းမြစ်များ

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Nyanndra Mun 30:14

Sran wie'm be o lɛ'n, be je'm be la kɛ kue sa yɛ bé nuan'm be la kɛ laliɛ sa. Mɛn'n nun afɛfuɛ'm be ti kɛ be nnɛn sa yɛ be di-ɔ. Be nin yalɛfuɛ'm be lɛ i. Be kunndɛ kɛ be ´yi be sran nun.

Ezai 32:13

Min nvle'n nunfuɛ'm be asiɛ'n, ndre tɛ'n yɛ ɔ'a fu nun siɛn nin-ɔn, yɛ owie-owie'm b'a fifi nun. Klɔ'n bɔ be si able su'n, ndre tɛ sɔ'n ɔ'a fu nun wie, yɛ owie sɔ'm b'a fifi nun wie.

Ezai 8:8

Ɔ ´kata Zida mɛn'n i su, ɔ ´yi lele ɔ di lika'n, ɔ ´ju be kɔmin nun. Ee! Emaniɛl, be su wun-man nzue'n i cenje'n kun, nzue'n ɔ ´di ɔ mɛn'n wunmuan'n.»

Ndɛ Nga Nyanmiɛn I Nuan Ijɔfuɛ Oze Kannin'n 9:3

Efraimfuɛ mun, amun su kwla ka-man Anannganman'n i mɛn'n nun. Amun ´sa be sin Ezipt lɔ, yɛ amun ko di aliɛ ng'ɔ ti fiɛn'n Nyanmiɛn nyrun. Asiri lɔ yɛ amun ko di i sɔ nin-ɔn .

Zoɛl 2:25

Anannganman'n waan: «Amun ninnge nga be sacili'n, n ´sie be osu. Amun fie su ninnge nga ndro'm be dili, nga lalo'm be wa sacili be'n, nga klannan nin aɛcɛ mun be dili'n, i sɔ ninnge liɛ nga kakaa fa ɔklɔɔ nga n sunmannin be'n be wa sacili be'n, n ´sie be kwlaa be osu.